Danyeli 8:4 - KITABU KITAKATIFU

⁴ Nda lola ligondi likole zana lyesunda ha luvega lwemadioli, kandi ha luvega lwa kasikasini na ha luvega lwa kusini; na si ha li netsinyama tsya nyala kusingira imbiri walyo, kandi si ha li na tsi nyala kusola kindu mu mukono gwalyo; navutswa lya kola kuli lya yanza, nokwenenehidza.

Danyeli 8:4 ပူးပေါင်းရင်းမြစ်များ

1 Avami 22:11

Na Zedekia mwana wa Kenaana ya lomba tsinziga tsyekivya, na a vola, Yahova a vola, U la sindika Avasiria na yitsi, kuduka va dividzwe vosi.

Ayubu 10:7

Kali nu u manyi inze si mbeye mudamano, Kandi si ha veye u nyala kuhona ku mukono gugwo?

Zaburi 44:5

Ku la tsoma avasigu vetu netsi ngulu tsitsyo: Ku lieta lilyo ku la duvaga yava ava vukira kwinye.

Zaburi 50:22

Kalunu mu ganagane yiki, mwinye aviviriranga Nyasaye Gase nda mu donyannya, na a vule wokuhonnya:

Zaburi 7:2

Gase va la tandula mwoyo gwange kuli king'ang'a, Nokugudonyannya ha vule kuva na u honnyangwa.

Ezekieli 34:21

Kigira mwinye mwa luguta netsimbalu na namavega, nokutodza amalwaye netsinziga tsyenyu, kuduka kugasalannya yiyi na yiyi;

Danyeli 11:16

Navutswa uyu udzanga kulwana naye a la kola kuli mwene a yanza, kandi si ha la va nokusingira imbiri wewe; naye a la singira mu kivala kyobukumi, nomu mukono gwigwe gu la va nelidividza.

Danyeli 11:36

Na mwami a la kola kuli a yanza; kandi a leyidzominya, nokwekola munene ku vanyasaye vosi, na a la vola ku Nyasaye wa vanyasaye amakuva gokugennya; na a la menya buiahi kuduka lwa ubutima bu heridzwa; kigira yaga aga saavirwa ga la kolwa.

Danyeli 5:19

na kigira ubunene bwa ya mu ha, avandu vetsihiri tsyosi, na vetsimpya tsyosi, navetsinimi tsyosi, va degera nokutia imbiri wewe: wa ya yanza kwiita, yiita, na wa ya yanza kuva mwoyo, ya mu leka mwoyo; na wa yenya kunenehidza, ya nenehidza, na wa yenya kugehidza, ya mu gehidza.

Danyeli 5:30

Ubudiku zana yibwo Belishazaru mwami Mukalidei, yiitwa.

Danyeli 7:5

Na he nza inyama yindi, ya kaviri, ya li kuli iduba, na ya gingwa ku luvega lulala, na ya li netsimbalu tsivaka mu munwa gwayo mu amino gayo: na va gi volera ndi, Singira u lie inyama inyingi.

Danyeli 8:7

Na nda gi lola i duka himbi neligondi likole, kandi ya vihirirwa ligali, ya duya ligondi likole, nokuvunannya tsinziga tsyalyo tsiviri; na si ha li netsingulu mu ligondi likole kusingira imbiri wayo mba; navutswa ya li tula hasi ku lirova, nokuliduvaga; na si ha li netsya nyala kusola ligondi likole mu mukono gwayo mba.

Mika 5:8

Va tigala va Yakobo va la va hagati hetsihiri, hagati ha avandu vanyingi, kuli king'ang'a mu tsinyama tsyombulimu, kuli king'ang'a kisoleli mu kyayo kyamagondi; lwa ki vitanga hagati, ki duvaganga nokutandula, na si ha veye na u nyala kuhonnya.

Kwidzulitsa 33:17

Watanga-kwivulwa ku likula lilye ubukumi bu veye bwibwe; Netsinziga tsyayo tsi veye kuli tsinziga tsyembogo: A la mina avetsihiri tsyosi natsyo, kuduka ku kiheri kyelirova: Navo va veye tsielfu likumi tsya Efiraim, Navo va veye tsielfu tsya Manase.