Danyeli 8:11 - KITABU KITAKATIFU

¹¹ Yee, lwenenehidza kuduka ku munene welihe; na lwa mu nyaga kihaanua kyokusambwa kya kazozo, na hatakatifu hehe ha tsomwa hasi.

Danyeli 8:11 ပူးပေါင်းရင်းမြစ်များ

Isaya 37:23

Ni bwaha wa ive wa lega nokunyega? Kandi wa ginga mwoyo gugwo ku bwaha, nokuginga tsimoni tsitsyo ku bwaha? Kali ku Uyu Mutakatifu wa Israeli.

Isaya 37:29

Kigira ubutima bubwo ku inze, kandi kigira kirage kikyo ki duki mmatu gange, kigira yaga inze nda vika inzago mu molo gogo, nelijamu mu minwa gyigyo, na nda kwirannya ku inzira ya wadzira ku.

Jeremia 48:26

U mu hambikidze; kigira yekuminya mwene ku Yahova: Moabu a la galagala mu maluuki gege, naye a la sekererwa.

Jeremia 48:42

Moabu a la dividzwa ihiri i vule kuva yo kandi, kigira yekuminya ku Nyasaye.

Ezekieli 46:14

Na u la lomba kihaanwa kyobusie halala nomu ana u eligondi mugamba na mu gamba, kidieli kyevitano na kilala kya efa, na kidieli kyevivaka kya ihin yamaguta, kutsuka halala no busie ubunyuki kihaanwa kyobusie ku Yahova kazozo kuva lilaga lyemihiga nemihiga.

Danyeli 11:22

Kandi avetsingulu tsinyingi kuvita va la guutwa imbiri wewe, na va la vunanywa; yee, kandi munene welilagana.

Danyeli 11:31

Kandi vyuma vyobulwani vi la singira hu luvega lwilwe, nava va la vika ubudamano mu hatakatifu, kali mu lugaga, kandi va la twulidza kihaanwa kyokusambua kya kazozo, nokusingeridza livihiriridza li kolanga hatswa.

Danyeli 12:11

Kandi kutwula inyinga zana yesadaka yokusambwa kazozo i la twulidzwa, ne livihiridza lyokwononya li singeridzwa, ha la va namadiku elfu na tsimia tsiviri namakumi gatano na gane.

Danyeli 5:23

navutswa wegingiye ku Mwami womigulu; na va leti viju vyenyumba yeye imbiri wowo, na ive, navanene vovo, na avakali vovo na vasuria vovo, mu nwereye muvyo iwaini; na ive widzominyi avanyasaye vefetha navethahabu, na vomugasa, na vekivya, na vomusala, na veligina, ava vula kulola, nava ta hulira, nava ta manya; na u vuli kwidzominya Nyasaye womwika gugwo gu veye mu mukono gwigwe, na wetsinzira tsitsyo tsi veye tsitsye.

Danyeli 7:25

Naye a la vola makuva manene gokuhing'ana na uyu U Veye Igulu Ku Vyosi, kandi a la luhidza ligali avatakatifu va U Veye Igulu Ku Vyosi, nn a la ganagana kugiru nkannya tsinyinga nelilaga; na vi la vikwa mu mukono gwigwe kuduka inyinga na tsinyinga na kidonye kye nyinga.

Danyeli 8:12

Na lihe lya vikwa mu mukono gwalwo halala nekihaanwa kyokusambwa kya kazozo kigira mahyolo; na lwa tsoma hasi ageligali, na lwa kola ubulaliri bwalwo nokumenya bulahi.

Danyeli 8:24

Na tsingulu tsitsye tsi la va tsinene ligali, navutswa si tsi la va netsingulu tsitsye mwene; na a la dividza neligennya, na a la menya bulahi nokukola ubulaliri buibwe; kandi a la dividza avetsingulu na avandu vatakatifu.

Danyeli 8:25

Na ku miima gyigye a la kola ubugadi bu gase mu mukono gwigwe, na a lenenehidza mwene mu mwoyo gwigwe, na a la dividza avanyingi ava menyanga nelilemerwa: kandi a la singira kuhing'ana na Munene wa vanene; navutswa a la vunanywa bugira mukono.

Danyeli 9:25

Kunangwa u manye nokuhulira, kutwula inyinga yelihaana munwa kwirannya ubuhya, nokwombaka Yerusalemi, kuduka ku uyu u vakeywi, Munene, ga la va masidza gatano na gaviri, kandi masizda makumi gatano na lilala na tsisuvi tsiviri: li lombakwa kandi, halala netsinzira tsyalyo, nelugaga lwalyo, mu tsinyinga tsyekivi.

Livalidza 28:3

Na u la va volera, Yiki nikyo kihaanwa ki lombwa nomuliru, kya mu li letera Yahova: vimeme vyamagondi vikole vyomuhiga mulala vidukiru, viviri ku lidiku nelidiku, kuva kihaanwa kyokusambwa kya madiku gosi.

Luka 21:24

Kandi va la gwa ku bwogi bwekivavi, kandi va la hilwa avahambe mu tsihiri tsyosi: Tsihiri tsi la duvaga Yerusalemi, kuduka tsinyinga tsye Tsihiri tsi hera.

2 Vatesalonike 2:4

u kolanga ubuhing'ani nokwiidzominya mwene ligali ku vyosi vi langwa Nyasaye, noku vyosi vi sigamirangwa, kuduka kwikala hatakatifu ha Nyasaye, nokwelang'aminya mwene a ve Nyasaye.

Vahebraina 2:10

Kigira bwa li bulahi kuye, wa lomberwa vindu vyosi kandi wevindu vyosi vyadzira kuye mu lileta avana vanyingi va duke mu bukumi, ma a mu kole mudukiru kigira ubusaliri, uyu munene wobuhonnyi bwavo.

Likunula 17:14

Yava va la kolera Mwana Weligondi ubulwani, kandi Mwana Weligondi a la va guuta, kigira a veye Munene wavanene kandi Mwami wavami; kandi ava veye halala naye, ava langwa, navatovole, navasuuvirilu.