Danyeli 8:8 - KITABU KITAKATIFU

⁸ Na ikole yenenehidza ligali: kandi inyinga ya duka kuva netsingulu, ulwiga lunene lwa vunannywa; na tsinziga tsine tsyobukumi tsya mera mu bugono bwalwo, na tsi henza ku tsimbuudza tsine tsyomigulu.

Danyeli 8:8 ပူးပေါင်းရင်းမြစ်များ

2 Kyetsinyinga 26:16

Navutswa lwa ya mala kunyola tsingulu, mwoyo gwigwe gweginga, na a kola ubudamano, nokuhyola ku Yahova Nyasaye wewe; kigira yingira mu litempeli lya Yahova a duke ku vuyidza ku bwali bwokuvuyidza vimuli.

Esther 9:4

Kigira Mordekai ya li munene mu inyumba yomwami, na makuva geli dzominywa lilye ga landa mu tsi provinse tsyosi; kigira mundu uyu Mordekai ya; dasa kugwa munene kuvita.

Jeremia 49:36

Noku Elam nda leta tsimbuudza tsine kutwula ku tsimbega tsyomwigulu tsine, na nda va salannya va tsie ku tsimbuudza tsyosi tsine; kandi si i la va ho ihiri kali indala ha yavo ava tebwa va Elam va vula kuduka muyo.

Jeremia 5:27

Kuli lisera lizuye manyonyi, ni ndiyo tsinyumba tsyavo tsizuye ubugadi: na va gwiye avanene ku tsinzira yitsi, va nyoye ubutugi.

Ezekieli 16:7

Inze nda ku kola u medeke kuli limera lyemilimi, na wa medeka nokuva munene, na wa duka kuva nobulahi ubunene; tsimbere tsitsyo tsya twula, nelisu lilyo lya viruka: navutswa kandi wa li kyahonyo, na bugira kufumwa nengubo.

Ezekieli 28:9

Kuduka kalunu u la vola imbiri wa uyu wiitanga ive, Inze mbe ye Nyasaye? Navutswa u veye mundu, si u veye Nyasaye, mmukono gwa uyu u kwata tsing'oma.

Danyeli 11:4

Kandi inyinga a li singira, ubwami bwibwe bu la vunannywa, kandi bu la gavulwa ku tsimbuudza tsine tsyomigulu, navutswa si bu la va ku visukululwi vivye, kandi si bu la leng'ana nobwami bwibwe bwa yameha; kigira ubwami bwibwe bu lifwa, kali ku avandi ava ta li ku yava.

Danyeli 4:31

Inyingalikuva yili lya li mu munwa gwomwami, mwoyo gwa twula migulu, ni gu uola, O mwami Nebukadinezaru, likuva yili li volerwa ku ive: Ubwami bu twuli ku ive:

Danyeli 5:20

Navutswainyingamwoyo gwigwe gwigingira, na roho gwigwe gwa gwa mudinyu kuduka ya kola ubwigingiri, ya twulidzwa ku intebe yeye yobwami, na va nyaga ubukumi bwibwe:

Danyeli 7:2

Danyeli ya moloma na a vola, Inze nda lola mu lilola lyange ubudiku, na henza, tsimbuudza tsine tsyomigulu tsya huudza netsingulu ku inyanza inene.

Danyeli 7:6

Inyima wa yiyi, nda henza, na lola, yindi ya fwana ingo, ya li na tsimbaha tsine tsyelinyonyi ku mugongo; kandi inyama yiyi ya li nemitwe gyine; na ya hebwa lyameha.

Danyeli 8:22

Na ku yilu lwa vuna nywa, lwetsindi tsine tsya mera ha lwa li ho, ubwami bune bu la singira kutwula mu ihiri yeyo, navutswa si bwa li netsingulu tsitsye.

Danyeli 8:5

Kandi inyinga nda ganagana, henza, ikole ya twula madioli ku lirova lyosi, na si ya dira ku marova: na ikole ya li nolwiga lwobukumi hagati hetsimoni.

Danyeli 8:7

Na nda gi lola i duka himbi neligondi likole, kandi ya vihirirwa ligali, ya duya ligondi likole, nokuvunannya tsinziga tsyalyo tsiviri; na si ha li netsingulu mu ligondi likole kusingira imbiri wayo mba; navutswa ya li tula hasi ku lirova, nokuliduvaga; na si ha li netsya nyala kusola ligondi likole mu mukono gwayo mba.

Matayo 24:31

A la tuma tsingelosi veve nomwoyo munene gwekisiliva, navo va la vu gannya avatovoleywi veve va twule ku tsimbuudza tsine, kandi va twule ku kiheri kilala kandi kuduka ku kiheri kindi kyegulu.

Marko 13:27

Hene yaho a la tuma tsingelosi, kandi a la vungidza halala vatovole veve va twula mu tsimbuudzi tsine, kutwula ku tsindulu tsyelirova kandi ku tsindulu tsyegulu.

Kwidzulitsa 31:20

Kigira lwa mmali kuvaleta mkivala kya ndisuhira avaguga vavo, ki gangalukanga amaveere nobwuki, navo lwa va mali kulia nokwiguuta, nokukomera; hene yaho va la girunkana ku vanyasaye vandi, nokuvatumekira, nokulega inze, nokwononya lilagana lyange.

Likunula 7:1

Inyima wevindu yivi nda lola tsingelosi vane va singiye ku tsikorna tsine tsyelirova, va gimira tsimbuudza tsine tsyelirova ha ta va nembuudza i huudza ku lirova, noku inyanza, noku misala gyosi.