Ezara 10:1 - KITABU KITAKATIFU

¹ Kunangwa inyinga yeyo lwa Ezara ya li na a saalanga nokweyama, nokulira, nokugwa hasi imbiri wenyumba ya Nyasaye, va vugana kuye kutwula mu Israeli vosi livugana linene lyavasatsa navakali navana; kigira avandu yavo va li ni va liranga ligali.

Ezara 10:1 ပူးပေါင်းရင်းမြစ်များ

1 Avami 8:30

Na u hulire lisaala lyomutumekiri wowo, na lyavandu vovo Israeli lwa va saalanga lyokuhenza ha zana: yee, u hulire yaho migulu mbumenyo bubwo, na lwa u hulira, u samehe.

1 Avami 9:3

Yahova ya mu volera, na a vola, Mbuliye lisaala lilyo nelihomba lilyo, lya wa kola imbiri wange: mmali kutakasa inyu mba, ya wombaki, nduke kuvika muyo lieta lyange mihiga nemihiga; netsimoni tsyange nomwoyo gwange gu la va ho kazozo.

2 Kyetsinyinga 20:13

Na Yuda vosi va singira imbiri wa Yahova, na vakekeke vavo, na vakali vavo, navana vavo.

2 Kyetsinyinga 20:9

Ubudamano ni bu duka ku kwinye, kivavi, kinga likalaga, kinga ipelegi, kinga inzala, ku la singira imbiri wenyumba yiyi, na imbiri wowo (kigira lieta lilyo li veye mu inyumba yiyi), kwanire ive mu kivi kyetu, na ive u la hulira nokukuhonya.

Ezara 10:6

Hene yaho Ezara ya vuka na a twula imbiri wenyumba ya Nyasaye, na yingira mu inyumba ya Jehohanan mwana wa Eliashibu: na lwa ya duka ho, si ya lia vyokulia, kandi si ya nwa madzi mba; kigira ya li na a liliranga lihyola lyavandu velyadiki dzwa.

Nehemia 1:4

Kunangwa, lwa nda hulira makuva yaga, ndikala nokulira, noku syoma madiku aga duki; na nda honga lilia nokusaala imbiri wa Nyasaye womigulu,

Nehemia 1:6

ugutu gugwo gu tegidzwe, na tsimoni tsitsyo tsi kunuke, u duke kuhulira lisaala lyomutumekiri wowo, lya nsaalanga imbiri wowo inyinga yiyi, mbasu nobudiku, ku avana va Israeli ava tumekiri vovo, lwa nzeyama ubwoni bwavana va Israeli, ubwa ku koli ku ive. Yee, inze nenyumba ya dada wange ku koli ubwoni:

Nehemia 10:28

Na avandu ava tigala, avasa lisi, na Valevi, navalindi veviribwa, navokwimba, na Vanethini, na yavo vosi aveyahula ku avandu vekivala nokuhambana namalago ga Nyasaye, avakali vavo, navana vavo avayai navakana, na vosi ava li nobugeeri nelimanya;

Nehemia 8:9

Na Nehemia, wa li mwamehi, na Ezara musalisi, mung'odi, na Valevi avegidzanga avandu, va volera ava ndu vosi, Lidiku lya lero yili li veye lidiku litakatifu lya Yahova Nyasaye wenyu; mu ta syoma, kinga kulira mba. Kigira avandu vosi va li ni va liranga, lwa va hulira makuva geli laga.

Zaburi 119:136

Migera gyamadzi gyi gangulukanga mu tsimoni tsyange, Kigira va vula kubugirira itorati yoyo.

Zaburi 32:5

Ndeyama ubwoni bwange imbiri wowo, Na si nda visa ubukyamu bwange: Nda vola, Ndeyamira Yahova mahyolo gange; Na ive wa sameha ubukyamu bwobwoni bwange. [Selaha

Jeremia 13:17

Navutswa ni mu va ni mu vula kuhulira likuva yili, mwoyo gwange gu la lira makiriri kigira uluyai lwenyu; tsimoni tsyange tsi la lira ligali, nokuganguluka amaliga, kigira kyayo kya Yahova ki lanyeywi.

Jeremia 9:1

Nkano mutwe gwange gu veye amadzi a manyingi, netsimoni tsyange kuva kyokusenuka amaliga, nduke kulira mbasu nobudiku kigira yavo aviitwa avomukana wavandu vange

Danyeli 9:20

Inyinga nda li mu livola, nomu lisaala, nomu lyeyama ubwoni bwange nobwoni bwa avandu vange Israeli, nokusunda lisaala lyange imbiri wa Yahova Nyasaye wange kigira kigulu kitakatifu kya Nyasaye wange;

Hosea 14:2

Vugula ma kuva, u tsie nago, wirane ku Yahova: u mu volere, Twulidza budamano bwosi, u bugirire amalahi: ku la haana ndiyo vihaanwa vyeminwa gyetu kuli kuhaana tsigiriki.

Zekaria 12:10

Na nda tsuka roho gwetsimbabasi na lisaala ku inyumba ya Daudi, noku vamenyi Yerusalemi; na va la lola inze wa va tumita; na va la mu syomera, kuli mundu a syomeranga mwana wewe muderwa, na va la va mu busaliri kigira uyu, kuli mundu a veye mu busaliri kigira wa tanga kwivulwa wewe.

Matayo 3:6

ni va tsia ku Yohana na a va batidza mmugera gwa Yordani, vivuula ubwoni bwavo.

Luka 19:41

Kandi lwa ya duka himbi, ya lola lidala, na a li lirira,

Vikolwa 10:30

Kornilyo ya mu tivulira, Nda li ni nsaala mu inyumba yange, isaa i kola tsitanu na tsine, kutwula inyinga yeyo lero ni kane, henza, mundu ya singira imbiri wange wiviki tsingubo tsing'ereng'anu,

Vikolwa 21:5

Kandi lwa kwa mala madiku, kwa twula ni ku tsia ulugendo lwetu; navo vosi halala navakali navana vavo, va ku hereka kali kuduka kyova welidala: ni ku sigama ku luginga ni ku saala ni ku siivulana;

Varumi 9:2

mbeye neliverera linene nobusaliri obu ta hera mu mwoyo gwange

Kwidzulitsa 31:12

U vugannye avandu, avakali navasatsa navana, na mugeni wowo u veye mu viribwa vivyo, va duke kuhulira, kandi va duke kweyegidza, nokutia Yahova Nyasaye wenyu, nokulinda kukola amakuva gosi gelilaga yili;

Joshua 7:6

Ma Joshua ya tandula tsingubo tsitsye, na a gwa mammama imbiri welisanduku lya Yahova na a va ho kuduka inyinga ya mgolova, uyu na vakulundu va Israeli; veyuhira uluguki ku mitwe gyavo.

Joshua 8:35

Si ha veye nelikuva kali lilala lya Musa ya laga, lya Joshua ya vula kusoma imbiri welivugana lyosi lya Israeli, avakali, na avana, na ava menya ava gendanga navo.