Ezara 9:2 - KITABU KITAKATIFU

² Kigira va vugula avakana vavo kuva avakali vavo navakali vavana vavo, kali kuduka yava ava veye kisukululwi kitakatifu vetsugannyi avene navandu vevivala yivyo: yee, na makono gavanene, navo avamehi gimiriye mu mahyolo yaga.

Ezara 9:2 ပူးပေါင်းရင်းမြစ်များ

Litanga 6:2

avanava Nyasaye va lola avakana va vandu va veye avalahi; na vevugulira kuvo avakali ava va tovola.

1 Avami 11:1

Kunangwa Solomoni ya yanza avakali avanyingi avageni, halala na mukana wa Farao, avakana va Vamoabu, na Vaamon, Vaedom, na Vasidone na Vahiti;

Ezara 10:2

Na Shekania mwana wa Jehieli, wa li mulala ku avana va Elam, ya tivula na a volera Ezara, Kwinye kwoni ku Nyasaye wetu, na ku kweye avakana vageni vavandu vekivala yiki: navutswa li suuviridzwa li kikiri ho ku Israeli mu inkuva yiyi.

Ezara 9:12

kunangwa kalunu, mu ta kwa avakana venyu ku vayai vavo, kinga mu ta vugula avakana vavo kukwehidza avayai venyu, kandi mu tenya mirembe gyavo kinga ligasi dzwa lyavo mihiga nemihiga; mu duke kuva netsingulu, mu duke kulia bulahi bwekivala, nokukileka ki ve miyandu gyavana venyu mihiga nemihiga.

Ezara 9:14

kwononnye amalago gogo kandi, nokutsuganywa ku likwererana na vandu va kolanga livihiriridza yili? Nkano si wa ka vihirirwa kwinye, kuduka wa ku dividza ligali, nokuvula ku tigala nelitigala kali lilala, kinga lihona?

Nehemia 13:17

Hene yaho nda hangala navanene va Yuda, nokuvavolera, Kindu ki inkuva viyi indamano ya mu kolanga, na mwononnyanga lidiku lyelisabato?

Nehemia 13:28

Na mulala ku avana va Joiada mwana wa Eliashibu musalisi mu nene, wa li navizala wa Sanbalati Muhoron: kigira yaga nda mu kunga a twule imbiri wange.

Kutwula 19:6

na mwinye mu la va ku inze ubwami bwavasalisi, kandi ihiri intakatifu. Yaga namakuva ga u li volera avana va Israeli.

Kutwula 22:31

Mu ve avatakatifu ku inze: kigira yaga mu ta lia inyama ya tsinyama tsyomigendinyama tsya donyanya; mu he tsimbwa.

Kutwula 34:16

na u la kwehidza avayai vovo ku avakana vavo, na avakali zana va la tsia mu buheyi bwelilonda avanyasaye vavo, nokung'usa avayai vovo kutsia mu buheyi bwelilonda avanyasaye vavo.

Isaya 6:13

Navutswa ni ki nyoleka kidieli kyelikumi mu kivala, ki la libwa kandi: kuli muvinde, na kuli mugandi gwekitinya kyagwo kya tigala, ha gwa temwani ndiyo kisukululwi kitakatifu ki veye kitinya muvo.

Kyavalevi 21:15

Kandi a tononya lwivulu lwilwe mu avandu veve: kigira mbeye Yahova, u mu takasanga.

Malaki 2:11

Yuda ya kola nobugadi, na livihiriridza li veye mu Israeli nomu Yerusalemi: kigira Yuda yononnya ubutakatifu bwa Yahova bwa a yanzanga, na ya kwa mu kana wa nyasaye mugeni.

Malaki 2:15

Si ya kola mwinye mulala, kali ni ya li nelitigala lya Roho? Kandi mulala kigira ki? Ya li na yenya kisukululwi kyokutia Nyasaye. Kigira yaga mu linde ligali mwoyo gwenyu ku vosi mundu a ta kola agobugadi ku mukali wobusoleli bwibwe.

1 Vakorintho 7:14

Kigira musatsa u ta suuvira a takasangwa kigira mukali wewe, kandi mukali u ta suuvira a takasangwa kigira musatsa. Ni ga ta li ndiyo, nkano avana venyu navadamano; navutswa kalunu va veye avalungi.

2 Vakorintho 6:14

Mu ta bofwa inira indala nava ta suuvira: kigira ha veye nelisanga ki hagati hobulungi nelihyola? Kinga ha veye nelisanga ki hagati hobulavu nekisundi?

Kwidzulitsa 14:2

Kigira u veye ihiri intakatifu ku Yahova Nyasaye wowo, na Yahova ya ku tovola kuva ihiri yahulwa kuva yeye, kuvita tsihiri tsyosi tsi veye ku lirova.

Kwidzulitsa 7:6

Kigira ive u veye ihiri intakatifu ku Yahova Nyasaye wowo: Yahova i Nyasaye wowo ya ku tovola u ve ihiri yahulwa i ve yeye, kuvita avandu vosi ava veye ku lirova.

Joshua 22:15

Na va duka ku avana va Rubeni, noku avana va Gadi, noku inusu yehiri ya Manase, mu kivala kya Gileadi, na va volerana navo, ni va vola,

Joshua 23:12

Gase ni mu va ni mwirana inyima, nokuhambana nelitigala lyetsihiri yitsi, tsya tigala hagati henyu, nokukwererana navo, namwinye mu ve halala navo, navo nokuva halala nemwinye;