Danyeli 9:20 - KITABU KITAKATIFU

²⁰ Inyinga nda li mu livola, nomu lisaala, nomu lyeyama ubwoni bwange nobwoni bwa avandu vange Israeli, nokusunda lisaala lyange imbiri wa Yahova Nyasaye wange kigira kigulu kitakatifu kya Nyasaye wange;

Danyeli 9:20 ပူးပေါင်းရင်းမြစ်များ

Ezara 10:1

Kunangwa inyinga yeyo lwa Ezara ya li na a saalanga nokweyama, nokulira, nokugwa hasi imbiri wenyumba ya Nyasaye, va vugana kuye kutwula mu Israeli vosi livugana linene lyavasatsa navakali navana; kigira avandu yavo va li ni va liranga ligali.

Nehemia 1:6

ugutu gugwo gu tegidzwe, na tsimoni tsitsyo tsi kunuke, u duke kuhulira lisaala lyomutumekiri wowo, lya nsaalanga imbiri wowo inyinga yiyi, mbasu nobudiku, ku avana va Israeli ava tumekiri vovo, lwa nzeyama ubwoni bwavana va Israeli, ubwa ku koli ku ive. Yee, inze nenyumba ya dada wange ku koli ubwoni:

Zaburi 145:18

Yahova a veye himbi ku vosi ava mwaniranga, Ku vosi ava mwanira mu ageligali.

Zaburi 32:5

Ndeyama ubwoni bwange imbiri wowo, Na si nda visa ubukyamu bwange: Nda vola, Ndeyamira Yahova mahyolo gange; Na ive wa sameha ubukyamu bwobwoni bwange. [Selaha

Kohelethu 7:20

Ligali si ha veye nomundu wobu geeri mulala ku lirova, u kolanga bulahi, nokuvula kukola ubwoni.

Isaya 56:7

avandu yavo nda va leta vadze kuduka mu kigulu kyange kitakatifu, nokuvasangalidza mu inyumba yange yokusaala; na vihaanwa vyavo vyo kusambwa ni visyuviriru vyavo vi la bugirirwa ku bwali bwange; kigira inyumba yange i la langwa inyumba yokusaala ku tsihiri tsyosi.

Isaya 58:9

Kunangwa u lanira, na Yahova a la bugirira; u la kupa lwanga, naye a la vola, Mbeye hano. Nu u va nu u twulidza hagati hoho inira, neligeragera kidete, nelivola lyobudamano;

Isaya 6:5

Hene yaho nda vola, Budamano bu veye bu inze kigira mbweye; kigira mbeye mundu weminwa mida mano, na mmenya hagati ha avandu aveminwa midamano: netsimoni tsyange tsi loli Mwami, Yahova wa mahe.

Isaya 65:24

Na ga la duka kuva, ni va kikiri kunanga, nda bugirirana lwa va veye mu livola, nda hulira.

Danyeli 10:12

Ma ya mbolera, Danyeli, u ta tia mba; kigira kutwula ku lidiku lya wa tanga kusaavira limanya, nokwegehidza imbiri wa Nyasaye wowo, amakuva gogo ga hulirwa: na inze nduki kigira makuva gogo.

Danyeli 10:2

Mu madiku yago inze, Danyeli, nda li ni nsyomanga masidza gavaka gosi bei.

Danyeli 11:45

Kandi a la singeridza mahema genyumba yeye yobwami hagati henyanza nekigulu kitakatifu; navutswa a la duka ku kiheri kikye, na si ha li na u li mu konya.

Danyeli 9:16

O Mwami, kuli ubulungi bubwo bwosi nku saalanga ligali, u leke ubutima bubwo nelivihirirwa lilyo vi girunkanywe kutwula ku lidala lilyo Yerusalemi, kigulu kikyo kitakatifu; kigira ku bwoni bwetu, noku mahyolo gavaguga vetu, Yerusalemi na avandu vovo va gwiye amanyego ku vosi ava menya ku tsindulu tsyetu tsyosi.

Zekaria 8:3

Yahova a vola: Mmali kwirana ku Zioni, na nda menya hagati ha Yerusalemi: na Yerusalemi li la langwa Lidala lya geligali; na Kigulu kya Yahova wa mahe, Kigulu kitakatifu.

Vikolwa 4:31

Lwa va mala kusaala, ha va vuganira ha degeridzwa; navo vizula Roho Mutakatifu vosi, ni va vola likuva lya Nyasaye nobuluviriri.

Varumi 3:23

Kigira vosi va kola ubwoni, va vula kuduka ku ubukumi bwa Nyasaye;

Yakobo 3:2

Kigira kwosi kwikigitala ku vindu vinyingi. Mundu u tikigitala ku livola a veye mudukiru, u nyalanga kwigalira nelijamu, mubiri gwosi.

Likunula 21:10

Kandi ya ngingira mu Roho kumbila mu kigulu kinene kandi kitambi, kandi ya mmannya lidala yilyo litakatifu Yerusalemi, liika kutwula migulu wa Nyasaye:

Likunula 21:2

Kandi nda lola lidala litakatifu, Yerusalemi lihya, liikanga kutwula migulu wa Nyasaye li tegekeywi kuli mwiha wesiahiye musatsa wewe.