Danyeli 9:5 - KITABU KITAKATIFU

⁵ kwinye kwoni, nokukyaminya amakuva, nokukola ubudamano, nokwebaala, kuduka ku goveye kutwula ku megidzo gogo, na amalago gogo;

Danyeli 9:5 ပူးပေါင်းရင်းမြစ်များ

2 Avami 18:12

kigira si va hulira mwoyo gwa Yahova Nyasaye wavo, navutswa vononya lilagana lilye, kali gosi ga Musa mutumekiri wa Yahova ya va laga, va vula kugahulira, nokugakola.

2 Avami 21:15

kigira va kola ubudamano imbiri wange, na va mbihiriridza, kutwula lidiku lyavaguga vavo va twula Egepeti, kuduka lero.

Ezara 9:6

na nda vola, O Nyasaye wange, mbeye isoni, tsisoni tsi ngumiye kali ni ng'inga mmoni mwange ku ive Nyasaye wa nge, kigira ubudamano bu medeki igulu ku mitwe gyetu, mahyolo gyetu ga viruki kuduka migulu.

Zaburi 106:6

Ku koli ubwoni halala navadada vetu, Kwoni na ku koli ubudamano.

Zaburi 119:102

Si ntwuli ku malago gogo; Kigira ni ive u nzegidzi.

Zaburi 119:176

Ngoti kuli ligondi lya gota; wenye mutumekiri wowo Kigira si nzivirira malago gogo mba.

Zaburi 18:21

Kigira ngumiye tsinzira tsya Yahova, Na si ntwuli ku Nyasaye wange ku ubudamano mba.

Isaya 53:6

Kwinye kwosi ku goti kuli magondi; ku girunkani sa mulala a londa inzira yeye; na Yahova a mu dwika ubudamano bwetu kwosi.

Isaya 59:13

mu lihyola nokwambakana Yahova, nokugirunkana kuvula kulonda Nyasaye wetu, nokuvola lidambidza nekirage, lisaavira nokutwulidza mu myoyo makuva gobubehi.

Isaya 64:4

Kigira kutwula kale ava ndu va vula kuhulira, kandi si va manya na amatu, kandi imoni si ya lola Nyasaye wundi, lugano ku ive, u kolera uyu u mu lindiranga miyinzi.

Jeremia 14:20

O Yahova, kweyama ubudamano bwetu, nobudamano bwavaguga vetu; kigira kwa kolera ive ubwoni.

Jeremia 14:7

Kali ubudamano bwetu ni bu lolekidza ku kwinye, u kole miyinzi kigira lieta lilyo, O Yahova; k igira lirana inyima lyetu ni linyingi; ku koleye ive ubwoni.

Jeremia 3:25

Ku gone hasi mu tsitsoni tsyetu, na lileganywa lyetu li ku kunike; kigira ku koleye Yahova Nyasaye wetu ubwoni, kwinye navaguga vetu, kutwula busoleli bwetu kuduka lidiku lya lero yili; kwa vula kuhulira mwoyo gwa Yahova Nyasaye wetu.

Jeremia 30:14

Vosi ava li ni va ku yanza va kwiviriye; si va kwenya mba: kigira nkwati ulugoma, kuli lwomusigu, nelikuya lyowekirage; kigira ubunene bwobudamano bubwo kigira ubwoni bubwo bwa medeka.

Jeremia 44:3

kigira ubudamano bwavo bwa va kola ku mbihiriridza, mu litsia lyavo kuvuyidza vimuli, nokutumekira ava nyasaye vandi, ava va vula kumanya, yavo, kinga mwinye, kinga vaguga venyu.

Lisyoma lya Jeremia 1:18

Yahova nowobulungi; kigira inze nzebaaye ku lilaga lilye: Mwadza, mu huliye mwinye ava ndu vosi, mu lole livererera lyange: Avakana vagima vange, na vayai vange va tsiye mu lyadikidzwa.

Lisyoma lya Jeremia 1:20

Henza, O Yahova; kigira mbeye mu lidambidzwa, mwoyo gwange gu kaliki; Mwoyo gwange gu gwirani mu inze; kigira nzebaaye nobululu: Kyova kivavi kiitanga avana, mu nyumba mu veye kuli likudza.

Lisyoma lya Jeremia 3:42

Ku siye lwako nokwebaala; ive si u sameha mba.

Ezekieli 5:6

Naye yebaali ku likalaga lyange ku likola budamano kuvita tsihiri, noku amalago gange kuvita vivala vya li kumbiridza; kigira va sula likalaga lyange, noku makuva gamalago gange, si va genda mugo mba.

Ezekieli 6:9

Na va li hona ku avandu venyu va lidzulitsa inze hagati hetsihiri ha va li hilwa avahambe, kuli nda vunannya vidonye ku myoyo gyavo gyamalaya, gyahulwa ku inze, noku tsimoni tsya vo, tsya londa vifwananyi mmalaya: navo va ledunyira avene mu tsimoni tsyavo, kigira ubudamano bwa va kola mu kivihiri kyavo kyosi.

Danyeli 9:11

Yee, Vaisraeli vosi vononnyi malago gogo, nokugovera, va vule kuhulira mwoyo gugwo: kigira yaga lilaamwa li tsyukeywi ku kwinye, na lisuha lya ng'odwa mu malago ga Musa mutumiki wa Nyasaye; kigira kwoni kuye.

Danyeli 9:15

Na kalunu, O Mwami wetu, Nyasaye wa twulidza avandu vovo mu kivala kya Egepeti nomukono gwetsingulu, nokwenyolera ubukumi, kuli bu veye lero; kwinye kwoni, kandi ku koli ubudamano.

Danyeli 9:9

Tsimbabasi nelisameha vi veye vyo Mwami wetu Nyasaye; kigira kwinye ku mwebaala:

Hosea 1:2

Lwa Yahova ya tanga kuvola nomunwa gwa Hosea, Yahova ya volera Hosea, Tsia, u kwe mukali muheyi navana vobuheyi; kigira kivala ki kolanga ubuheyi ubunene, ku lileka Yahova.

Malaki 3:7

Kutwula mmadiku ga vaguga venyu mu mali kugirunkana mu tsie haluvegan okuleka amalago gange, si mwa ga linda mba. Mwirane ku inze, na inze ndirana ku mwinye, Yahova wa mahe a vola. Navutswa mu vola, Kwirane ku ive ku makuva galiha?

Vahebraina 3:12

Henzi, avamitu, gase mwoyo mudamano gwelivula kusuuvira gu la va mu mulala ku mwinye, ku ligirunkana nokuleka Nyasaye u veye mwoyo.