Ezara 7:25 - KITABU KITAKATIFU

²⁵ Na ive, Ezara, ku lilonda ubugeeri bwa Nyasaye wowo bu veye mmwoyo gugwo, u viki avakalagi, na avidzo dzi, va duke kukalagira avandu vosi ava veye engereka wo Mugera, yavo vosi ava manya amalago ga Nyasaye wowo; nokwegidza uyu wa vula kugamanya.

Ezara 7:25 ပူးပေါင်းရင်းမြစ်များ

Litanga 41:38

Na Farao ya volera avatumekiri veve, Ku nyala kunyola mulala u fwana mundu uyu, wa Roho wa Nyasaye a veye muye?

Litanga 41:39

Kunangwa Farao ya volera Yosefa, Kigira Nyasaye ya ku mannya inkuva yiyi yosi, si ha veye nowobugeeri na welimanya kuli ive:

1 Avami 3:28

Na Israeli vosi va hulira makuva gelikalaga lyomwami ya kalaga; navo va mu tia: kigira va lola ubugeeri bwa Nyasaye bu veye halala naye, a duke kukola likalaga.

2 Avami 17:27

Hene yaho mwami wa Asuria ya laga, na a vola, Hila mulala ku vasalisi va mwa twulidza yo; va tsie kumenya yo, nokuvegidza miima gyomunyasaye wekivala.

1 Kyetsinyinga 22:12

Na Yahova a ku he tsiganagani nelimanya, kandi a ku he lyeganehi dza ku Israeli; ku yaga u duke kugu mira amalago ga Yahova Nyasaye wowo.

1 Kyetsinyinga 23:4

Ku yavo, tsielfu makumi gaviri na tsine va li avemi yinzi gyokuhenza ku miyinzi gyenyu mba ya Yahova; na tsielfu tsitano na indala va li avanyampara navakalagi;

Ezara 10:4

Kunangwa vuka; kigira inkuva yiyi i veye mmukono gugwo, na kwinye ku veye halala nive: u ve nobuluviriri kugikola.

Ezara 6:6

Kunangwa kalunu, ive Tatenai mwamehi wekivala ki veye engereka wo Mugera, na Shetharubozenai, na avakye venyu, Vaafarisaki, ava veye engereka wo Mugera, mwerehe mu ve ihale na ha zana:

Ezara 7:10

Kigira Ezara ya li ni ya yekidza mwoyo gwigwe a duke kwenya lilaga lya Yahova, nokuga kola, nokwegidza amalago nelikalaga mu Israeli.

Ezara 7:14

Kigira ive, mwami na vavoli veve vatano na vaviri, va ku tuma, u duke kuteva makuva ga Yuda na Yerusalemi, kuli lilaga lya Nyasaye wowo li veye mmukono gugwo,

Nehemia 9:3

Na va singira mbugono bwavo, ni va soma mu kitabu kyelilaga lya Yahova Nyasaye wavo kidonye kya kane kye lidiku; kandi kidonye kindi kya kane kyelidiku veyama, nokusigamira Yahova Nyasaye wavo.

Zaburi 19:7

Likalaga lya Yahova li veye lidukiru, kugirunkannya mwoyo: Lilolekidza lya Yahova li veye lyeligali, kugerihidza avasiru.

Tsing'ano 2:6

Kigira Yahova a haananga ubugeeri; Limanya na limanyeridza ri twulanga ku munwa gwigwe.

Tsing'ano 6:23

Kigira lilaga li veye itaya; na lyegidza li veye ubulavu; Na lyegidzwa lyeligondokirwa li veye inzira yelivamwoyo:

Malaki 2:7

Kigira ga dukira minwa gyomusalisi kulinda limanya, kandi ga va dukira kwenya lilaga mu munwa gwigwe: kigira a veye mutumwa wa Yahova wa mahe.

Matayo 13:52

Naye ya va voiera, Yiki ni kigira ku mung'odi samulala u koleywi mwegidzwi mu bwami bwomigulu, a veye kuli mundu mwene inyumba, a twulidza mu kiba yeye vindu vihya na vindu vikulu.

Marko 6:34

Na Yesu ya twula, na a lola kiduma kinene, na a va vererera, kigira va iwana magondi ga ta li nomwayi: ya tanga ku vegidza vindu vinyingi.

Kwidzulitsa 16:18

U vike avakalagi navanyampara mu viribwa vivyo vyosi, vya Yahova Nyasaye wowo a ku ha, kuli tsihiri tsitsyo; navo va kalagire avandu nelikalaga lyobulungi.

Vakolosai 1:28

Uyu wa kwilwadza, nokweganehidza avandu sa mulala, nokwegidza avandu sa mulala mu bugeeri bwosi, ku duke kusingeridza mundu sa malala a ve mudukiru mu Kristo.

Yakobo 1:5

Navutswa mulala ku mwinye na a va na a daki ubugeeri, a saale Nyasaye, u hedzanga avandu vosi nobuhaani kandi si a vunzulanga: naye a la hebwa.