Danyeli 9:24 - KITABU KITAKATIFU

²⁴ Masidza makumi gatano na gaviri ga lageywi ku avandu vovo noku lidala litakatifu lilvo, kutwekidza mahyolo, nokuheridza ubwoni, nokukola kyokukunika ubwoni, nokuleta ubulungi bwemihiga nemihiga, nokuvika muhuri ku malola noku buprofeti, noku vaka maguta hatakatifu hokuvita.

Danyeli 9:24 ပူးပေါင်းရင်းမြစ်များ

2 Kyetsinyinga 29:24

na vasalisi va tsiita, ni va haana kihaanwa kyobwoni ku bwali na masahi gatsyo, kulomba kyokukunikira Israeli vosi ubwoni; kigira mwami ya laga, kihaanwa kyokusambwa, nekihaanwa kyobwoni ki lomberwe Israeli vosi.

Zaburi 2:6

Navutswa mbiki mwami wange ku Zioni Kigulu kyange kitakatifu.

Zaburi 45:7

Ive u yanzi ubulungi, nokudunyira ubudamano: Kigira yaga, Nyasaye, Nyasaye wowo, u ku vaki Maguta gobuyanzi kuvita avakye vovo.

Isaya 42:4

Si a la tamwa kandi si a la kudza mwoyo a luhe a duke kusingeridza likalaga lyobulungi mu lirova; nevisulu vi la lindirira lilaga lilye.

Isaya 51:6

Mu ginge tsimoni tsyenyu mu henze ligulu, kandi mu henze kivala kya hasi; kigira migulu mu la vuya kuli mwoki, na kivala ki la kunguha kuli ingubo, na va menyanga ku va la kudza kuli ndiyo: navutswa ubuhonnyi bwange bu la va bwemihigane mihiga, nobulungi bwange si bu la tsyomwa hasi.

Isaya 51:8

Kigira isere i la va lia kuli i litsanga ingubo, na ing'ende i la va lia kuli i litsanga ubwoya bweligondi; navutswa ubulungi bwange bu la va bwemihiga nemihiga, nobuhonnyi bwange bu la duka ku makula gosi.

Isaya 56:1

Yahova a vola ndi, Mu linde likalaga, mu kole ubulungi; kigira ubuhonnyi bwange bu ve himbi, nobulungi bwange lilang'aminya lyabwo li veye himbi.

Isaya 61:1

Roho wo Mwami Nyasaye a veye ku inze; kigira Yahova u mbaki maguta nduke kwilwadzira avahokya makuva malahi; ya nduma kwahira avavunika mmyoyo, kulandidzira avahambe libohololwa lyavo, nokwigulirwa mu buhambe yavo avabofwa;

Lisyoma lya Jeremia 4:22

Lihebwa mageli lyobudamano bubwo bu duki, O mukana wa Zioni; si a la ku hila kandi mu lyadikidzwa: A ladza ku ubwoni bubwo, O mukana wa Edom, a la vambula ubwoni bubwo.

Ezekieli 28:12

Ive, mwana womundu, u syomere mwami wa Turo, u mu volere, Mwami Nyasaye a vola ndi: Ive u viki muhuri ku kigero, kizuye ubugeeri, nokudukira mu bulahi.

Ezekieli 4:5

Kigira inze mmali kukuha mihiga gyobudamano bwavo gyi ve ku ive livalidzwa lya madiku, nago ga veye madiku tsimia tsivaka na makumi gatano na gane: ni ndiyo u la ginga ubudamano bwenyumba ya Israeli.

Ezekieli 4:6

Kandi lwa u dukidza yago, u la gonera ku mukono mulungi, na u la ginga ubudamano bwenyumba ya Yuda: madiku makumi gane, lidiku lilala li ve lyomuhiga mulala, ndagi ndiyo ku ive.

Kyavalevi 25:8

Kandi u levalidzira masabato gatano na gaviri gemihiga ku ive, gyi veye mihiga gyitano na gyiviri hali katano na kaviri; na ga la va ku ive madiku gamasabato gatano na gaviri gemihiga, gyene gyi veye mihiga makumi gane na gyitano na gyine.

Kyavalevi 8:15

Na ya giita; na Musa ya vugula masahi, na a ga vika ku tsinziga tsyobwali tsimbega tsyosi nekidete kikye na a takasa ubwali, na a tsuka masahi isi wobwali kubutakasa, a duke kubulombera kyokukunika ubwoni.

Zekaria 4:14

Ma ya mbolera, Yava va veye vaviri avavakwa a maguta, avasingira ahimbi na Yahova welirova lyosi.

Livalidza 14:34

Kuli livalidza lyamadiku ga va luta kivala, kali madiku makumi gane, lidiku lilala li volangwa kuva muhiga, mu la ginga ubudamano bwenyu, mihiga makumi gane, na mu la manya lyononya lyelilagana lyange.

Matayo 1:21

Naye a livula mwana muyai; na ive u la mu gulika lyeta lilye YESU; kigira uyu niye u li honnya avandu veve va twula mu bwoni bwavo.

Matayo 11:13

Kigira avaprofeti vosi namalago va profeta va luha va duka ku Yohana.

Matayo 4:5

Ma Setani ya mu hila mu lidala litakatifu, na a mu singiridza ku kisegese kyelitempeli,

Marko 1:24

na a vola, Ku veye ndi nive, Yesu Munazareti? U dzi kukwononnya? Nku manya u veye Mutakatifu wa Nyasaye.

Luka 1:35

Ingelosi ya tivula, na a mu volera, Roho Muta katifu a ladza ku ive, netsingulu tsya Uveye Igulu Ligali tsi la ku kinga kigira yaga Kitakatifu yikyo ki livulwa ku ive ki la langwa Mwana wa Nyasaye.

Luka 21:22

Kigira yaga na madiku gokumala kisalya, vyosi vi ng'odeywi vi nyole kuduka.

Yohana 1:41

Ya tanga kunyola amwavo wewe mwene, Simoni, na a mu volera, Ku nyoye Mesia (litivula li veye Kristo).

Yohana 3:34

Kigira uyo wa Nyasaye ya tuma a vola amakuva ga Nyasaye: kigira Nyasaye si a mu ha Roho nekigero.

Vikolwa 3:14

Navutswa mwinye mwambakana uyu Mutakatifu no Mulungi, kandi mwinye mwenya mu hebwe mulumindi,

Vikolwa 3:22

Musa ligali ya vola, Mwami Nyasaye a la mu twulidzira muprofeti mulala ku vamwavo venyu u fwanana inze; mu la mu hulira uyu ku makuva gosi ga a li mu volera.

Vikolwa 4:26

Avami velirova vetegeki, Navanene va vugana halala, Kuhing'ana no Mwami kandi na Kristo wewe.

Varumi 5:10

Kigira ni i va lwa kwa li avasigu, kwa hambanywa na Nyasaye ku likudza lyo Mwana wewe, ligali kuvita, ni ku mali kuhambanywa ndi, ku la honnyirwa mu livamwoyo lilye.

1 Vakorintho 1:30

Navutswa mwinye mu twulanga kuye mu Kristo Yesu, wa Nyasaye a kola kuva ubugeeri bwetu, kandi ubulungi, nobutakatifu, nobuhonnyi:

Vafilipi 3:9

kandi ndoleke muye, nta va nobulungi bwange, obu twulanga mu lilaga, navutswa bu ve obu twulanga ku lisuuvira mu Kristo, ubulungi obu twulanga ku Nyasaye kigira lisuuvira:

Vakolosai 1:20

nokuleta vindu vyosi kuhambana kuye mwene kigira uyu, lwa a mali kuletera mirenmbe ku masahi gege agomusalaba gwigwe; yee, kigira uyu, ni vi veye vindu vya hasi, kinga vyomigulu.

Vakolosai 2:14

u twulidzi lilaga lya ng'oderwa kwinye mu malago, lya hing'ana nekwinye: kandi u li sundi ha luvega, u li bambi nemisamari ku musalaba gwigu e.

Vahebraina 10:14

Kigira ku kisyuviriru kilala ya va kola avadukiru mihiga nemihiga yavo ava takaswa.

Vahebraina 2:17

Kunangwa ga mu dukira kufwananywa navamwavo veve mu vindu vyosi, a duke kuva musalisi munene wetsimbabasi, musuuvirifu mu vindu vya Nyasaye, a lombe kyokwisayasayira kyobwoni bwavandu.

Vahebraina 7:26

Kigira musalisi kuli uyu a duka kwinye, mutakatifu, u ta li nobudamano, u ta veye nekigugunyu, wahulwa ku voni, wa vikwa weligulu;

Vahebraina 9:26

kandi ga va ndiyo nkano ga mu dukira kusalira hali kanyingi kutwula inyinga lirova lya lombwa muse: navutswa kalunu u lang'aminyeywi inyinga indala, mu budukiru bwetsinyinga, kutwulidza ubwoni ku lyehaana mwene.

2 Petro 1:1

Simoni Petro, mutugwa nomutumwa wa Yesu Kristo, ibaruua yange i duke ku ava nyoye lisuuvira lilala lyere lyobulahi halala nekwinye, mu bulungi bwa Nyasaye wetu, Muhonnyi wetu Yesu Kristo:

1 Yohana 3:8

u kola ubwoni a twula ku Setani, kigira Setani a kola ubwoni kutwula mu litanga. Mwana wa Nyasaye ya lolekidzwa kigira yago, kwononnya miyinzi gya Setani.

Likunula 14:6

Kandi nda lola ingelosi wundi na a buluka hagati hobwerefu, u veye nevangeli yemihiga nemihiga kwilwadzira ava menya mu lirova, tsihiri netsimpya netsinimi navandu;

Likunula 3:7

Kandi u ng'odere ingelosi welivugana li veye mu Filadelfia. Yivi nivyo vya uyu u veye mutakatifu, noweligali, kandi u veye nolufunguo lwa Daudi, nowigulanga kandi si ha veye nomuhani, no hananga kandi si ha veye nowigula, a volanga: