Ezara 7:9 - KITABU KITAKATIFU

⁹ Kigira ya tanga kwane gira kutwula Babuloni ku lidiku lyokutanga lyomweli gwokutanga; na ya duka Yerusalemi lidiku lyokutanga lyomweli gwegyitano, kuli mukono mulahi gwa Nyasaye wewe gwa li kuye.

Ezara 7:9 ပူးပေါင်းရင်းမြစ်များ

Ezara 7:28

kandi ya ndukidzira tsimbabasi imbiri womwami, navavoli veve, na imbiri wavanene vosi vomwami avetsingulu. Kandi inze nda li netsingulu kuli mukono gwa Yahova Nyasaye wange ugwa li ku inze, na nda va vungidza mu Israeli avandu avanene ava lyanegira kutsia ninze.

Ezara 7:6

uyu Ezara yanegira kutwula Babuloni. Naye ya li mung'odi musidza welilaga lya Musa, lya Yahova, Nyasaye wa Israeli, lya ya ha avandu: nomwami ya mu kolera kuli amateva gege gosi, kuli mukono gwa Yahova Nyasaye wewe gwa li kuye.

Ezara 7:8

Na Ezara ya duka Yerusalemi ku mweli gwegyitano, ku muhiga gwegyitano na gyiviri gwo mwami.

Ezara 8:18

Kandi kuli mu kono mulahi gwa Nyasaye wetu gwa li halala nekwinye va ku letera mundu mulala wobugeeri, ku avana va Mahali, mwana wa Levi, mwana wa Israeli; na Sherebia halala navana veve navamwavo veve, avandu likumi na vatano na vavaka,

Ezara 8:22

Kigira nda li ni mbeye isoni kusava mwami a ku he kiduma kyavasikari, navoku nina ku tsiparasi kukukonya ku va sigu va veye ku inzira, kigira kwa li ni ku voleye mwami, ni ku vola, Mukono gwa Nyasaye wetu gu veye halala na yavo vosi ava mwenyanga, kuvaletera ubulahi; navutswa ubu nyali bwibwe nelivihirirwa lilye li veye ku yavo vosi ava mu lekanga.

Ezara 8:31

Hene yaho kwa tsia kutwula ha mugera gwa Ahava, ku lidiku lye likumi na gaviri lyomweli gwokuta nga, kutsia kuduka Yerusalemi: no mukono gwa Nyasaye wetu gwa li halala nekwinye, naye ya ku honnya mukono gwavasigu na gwa yavo ava ku goneka ku inzira.

Ezara 8:32

Na kwa duka Yerusalemi, nokumenya yo madiku gavaka.

Nehemia 2:18

Kandi nda va volera amakuva gomukono mulahi gwa Nyasaye ugwa li ku inze nobulahi, na makuva gomwami, aga ya volera inze. Navo va vola, Genda, ku vuke, kwombake. Ma va vika ubugulu mmakono gavo ku miyinzi milahi.

Nehemia 2:8

na mbebu e ibaruwa kumbi lire Asafu mulindi womulitu gwo mwami, a duke kumba misala ku lomba vikongo vyeviribwa vyolugaga lwa hambana nenyumba, kandi vyelidigi lyelidala, nenyumba ya inze nyingira mu. Kandi mwami ya mbe tsibaruwa, kuli mukono mula hi gwa Nyasaye wange gu veye ku inze.

Zaburi 80:18

Kunangwa si ku lirana inyima kutwula ku ive mba: U ku vukidze, na kwinye ku lanira lieta lilyo.

Isaya 66:14

Mu la lola yaga, na mwoyo gwenyu gu la sangala, nevigumba vyenyu vi la dedema kuli bunyasi budoto: na mukono gwa Yahova gu la manyekana ku vatumekiri veve; naye a la va nobutima ku avasigu veve.