Danyeli 9:27 - KITABU KITAKATIFU

²⁷ Na a la kola lilagana lidinyu na vanyingi ku inyinga yelisidza lilala: na ku inyinga yenusu yelisidza a la heridza isadaka na kihaanwa; na uyu u kolanga hatswa a ladza ku tsimbaha tsye livihiriridza; kuduka ku kiheri ligali, na yikyo kya saavirwa, ubutima bu la tsukwa ku yava va hatswa.

Danyeli 9:27 ပူးပေါင်းရင်းမြစ်များ

Isaya 28:15

Kigiramwa vola, Kwinye ku koli lilagana nelikudza, na ku hambana ne Kihadisi; liduya lizulira lwa li la vita hagati si li la duka ku kwimze; kigira ku lombi ububehi kuva hokwivisa hetu, na kwivisi isi wobugadi:

Isaya 28:22

Kunangwa kalunu mu ta va avalegi, gase viboheru vyenyu vi la vikwa tsingulu; kigira mbuliye makuva geli dividza ku lirova lyos ga twulanga ku Yahova, Yahova wa mahe.

Isaya 42:6

Inze, Yahova, nku langi mbulungi, nda ku gumira mukono, nokukulinda, nda ku haana u ve lilagana lyava ndu, nokuva ubulavu bwa Vetsihiri:

Isaya 53:11

A la lola ubululu bwelilumwa lyomwoyo gwigwe, na a la yanzidzwa: kigira lyemanya mwene mutumekiri mulungi wange, a la ha vanyingi ubulungi; naye a la ginga ubudamano bwavo.

Isaya 55:3

Mu tegidze matu genyu, mudze ku inze; mu hulire, na myoyo gyenyu gyi la va mwoyo: na nda kola lilagana nemwinye li hongeranga mihiga nemihiga, nalyo li veye ubugasu bwa Daudi bu veye nobusuuvirifu.

Jeremia 7:30

Kigira avana va Yuda va kola buda mano imbiri wange, Yahova a vola: va singeridze livihiriridza lyavo mu inyumba i langwa ku lieta lyange, kuduka kugyononnya.

Danyeli 11:31

Kandi vyuma vyobulwani vi la singira hu luvega lwilwe, nava va la vika ubudamano mu hatakatifu, kali mu lugaga, kandi va la twulidza kihaanwa kyokusambua kya kazozo, nokusingeridza livihiriridza li kolanga hatswa.

Danyeli 11:36

Na mwami a la kola kuli a yanza; kandi a leyidzominya, nokwekola munene ku vanyasaye vosi, na a la vola ku Nyasaye wa vanyasaye amakuva gokugennya; na a la menya buiahi kuduka lwa ubutima bu heridzwa; kigira yaga aga saavirwa ga la kolwa.

Danyeli 12:11

Kandi kutwula inyinga zana yesadaka yokusambwa kazozo i la twulidzwa, ne livihiridza lyokwononya li singeridzwa, ha la va namadiku elfu na tsimia tsiviri namakumi gatano na gane.

Danyeli 7:25

Naye a la vola makuva manene gokuhing'ana na uyu U Veye Igulu Ku Vyosi, kandi a la luhidza ligali avatakatifu va U Veye Igulu Ku Vyosi, nn a la ganagana kugiru nkannya tsinyinga nelilaga; na vi la vikwa mu mukono gwigwe kuduka inyinga na tsinyinga na kidonye kye nyinga.

Danyeli 8:13

Ma nda hulira mutakatifu a volanga; na mutakatifu wundi ya volers uyu wa vola, Malola ga makuva gkihaanwa kyokusambu a kazozo, na ga mahyolo ga kola hatswa, nokuvika hatakatifu na lihe vi duvagwe, ga la duka inyinga ki?

Hosea 3:4

Kigira ayana va Israeli va la menya madiku manyingi bugira mwami, na bugira munene, na bugira kihaanwa, na bugira itiru, na bugira kisibao na bugira kifwananyi:

Livalidza 7:62

nekijiko kilala kyethahabu kyeligerwa lyetsishekeli likumi, kizula kimuli:

Matayo 24:15

Lwa mu lola livihiridzwa lyokwononya ya Danyeli mprofeti ya vola, li singira mu hatakatifu (u somanga a manye),

Matayo 26:28

kigira yaga namasahi gange gelilagana, aga sundulirwa avanyingi kuduka ku busamehi bwobwoni.

Matayo 27:51

Na henza ingubo yeli tempeli ya tandulwa tsimbaala tsiviri, kutwula hegulu kuduka hasi; lirova lya degera; magina gadika;

Marko 13:14

Lwa mu li lola mudamano munonono wokwonogonnya na a singiye ha bu ta li bulahi a singire (a huiire wa soma), ava veye Ebuyuda inyinga yeyo viruke va tsie mu vigulu:

Luka 21:20

Navutswa lwa mu li lola Yerusalemi ni li kumbiridzwa namahe, mu manye lyoneka lyalyo li veye himbi.

Luka 21:24

Kandi va la gwa ku bwogi bwekivavi, kandi va la hilwa avahambe mu tsihiri tsyosi: Tsihiri tsi la duvaga Yerusalemi, kuduka tsinyinga tsye Tsihiri tsi hera.

Varumi 11:26

ndiyo Israeli yosi i la honnywa: kuli wa ga ng'odwa, Muhonnyi a la twula Zioni A la twulidza ku Yakobo livula kutia Nyasaye:

Varumi 5:15

Navutswa kihaanwa si ki veye kuli lihyola lva li. Kigira avanyingi ni va kudza ndi ku lihyola lyomulala, ligali kuvita tsimbabasi tsya Nyasaye nekihaanwa mu tsimbabasi tsyomundu mulala, Yesu Kristo, ki la kira ku vanyingi.

Varumi 5:19

Kigira kuli avanyingi va kolwa avoni kigira lihyola lyomundu mulala, kandi ndiyo ku lihulira lyomulala avanyingi va la kolwa avalungi,

Vahebraina 9:28

kandi ndiyo Kristo u mali kuhaanwa inyinga indala a duke kuhila ubwoni bwavandu vanyingi, inyinga ya kaviri a la loleka ku yavo ava mu lindirira nobwizamiri, kuduka ku buhonnyi, ni yelehi ubwoni.