Ezara 8:23 - KITABU KITAKATIFU

²³ Kunangwa kwa honga lilia noku sava Nyasaye wetu ku likuva yili: naye ya ku hulira.

Ezara 8:23 ပူးပေါင်းရင်းမြစ်များ

Litanga 25:21

Na Isaka ya saalira mukali wewe ku Yahova, kigira ya li mugumba: na ya mu hulira, na Rebeka mukali wewe ya vereka.

2 Avami 13:4

Jehoahazu ya saala Yahova, na Yahova ya mu hulira; kigira ya lola lidambidzwa lya Israeli, kuli mwami wa Siria ya va dambidza.

1 Kyetsinyinga 5:20

Na va konnywa kulwana navo, na Vahagari va vikwa mmakono gavo, halala navosi ava li halala navo; kigira vanira Nyasaye ni va veye mbulwani, naye ya bugirira lisaala lyavo; kigira va vika lisuuvira lyavo muye.

Ezara 8:31

Hene yaho kwa tsia kutwula ha mugera gwa Ahava, ku lidiku lye likumi na gaviri lyomweli gwokuta nga, kutsia kuduka Yerusalemi: no mukono gwa Nyasaye wetu gwa li halala nekwinye, naye ya ku honnya mukono gwavasigu na gwa yavo ava ku goneka ku inzira.

Nehemia 9:1

Kunangwa ku lidiku lya makumi gaviri na gane lyomweli zana avana va Israeli va vugana halala nokuhonga lilia, na vivika tsingubo tsyamagunia, nokwevaka ubudohi.

Esther 4:16

Tsia, u vungidze Avayuda vosi ava veye ha Shushan, mu honge lilia kigira inze, mu vule kulia kinga kunwa kuduka madiku gavaka, ubudiku kinga mbasu: na inze navatugwa vange ku la honga lilia ndiyo; na ndiyo ndingira ku mwami, i veye inkuva i ta li kuli malago: ni mba ni ndiva, ndive.

Tsing'ano 3:5

U suuvire Yahova nomwoyo gugwo gwosi, U ta yeka ku ubugeeri bubwo mwene:

Isaya 19:22

Na Yahova a la kuya Egepeti, kukuya nokuhonnya; navo va lirana ku Yahova, naye a la bugirira lisaala lyavo, nokuvahonnya.

Jeremia 33:3

Wanire inze, na inze nda ku tivulira, na nda ku mannya vindu vinene ni vidinyu, vya ive u ta manya.

Danyeli 9:3

Na nda yekidza tsimoni tsyange ku Mwami Nyasaye, kwenya mu lisaala, nomu lihomba, mu lihonga lilia, nomu tsingubo tsyeligunia, nomu ligoke.

Luka 2:37

kandi ya li mukunzakali imihiga gyi duka amakumi gatanu na gavaka nemihiga gyine), wa vula kutwula mu litempeli, na a sigamira halala nokuhonga lilia nelisaala ubudiku nombasu.

Vikolwa 10:30

Kornilyo ya mu tivulira, Nda li ni nsaala mu inyumba yange, isaa i kola tsitanu na tsine, kutwula inyinga yeyo lero ni kane, henza, mundu ya singira imbiri wange wiviki tsingubo tsing'ereng'anu,

Kwidzulitsa 4:29

Navutswa kutwula ha zana u lenya Yahova, Nyasaye wowo, u la mu nyola, inyinga u mwenya nomwoyo gugwo gwosi na roho gugwo gwosi.