Ezara 5:5 - KITABU KITAKATIFU

⁵ Navutswa imoni ya Nyasaye wavo ya li ku vakulundu va Vayuda, na si va va gayidza, kuduka lwa likuva lya duka ku Dario, nokwiranyirwa litivula lyebaruwa ku makuva yaga.

Ezara 5:5 ပူးပေါင်းရင်းမြစ်များ

2 Kyetsinyinga 16:9

Kigira tsimoni tsya Yahova tsi twulira yiyi neyiyi ku lirova lyosi, ku lyelanga minya kuva netsingulu ku luvega lwa yavo avemyoyo gyavo gyi veye midu kiru kuye. Mu yaga wa kola kuli musiru; kigira kutwula kalunu u la va nobulwani.

Ezara 7:28

kandi ya ndukidzira tsimbabasi imbiri womwami, navavoli veve, na imbiri wavanene vosi vomwami avetsingulu. Kandi inze nda li netsingulu kuli mukono gwa Yahova Nyasaye wange ugwa li ku inze, na nda va vungidza mu Israeli avandu avanene ava lyanegira kutsia ninze.

Ezara 7:6

uyu Ezara yanegira kutwula Babuloni. Naye ya li mung'odi musidza welilaga lya Musa, lya Yahova, Nyasaye wa Israeli, lya ya ha avandu: nomwami ya mu kolera kuli amateva gege gosi, kuli mukono gwa Yahova Nyasaye wewe gwa li kuye.

Ezara 8:22

Kigira nda li ni mbeye isoni kusava mwami a ku he kiduma kyavasikari, navoku nina ku tsiparasi kukukonya ku va sigu va veye ku inzira, kigira kwa li ni ku voleye mwami, ni ku vola, Mukono gwa Nyasaye wetu gu veye halala na yavo vosi ava mwenyanga, kuvaletera ubulahi; navutswa ubu nyali bwibwe nelivihirirwa lilye li veye ku yavo vosi ava mu lekanga.

Zaburi 32:8

Nda ku ha ubugeeri nokukwegidza inzira ya u li vitira ku: Nda kwimirira nemoni yange.

Zaburi 33:18

Henza, imoni ya Yahova i veye ku yavo ava mu tidzanga, I veye ku yavo ava suuviranga tsimbabasi tsitsye

Zaburi 34:15

Tsimoni tsya Yahova tsi veye ku avobulungi, Na amatu gege ga yeki ku lilira lyavo.

Zaburi 76:10

Ligali ubutima bwavandu bu la kwidzominya: U la gaya ubutima bwa tigala.

Vafilipi 1:28

kandi bugira ubutii ku vyosi kigira avasigu: kuvo likuva yili li veye kiloleru kyeligali kyelidiva, navutswa ku mwinye kyelihonnywa, nalyo litwula ku Nyasaye.

1 Petro 3:12

Kigira tsimoni tsyo Mwami tsi henza ku avalungi, Kandi amatu gege ga yeki ku lisaala lyavo: Navutswa mumoni mwo Mwami mu veye ku yavo avakola budamano.