Danyeli 8:3 - KITABU KITAKATIFU

³ Hene yaho nda ginga tsimoni tsyange, ni ndola, henza, imbiri womugera lya singira ho ligondi likole, lya li netsinziga tsiviri; na tsinziga tsya li tsintambi; navutswa ulwiga lulala lwa tambiha kuvita lundi, na lu tambi lwa mera inyima.

Danyeli 8:3 ပူးပေါင်းရင်းမြစ်များ

1 Kyetsinyinga 21:16

Daudi ya ginga tsimoni tsitsye, na a lola ingelosi wa Yahova na a singiye hagati helirova neligulu, na ya li nekivavi kisomole mmukono gwigwe gwa sonwa Yerusalemi. Hene yaho Daudi navakulundu, va li ni veviki tsingubo tsyamagunia, va gwa has; mammama.

Ezara 1:2

Kurusi mwami wa Persia a volanga, Yahova, uyu Nyasaye womigulu u heye inze n ubwami bwosi bwelirova; na u lagi inze mwombakire inyumba ha Yeru salemi, li veye mu Yuda.

Ezara 4:5

kandi va laga avavoli kuhing'ana navo, va duke kugayidza lisaavira lyavo, madiku gosi ga Kurusi mwami wa Persia, kuduka inyinga yelyameha lya Dario mwami wa Persia.

Esther 1:3

mmuhiga gwegyivaka gwelyameha lilye, ya lombera avenene veve vosi navatume kiri veve lilia; tsingulu tsya Persia na Media, avagali, navene vetsiprovinse va li imbiri wewe;

Isaya 13:17

Henza, nda vukidza Avamedi va tsie kuvo, ava li vula kuhenza ifetha, nomu makuva gethahabu, si va gi sangalira.

Isaya 21:2

Mmali kumannywa malola agokusaliridza; uyu u tumekiranga ubugadi a gadanga, na uyu u gotidzanga a gotidzanga. Yanegira, O Elam; u kumbiridze madala, O Media; mmali kuheridza likenya lyago lyosi.

Isaya 44:28

u volanga ku uyu Kurusi, A veye mwayi wange, na a la kola aga nyanzanga gosi: kali kuvola ku Yerusalemi, U lombakwu; noku litempeli, Umuse gugwo gu la temwa.

Jeremia 51:11

Mu hyagale mibano, tsikuti mu gumire netsingulu: Yahova u vukidzi roho gyavami va Vamedi; kigira tsiganagani tsitsye tsi veye ku Babuloni, kulidividza: kigira kisalya kya Yahova, ki veye kisalya kyelitempeli lilye.

Danyeli 10:5

nda ginga tsimoni tsyange, nokuhenza, na lola, mundu wa vikwa tsingubo tsyekatani, wekikenge kikye kya bofwa nethahabu inzere ya Ufazu:

Danyeli 2:39

Kandi inyima wowo bu la duka ubwami bundi uboke ku ive; na ubwami bwa kavaka bwomugasa, bu lameha ku lirova lyosi.

Danyeli 5:31

Na Dario Mumedi ya hebwa ubwami, ya li na a ve ne mihiga makumi gatano na lilala na gyiviri.

Danyeli 6:28

Ma Danyeli uyu ya menya bulahi mu lyameha lya Dario, nomu lya Kiru Mupersia.

Danyeli 7:5

Na he nza inyama yindi, ya kaviri, ya li kuli iduba, na ya gingwa ku luvega lulala, na ya li netsimbalu tsivaka mu munwa gwayo mu amino gayo: na va gi volera ndi, Singira u lie inyama inyingi.

Danyeli 8:2

Na nda lola mu malola; ga li ndi, lwa nda lola, nda li mu inyumba yobwami, Shushan, i veye mu iprovinse ya Elam; na nda lola mu lilola, nda li himbi mugera Ulai.

Danyeli 8:20

Ligondi likole lya wa lola, lya li netsinziga tsiviri, tsi veye avami va Media na Persia.

Zekaria 1:18

Ma nda ginga tsimoni tsyange, na nda lola, henza, tsinziga tsine.

Zekaria 2:1

Kandi nda ginga tsimoni tsyange, ni ndola, na henza, mundu mulala wa li nomugoye gwokugera mmukono gwigwe.

Zekaria 5:1

Ma kandi nda ginga tsimoni tsyange, nokulola, henza, kya lingwa kuli lududu kyokubuluka.

Zekaria 5:5

Hene yaho ingelosi wa volerana ninze ya twula, nokumbolera, Ginga tsimoni tsitsyo kalunu, u lole ni kindu ki ki twulanga.

Zekaria 5:9

Ma nda ginga tsimoni tsyange, ni ndola, henza, avakali vaviri va twula, nembuudza ya li mu tsimbaha tsyavo; navo va li ne tsimbaha kuli tsimbaha tsyeligungu, na va ginga efa igulu hagati helirova neligulu.

Zekaria 6:1

Na kandi nda ginga tsimoni tsyange, nokulola, na henza, magari gobulwani gane gadzanga kutwula hagati hevigulu viviri; na vigulu zana vya li vyomugasa.

Livalidza 24:2

Na Balaam ya ginga tsimoni tsyitsye, na a lola Israeli va menyanga kuli tsihiri tsyavo; na Roho wa Nyasaye ya duka kuye.

Joshua 5:13

Na ga duka, lwa Joshua ya li himbi nelidala lya Yeriko, ya ginga tsimoni tsitsye na a lola, na henza, mundu musatsa ya singira ku lungika imbiri wewe naye ya li ne kivavi mmukono gwigwe: na Joshua ya tsia kuye, na a mbolera, Ive u veye ku luvega lwetu, naho u veye ku luvega lwa avasigu vetu?

Likunula 13:11

Kandi nda lola inyama yindi yanegira kutwula mu lirova; kandi ya li netsinziga tsiviri kuli mwana weligondi, kandi ya vola nomunwa gwoguyoka.

Likunula 5:6

Kandi nda lola hagati hentebe na hagati he vilombe vi veye mwoyo vine, na hagati havakulundu makumi gaviri na vane, Mwana Weligondi u singiranga, kuli wiiteywi, u veye netsinziga tsitano na tsiviri, netsimoni tsitano na tsiviri, tsi veye Roho vatano na vaviri va Nyasaye, va tumeywi va tsie mu lirova lyosi.