Ezara 1:3 - KITABU KITAKATIFU

³ U veye ku mwinye mu avandu veve vosi, Nyasaye wewe a ve naye, yanegire Yerusalemi, li veye mu Yuda, na yombake inyumba ya Yahova, Nya saye wa Israeli (uyu niye Nyasaye), veye ha Yerusalemi.

Ezara 1:3 ပူးပေါင်းရင်းမြစ်များ

1 Avami 18:39

Na vandu yavo vosi lwa va lola yago, va gwa mammama: ni va vola, Yahova a veye Nyasaye; Yahova a veye Nyasaye.

1 Avami 8:23

na a vola, O Yahova, Nyasaye wa Israeli, si ha veye na Nyasaye u fwanana nive mba, migulu igulu, kinga mu lirova hasi; u dinyeridzanga lilagana netsimbabasi ku avatumekiri vovo ava gendanga imbiri wowo nemyoyo gyavo gyosi;

1 Kyetsinyinga 28:20

Na Daudi ya volera Solomoni mwana wewe, U ve mugulu nokwele minya, nokugakola; u ta tia mba kinga kukudza mwoyo; kigira Yahova Nyasaye, uyu Nyasaye wange, a veye halala nive, si a la geha ku ive mba, kandi si a la ku leka mba, kuduka miyinzi yigyi gyosi gyobu tumiki bwenyumba ya Yahova gyi tweki.

Ezara 1:4

Noku vosi u li tigala, hosi ha a menyanga mumenyi, avandu va veye ahehe va mu konye kumuha ifetha, nethahabu, neviju, nemitugu lugano lugano, ku vita kindu ki li haanirwa inyumba ya Nyasaye i veye mu Yerusalemi, nomwoyo gwobuyanzi.

Ezara 4:3

Navutswa Zerubabeli na Jeshua, na avandi ave mitwe gyetsinyumba tsyavaguga mu Israeli, va va volera, Mwinye si mu veye nekindu nekwinye mu lyomba kira Nyasaye wetu inyumba: navu tswa kwinye avene na avene ku lombakira Yahova, Nyasaye wa Isra eli, kuli mwami Kurusi mwami wa Persia ya ku laga.

Ezara 5:13

Navutswa ku muhiga gwokutanga gwa Kurusi mwami wa Babuloni uvu mwami Kurusi ya laga inyumba yiyi ya Nyasaye yombakwe.

Ezara 5:3

Inyinga yeyo Tatenai wa li mwamehi engereka wo Mugera, na Shetharubozenai, na avakye vavo, va tsia kuvo, ni va va volera makuva yaga, Ni bwaha wa mu Iaga kwo mbaka inyumba yiyi, nokumala lidigi?

Ezara 6:7

mu leke miyinzi gyenyumba yiyi ya Nyasaye; mu leke mwamehi wa Vayuda nava kulundu va Vayuda vombake inyu mba ya Nyasaye ha bugono bwayo.

Zaburi 132:13

Kigira Yahova u tovoye Zioni U lyenyi kuva hokumenya hehe.

Zaburi 83:18

Va duke kumanya ive u veye weng'ine, welieta lilyo li veye Yahova, U Veye Weigulu Ligali ku lirova lyosi.

Isaya 37:16

O Yahova wa mahe, Nyasaye wa Israeli, wikaye hagati ha vakerubi, ive u veye Nyasaye, ive weng'ine, mu bwami bwosi bwelirova; ive wa lomba ligulu nelirova.

Isaya 44:28

u volanga ku uyu Kurusi, A veye mwayi wange, na a la kola aga nyanzanga gosi: kali kuvola ku Yerusalemi, U lombakwu; noku litempeli, Umuse gugwo gu la temwa.

Isaya 45:5

Inze mbeye Yahova, si ha veye nowundi; si ha veye na Nyasaye wundi bugira inze. Nda boha kikenge kikyo, kali na u vuli kumanya inze;

Jeremia 10:10

Navutswa Yahova a veye Nyasaye weligali; Nyasaye u veye mwoyo, Mwami wemihiga nemihiga: lirova li degera ku ubutima bwibwe, avetsihiri si va nyala kusingira imbiri wobutima bwibwe.

Danyeli 2:47

Na mwami ya tivula na a volera Danyeli, na a mu volera, Ligali, Nyasaye wowo a veye Nyasaye wa vanyasaye, na umwami wa avami, na muvuuli wevindu vya viswa, kigira wa nyala kumbuulira liviswa yili.

Danyeli 6:26

Inze mbaana munwa, mu bwami bwange bwosi, avandu va degere nokutia imbiri wa Nyasaye wa Danyeli; kigira a veye Nyasaye u veye mwoyo, na a hindi ranga mihiga nemihiga, na ubwami bwibwe nibwo bu li vula kudividzwa; na ubwami bu la menya kuduka ku kiheri:

Matayo 28:20

mu vegidze kugumira vyosi vya nda mu laga: kandi, henza, inze mbeye haiala nemwinye madiku gosi, kali kuduka ku kiheri kyenyinga.

Vikolwa 10:36

Likuva lya ya hilira avana va Israeli, ni yilwadza ivangeli yemirembe i twula ku Yesu Kristo, (naye ni Mwami wa vosi)

Kwidzulitsa 32:31

Kigira lwanda lwavo si lu veye kuli Lwanda lwetu, Kali avasigu vetu avene va veye avakalagi.

Joshua 1:9

Si nda ku laga? U ve mugulu nomuluviriri; u ta tia, kandi u ta kudza mwoyo: kigira Yahova Nyasaye wowo a veye halala nive hosi ha u tsitsanga.