Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ezara 5:8 - KITABU KITAKATIFU

8 Inkuva yiyi gi manyekane ku mwami, kwa ingira mu kivala kya Yuda, nokuduka ha inyumba ya Nyasaye munene, yombakwa na magina manene, nemisala gya vikwa mu madigi gayo; na miyinzi yigyo gyi kolwa netsingulu, na gyi gasidzwa mmakono gavo.

အခန်းကိုကြည့်ပါ။ ကော်ပီ




Ezara 5:8
20 ပူးပေါင်းရင်းမြစ်များ  

Kandi yava va li avana voluprovinse, vanegira kutwula mu lyadikidzwa mu yavo ava hilwa avahambe, ava Nebukadinezaru mwami wa Babuloni ya vugula kutsia navo Babuloni, navo virana Yerusalemi na Yuda, sa mulala a tsie mu lidala lilye, ni yava;


va mu hilire ibaruwa, nayo ya ng'odwa ama kuva yaga muyo: Ioaruwa yiyi i duke ku mwami Dario, mirembe midukiru.


Hene yaho kwa teva avakulundu yavo, nokuvavolera yaga, Ni bwaha ya mu ha munwa kwombaka inyumba yiyi, nokumala lidigi yili?


va duke kuhaana vihaanwa ku Nyasaye womigulu kuva muhomo gwokuya nzidza, nokusaalira livamwoyo lyo mwami, nelyavana veve.


ku livika tsimbaso tsivaka tsyamagina manene noluvaso lulala lwemisala mihya, nemitungu gyayo gyi tungwe kutwula mu inyumba yomwami.


Gosi ga Nyasaye womigulu ya laga, ga kolerwe inyumba ya Nyasaye womi gulu, nobudukiru; kigira ki ubutima bu ve ku bwami bwomwami navana veve?


Yava nivo avanene vekivala ava menya Yerusalemi: navutswa mu ma dala ga Yuda, sa mulala ya menya mu miyandu gyigye mmadala gavo livola li veye, Israeli, vasalisi, na Valevi, na Vanethini, navana vavatu mekiri va Solomoni.


Yava va li avana voluprovinse, avanegira kutwula mu lyadekidzwa mu yavo ava hilwa avahambe, ava Nebukadinezaru mwami wa Babuloni ya hila mbuhambe, na virana Yerusalemi na Yuda, sa mulala ku lidala lilye;


Ga duka mmadiku gomwami Ahasueru (uyu ni Ahasueru wa meha kutwula kivala kya India kuduka Ethiopia, ku tsiprovinse mia na makumi gaviri na tsitano na tsiviri),


ma ya hila tsibaruwa ku tsiprovinse tsyosi tsyomwami, ku iprovinse se ndala kuli ling'oda lyayo, noku tsihiri se indala kuli ululimi lwatsyo, kuvola avasatsa vosi sa mulala vamehe mu i inyumba yeye, nokuvola kuli ululimi lwa vandu veve.


Yahova a veye munene, na wokwi dzominywa ligali; Ubunene bu ibwe si bu nyala kwiderwa.


Na mwami ya tivula na a volera Danyeli, na a mu volera, Ligali, Nyasaye wowo a veye Nyasaye wa vanyasaye, na umwami wa avami, na muvuuli wevindu vya viswa, kigira wa nyala kumbuulira liviswa yili.


Hene yaho Nebukadinezaru yesunda ha kiliango kyekisambiru kyaakanga muliru ligali: na a gamba, na a vola, Shadaraka, Meshaka, na Abedinego, mwinye avatumekiri va Nyasaye U Veye Igulu Ligali, mu twule, mudze yino. Ma Shadaraka, Meshaka, na Abedinego va twula hagati ho muliru.


Inze ndoli nu bulahi kumannya vilolekidzu, na ageligenya aga Nyasaye U Veye Igulu Ku Vyosi a koli ku inze.


Inze mbaana munwa, mu bwami bwange bwosi, avandu va degere nokutia imbiri wa Nyasaye wa Danyeli; kigira a veye Nyasaye u veye mwoyo, na a hindi ranga mihiga nemihiga, na ubwami bwibwe nibwo bu li vula kudividzwa; na ubwami bu la menya kuduka ku kiheri:


Kigira Yahova Nyasaye wenyu, niye Nyasaye wa avanyasaye, nomwami wavami, Nyasaye munene, wetsingulu, nelitihidza, u vulanga kuhenza liloleka lyavandu, kinga kuvugula vikukula.


Kigira lwanda lwavo si lu veye kuli Lwanda lwetu, Kali avasigu vetu avene va veye avakalagi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ