Danyeli 8:12 - KITABU KITAKATIFU

¹² Na lihe lya vikwa mu mukono gwalwo halala nekihaanwa kyokusambwa kya kazozo kigira mahyolo; na lwa tsoma hasi ageligali, na lwa kola ubulaliri bwalwo nokumenya bulahi.

Danyeli 8:12 ပူးပေါင်းရင်းမြစ်များ

Ayubu 12:6

Mahema gavanuli ga gasidzangwa, Na va vihiriridzanga Nyasaye va veye mu mirembe Ava Nyasaye a letanga mmakono gavo vindu vinyingi.

Zaburi 119:142

Ubulungi bubwo bu veye bwemihiga nemihiga, Na itorati yoyo i veye ageligali.

Zaburi 119:43

U ta twulidza ligali likuva lyageligali mu munwa gwange; Kigira nindiriye amalago gogo.

Zaburi 28:5

Kigira si va henzeridza vikolwa vya Yahova, Kinga miyinzi gya makono gege, A la va sambula, nokuvula kuvombaka.

Isaya 59:14

Likalaga li girunkanywa kutsia inyuma, na bulungi bu singiye ihale; kigira ageligali ga gwiye mu lihasi, na bulungi si bu nyala kwingira.

Jeremia 12:1

Ive u veye mulungi, O Yahova, ni mba ni nku goonya; navutswa nkano mbolerane nive likuva yili: kigira ki inzira yomudamano i gasidzangwa? Kigira ki ava tumekiranga ubugadi vosi va veye mbwelemeridzi?

Danyeli 11:28

Hene yaho a lirana mu kivala kikye nevindu vinyingi; na mwoyo gwigwe gu la va nelihing'ana ku lilagana litakatifu; na a la kola aga a yanza, nokwirana mu kivala kikye mwene.

Danyeli 7:21

Nda lola, na ulwiga zana lwa kola lihe ku vatakatifu, nokuvaguuta;

Danyeli 8:4

Nda lola ligondi likole zana lyesunda ha luvega lwemadioli, kandi ha luvega lwa kasikasini na ha luvega lwa kusini; na si ha li netsinyama tsya nyala kusingira imbiri walyo, kandi si ha li na tsi nyala kusola kindu mu mukono gwalyo; navutswa lya kola kuli lya yanza, nokwenenehidza.

Likunula 13:7

Kandi ya hebwa kulwana navatakatifu, nokuvaguuta: kandi ya hebwa mu nwa ku tsimpya tsyosi, noku vandu vosi, noku tsinimi tsyosi, noku tsihiri tsyosi.

1 Samweli 23:9

Na Daudi ya manya Saulo u saaviye ubudamano kuye; na ya volera Abiatharu musalisi, Leta kisibao.