Ezara 5:11 - KITABU KITAKATIFU

¹¹ Na va ku tivulira, ni va vola, Kwinye kwa li avatume kiri va Nyasaye womigulu nowelirova, na kwombakanga inyumba yomba kwa mihiga miyingi gya vita, yo mwami munene wa Israeli yombaka na ya mala.

Ezara 5:11 ပူးပေါင်းရင်းမြစ်များ

Litanga 24:3

na inze nda kwisuhidza ku Yahova, Nyasaye womigulu na Nyasaye welirova, u ta vugulira mwana wange mukali ku vakana Vakanani, ava mmenya hagati havo:

1 Avami 6:38

Noku muhiga gwelikumi na mulala, ku mweli gwa Bulu, gu veye mweli gwegyitano na gyivaka, inyumba ya malilidzwa tsimbega tsyayo tsyosi, ku leng'ana nelifwana lyayo lyosi. Ni ndiyo ya li mihiga gyitano na gyiviri mu lyombakawa.

1 Avami 9:10

Na ga duka, inyima wemihiga makumi gaviri, gya Solomoni yo mbaka tsinyumba yitsyo tsyombi, inyumba ya Yahova nenyumba yomwami

Ezara 5:10

Kwa va teva ameta gavo kandi, kukumannya, kuduka kung'oda ameta gavandu ava li mitwe gyavo.

Zaburi 119:46

Kandi nda vola lilolekidza lilyo imbiri wa avami, Na si nda nyola tsisoni.

Zaburi 136:26

O mu santidze Nyasaye womi gulu; Kigira tsimbabasi tsitsye tsi veye ho mihiga nemihiga.

Danyeli 3:26

Hene yaho Nebukadinezaru yesunda ha kiliango kyekisambiru kyaakanga muliru ligali: na a gamba, na a vola, Shadaraka, Meshaka, na Abedinego, mwinye avatumekiri va Nyasaye U Veye Igulu Ligali, mu twule, mudze yino. Ma Shadaraka, Meshaka, na Abedinego va twula hagati ho muliru.

Jona 1:9

Naye ya va volera, Inze mbeye Muhebraina; na ntidza Yahova, Nyasaye womigulu, wa lomba inyanza na lirova Iyumu.

Matayo 10:32

Uyu u nzi yamira imbiri wavandu, inze kandi nda mwiyamira imbiri wa Dada wange u veye migulu.

Luka 12:8

Kandi inze mmu volera, Vosi va mbugirira imbiri wavandu, yava Mwana wa Adamu a la va bugirira imbiri wetsingelosi va Nyasaye:

Vikolwa 27:23

Kigira ubudiku yibu lero ya li ninze a himbi ingelosi wa Nyasaye, wa inze mbeye mundu wewe kandi wa ntumekira,

Varumi 1:16

Kigira si mbeye soni nevangeli, kigira i veye tsingulu tsya Nyasaye i duke ku buhonnyi ku vosi ava suuvira, kutanga ku Vayuda kandi ku Vagreki.

Varumi 6:16

Si mu manya, uyu wa mwihila kuye kuli avatugwa nokuhulira, mwinye mu veye avatugwa va uyu wa mu hulira; ni mu va ni mu veye ku bwoni kuduka likudza, naho ni mu veye ku lihulira kuduka ubulungi?

Vagalatia 6:14

Navutswa li ve hale ku inze liidzominya ni li ta li ku musalaba gwo Mwami wetu Yesu Kristo, kugwo vyelirova vi gwiye vibambe ku inze, na inze ngwiye mubambe ku vyelirova.

Joshua 24:15

Litumekira Yahova ni li va ni li loleka kuva ku mwinye lidamano, mu tovole lero wa mu tumekira; ni va va ni va veye avanyasaye va vaguga venyu va tumekira lwa va li engereka va Mugera, kinga ni va va avanyasaye va Vaamori, ava mu menya mkivala kyavo: navutswa inze nenyumba yange, ku la tumekira Yahova.