Danyeli 9:26 - KITABU KITAKATIFU

²⁶ Kandi inyima wa masidza makumi gatano nelilala na tsisuvi tsiviri, uyu u vakeywi a la temannywa, na a la va bugira kindu: na avandu vomunene u liidza va lononnya lidala na hatakatifu; na kiheri kyalyo ki la va halala na amadzi manene, na kuduka ku kiheri ha la va nelihe; likola hatswa li saavirwa.

Danyeli 9:26 ပူးပေါင်းရင်းမြစ်များ

2 Samweli 21:5

Na va volera mwami, Mundu uyu wa dividza kwinye, nokutwulidza livola ku kwinye, kuduka ku dividzwe, ku vule kumenya mu tsinzako tsya Israeli tsyosi,

Zaburi 22:15

Tsingulu tsyange tsyumi kuli kijonjo Ululimi lwange lu handi mu tsisaya tsyange; Na ive u ndukidzi mu lugukyi lwelikudza.

Isaya 28:2

Henza, Yahova a veye nomulala wobunyali nowetsingulu; kuli kihi kyembula ya magina, kihi kyononnyanga, kuli kihi kyamadzi manene gizulitsanga, a la tsoma hasi nomukono.

Isaya 28:22

Kunangwa kalunu mu ta va avalegi, gase viboheru vyenyu vi la vikwa tsingulu; kigira mbuliye makuva geli dividza ku lirova lyos ga twulanga ku Yahova, Yahova wa mahe.

Isaya 53:8

Nelidambidzanelikalagirwa vya mu twulidza; nomu likula lilye, ibwaha wa manya u twulidzeywi mu kivala kya va veye mwoyo, kigira mahyolo gavandu vange ava dukana neliduywa?

Isaya 8:7

kunangwa kalunu, henza, Yahova a letanga kuduka kuvo amadzi go Mugera yigwo, ga veye netsingulu kandi manyingi, nago gu veye mwami wa Asuria nobukumi bwibwe bwosi: nago ga lanegira mu migera gyigye gyosi nokwizula kuvita luginga lwosi:

Jeremia 46:7

Ni bwaha uyu u vukanga kuli mugera gwa Nile, gwa madzi gagwo gedudanga kuli migera?

Jeremia 51:42

Inyanza i duki ku Babuloni; u kunikeywi nobunyingi bweviguvuli vyayo.

Danyeli 11:10

Na avana avayai veve va la lwana, kandi va la vugannya kiduma kinene kyamahe, aga li duka, nokusalama, nokuvita hagati; na va lirana nokulwana kuduka kali ku lugaga lwilwe.

Danyeli 11:17

Naye kandi a la dinnya ligali mumoni mwimwe kuudza netsingulu tsyobwami bwibwe bwosi, halala namakuva malungi; na a la ga kola: na a la mu ha mukana wavakali kumwononnya; navutswa mukana si a la singira, kinga kumukonya mba.

Danyeli 11:22

Kandi avetsingulu tsinyingi kuvita va la guutwa imbiri wewe, na va la vunanywa; yee, kandi munene welilagana.

Danyeli 11:36

Na mwami a la kola kuli a yanza; kandi a leyidzominya, nokwekola munene ku vanyasaye vosi, na a la vola ku Nyasaye wa vanyasaye amakuva gokugennya; na a la menya buiahi kuduka lwa ubutima bu heridzwa; kigira yaga aga saavirwa ga la kolwa.

Danyeli 9:27

Na a la kola lilagana lidinyu na vanyingi ku inyinga yelisidza lilala: na ku inyinga yenusu yelisidza a la heridza isadaka na kihaanwa; na uyu u kolanga hatswa a ladza ku tsimbaha tsye livihiriridza; kuduka ku kiheri ligali, na yikyo kya saavirwa, ubutima bu la tsukwa ku yava va hatswa.

Hosea 1:9

Yahova ya vola, U mu gulike lieta lilye Loammi; kigira mwinye si mu veye avandu vange mba, na inze si nda va Nyasaye wenyu mba.

Amosi 8:8

Kivala si ki la degera kigira yaga, noku vosi u menyanga mukyo si a la syoma? Yee, ki la vuka kvosi kuli Mugera; na ki la lola ubudinyu nokugehera kandi, kuli Mugera gwa Egepeti.

Amosi 9:5

Kigira Yahova, Nyasaye wa mahe, uyu niye u diranga lirova ma li salaluka, na vosi va menyi mulyo va la syoma; na ki la vuka kyosi kuli Mugera, na ki la kama kandi, kuli Mugera gwa Egepeti;

Nahum 1:8

Navutswa a la heridza hango hehe ligali nolugaga lwa madzi, na a la londerera avasigu veve kuduka mkisundi.

Matayo 22:2

Ubwami bwomigulu bu fwanana nomwami mulala wa kolera mwana wewe kiserero.

Matayo 22:7

Navutswa mwami ya vihirirwa; na a hila mahe gege kwononnya avalumindi yavo, na a samba lidala lyavo.

Matayo 23:38

Henza, inyumba yenyu i tigaye ku mwinye yoneki.

Matayo 24:2

Navutswa ya tivula na a va volera, Mu lola vindu yivi vyosi? Iigali mmu volera Si li la tigala hano ligina lilala ku lindi li ta gwihidzwa hasi.

Marko 13:2

Yesu ya mu volera, U lola tsinyumba tsinene vitsi? Si li la tigala hano ligina lilala ku lindi, li li vula kutsomwa hasi.

Marko 13:7

Kandi lwa mu li hulira mahe nolusuma lwamahe mu ta henda myoyo mba: vindu yivi vi la niga kukolwa; navutswa kiheri ki kikiri kuduka.

Marko 9:12

Na a va volera, Ligali, Elija a tanga kuudza a lombe vindu vyosi: kandi ga ng'odeywi ndi ku Mwana wa Adamu, a la kupidzwi kivi vindu vinyingi nokulegwa?

Luka 21:24

Kandi va la gwa ku bwogi bwekivavi, kandi va la hilwa avahambe mu tsihiri tsyosi: Tsihiri tsi la duvaga Yerusalemi, kuduka tsinyinga tsye Tsihiri tsi hera.

Luka 21:6

Ku vya mu lolanga, amadiku ga la duka, mu yago ligina lilala si li li tigala ku lindi hano, li ta tsomwa hasi.

Luka 24:26

Si bu li bulahi Kristo a saliridzwe vindu yivi vyosi nokwingira mu bukumi bwibwe?

Luka 24:46

ka ndi ya va volera, Ga ng'odwa ndiyo, Kristo a la saliridzwa, nokusimuguka mu vakudzi ku lidiku lya kavaka;

Yohana 14:30

Si nda mu volera manyingi kandi, kigira munene wavomkivala yadza: kandi si a veye nekindu mu inze;

2 Vakorintho 5:21

Uyu wa vula kumanya bwoni ya mu kola kuva ubwoni kigira kwinye; kwinye ku duke kuva ubulungi bwa Nyasaye.

Vagalatia 3:13

Kristo ya ku honnya mu vilaamu vyelilaga inyinga ya laamwa kigira kwinye; kigira ga ng'odwa, Ku vosi u sungangwa ku musala u laameywi:

1 Petro 2:21

Kigira mwa langirwa yaga: kigira Kristo kandi ya mu salirira, na a mu lekera kyokuhenzera ku, mu duke kulonda tsinduvatiru tsitsye:

1 Petro 2:24

Mwene ya ginga ubwoni bwetu mu mubiri gwigwe ku musala, kuduka kwinye ku mali kukudza ku bwoni, ku ve mwoyo ku bulungi; wa mwa honnyirwa ku likuywa lilye.

1 Petro 3:18

Kigira Kristo kandi ya salira kigira ubwoni inyinga indala, mulungi ya salirira ava ta li avalungi, a duke kukuleta ku Nyasaye; wiiteywi ku mubiri, nokukolwa mwoyo ku roho.