Danyeli 9:12 - KITABU KITAKATIFU

¹² Kundi amakuva gege ga ya kola ku kwinye, noku avakalagi vetu ava ku kalagira u ga singeridzi, mu lileta ku kwinye kivi kinene; kigira isi welilgulu lyosi ga vuli kukolwa kuli ga koleywi Yerusalemi.

Danyeli 9:12 ပူးပေါင်းရင်းမြစ်များ

1 Avami 3:9

Kigira yaga u he mutumekiri wowo mwoyo gwelimanya nduke kukalagira avandu vovo, nduke kumanya hagati hobu lahi nobudamano; kigira ni bwaha u nyala kukalagira avandu vovo ava nene.

2 Avami 22:16

Yahova a vola, Henza, nda leta ubudamano hano, noku ava menyanga hano, yee makuva yaga gosi agekitabu kyomwami wa Yuda u somi.

Ayubu 12:17

Yimiriranga vavoli va tsie ni va lanyeywi, Navakalagi a va kolanga vasiru.

Zaburi 148:11

Avami velirova na avetsihiri tsyosi; Avanene na avakalagi vosi velirova;

Zaburi 2:10

Kunangwa, O avami mu ve nobugeeri: Mu vugule limanya, mwinye avakalagi velirova.

Tsing'ano 8:16

Avanene vamehanga kigira inze, Na avakuminywa kali avakalagi vosi velirova.

Isaya 43:28

Kigira yaga nda va vika ubudamano avanene va hatakatifu; na nda kola Yakobo kuva lilaamwa, na Israeli kuva manyego.

Isaya 44:26

u dinyiridzanga likuva lyomutumekiri wewe, nokudukidza makuva gavatumwa veve; u voleranga ku makuva ga Yerusalemi, Li la menywa: noku madala ga Yuda, Ga lombakwa, nda singeridza tsing'anye;

Jeremia 30:7

O bayaye kigira lidiku yilyo li veye linene, si ha li nelindi li fwana nalyo: li veye inyinga yekivi kya Yakobo; navutswa a la honywa kuyo.

Jeremia 32:23

na vingira mu, nokukigumira; navutswa si va hulira mwoyo gugwo mba, kandi si va genda mu lilaga lilyo; si va kola kindu kali kilala mu vyosi vya wa va laga va vi kole: kigira yaga u leti kuvo budamano yibu bwosi.

Jeremia 39:16

Tsia, u volere Ebedimeleku Muethiopia, u mu volere, Yahova wa mahe, Nyasaye wa Israeli, a vola: Henza, nda leta makuva gange ku lidala yili ku budamano, na si ga veye ku bulahi mba; nago ga la dukidzwa imbiri wowo ku lidiku yilyo.

Jeremia 44:23

Kigira mu vuyidzi kimuli, kandi kigira mu koli ubwoni ku Yahova, si mwa hulira mwoyo gwa Yahova mba, kandi si mu gendi mu lilaga lilye, kinga mu malago gege, kinga mu lilolekidza lilye; kigira yaga ubu damano yibu bu duki ku mwinye, kuli ga veye lero.

Lisyoma lya Jeremia 1:12

Si ki veye kindu kya mwinye, mwinye vosi ava vitanga? Henze, mu lole, ni ha va ni ha veye nelivererera lindi kuli livererera lya mbeye nalyo, lya nkolerwa Lya Yahova u vereridzeye inze ku lidiku lyobutima bwibwe bululu.

Lisyoma lya Jeremia 2:13

Nku lolekidzira kindu ki, nda fwanannya na kindu ki ive, O mukana wa Yerusalemi? Nda leng'annya na kindu ki ive nduke kukuleminya mwoyo O mukana mugima wa Zioni? Kigira ubusasuguku bubwo bu veye bunene kuli inyanza; ni bwaha u nyala kukuhonnya?

Lisyoma lya Jeremia 2:17

Yahova u koli aga ya saavira; u dukidzi likuva lilye lya ya laga mmadiku ga kale; U tsomi hasi, si ya vera tsimbabasi mba: Ya ha musigu lisangala ku ive; ya kuminya lwiga lwa yavo ava dambidzanga ive.

Lisyoma lya Jeremia 4:6

Ubudamano bwomukana wa ava ndu vange bu veye bunene kuvita ubwoni bwa Sodoma. Lya tung'aminywa kuli mu idagika indala, si ha veye nomukono gu vikwa kuye.

Ezekieli 13:6

Va lola vindu vya vutswa, nobusegetiri bwobubehi, yavo ava volanga, Yahova a vola, na Yahova si ya va tuma mba: navo va kola avandu kusuuvira likuva yili li la dukidzwa.

Ezekieli 5:9

Na nda kola mu ive aga nkikiri kukola, kandi si ndi kola kandi ku lugano lwago mba, kigira kivihiri kikyo.

Danyeli 12:1

Kandi inyinga yeyo Mikaeli a la singira, munene ku vanene u singirira avana vavandu vovo, kandi ha la va nenytnga yekivi kinene, ki ta li ho nekindi ki leng'ana nakyo kutwula inyinga ihiri ya tanga kuva ho kuduka ku inyinga yeyo; kandi inyinga yeyo avandu vovo va la honywa, samulala u li nyoleka kuva mung'ode mu kitabu.

Joeli 2:2

lidiku lyekisundi, na lya isi idunyi, lidiku lyamalesi na kisundi kiliduhu, kuli isi i tanga kwayuka ku vigulu; Ii leta avandu avanene na avetsingulu; va kikiri kuva ho kuli yavo madiku gosi, kandi si va la va ho avenyima, kuduka ku mihiga gyevisukululwi vinyingi.

Amosi 3:2

Mwinye veng'ine va nda manya ku bwiko bwosi bwomu lirova: kuna ngwa nda galukidza ku mwinye ubudamano bwenyu bwosi.

Zekaria 1:6

Navutswa makuva gange na malago gange, ga nda laga avaprofeti avatumekiri vange, si ga nyola avadada venyu yavo? Navo va girunkannya nokuvola, Kuli Yahova wa rnahe ya saavira kukukolera, kuli tsinzira tsyetu, kuli vikolwa vyetu, ni ndiyo ya ku kolera.

Zekaria 1:8

Inze nda lola mbudiku, na, henza, mundu a ninanga ku iparasi inzakanyu, na a singira hagati hemisala gyemiyandasi gyi veye mwivona; kandi inyima wewe tsya li ho tsiparasi, tsinzakanyu, ne tsisernbe, ne tsindavu.

Zekaria 7:12

Yee, va kola myoyo gyavo kuva kuli ligina lidinyu, gase va la hulira lilaga, na likuva lya Yahova wa mahe ya leta na Roho wewe na makono ga avaprofeti vokutanga: kigira yaga butima bunene bwa twula ku Yahova wa mahe.

Matayo 24:21

kigira yeneyo kivi kinene ki la duka, kusira kyosi kutwula ku litanga lyelirova kuduka kalunu, kandi si ki li va ho.

Matayo 5:18

Kigira ligali mmu volera, Ku duka ku kiheri kyeligulu nelirova, induguta kinga nta kali indala yamalago si vi nyala ligali kugota, vi luhe vi kolwe vyosi.

Marko 13:19

Kigira mu madiku yago ha la va nekivi kuvita madiku gosi kutanga inyinga Nyasaye ya lomba vindu vyosi kuduka lero, kandi mu madiku gosi gadza.

Luka 21:22

Kigira yaga na madiku gokumala kisalya, vyosi vi ng'odeywi vi nyole kuduka.

Varumi 15:8

Kigira mbola Kristo ya kolwa mutumwa wavakevwa kigira ageligali na Nyasaye, a duke kudinnya lisuuviridza lyavaguga ra hebwa,