Danyeli 7:9 - KITABU KITAKATIFU

⁹ Na inze nda henza kuduka inyinga tsintebe tsyobwami tsya vikwa, na mulala wa li Muhindira wa madiku, yikala ku: tsingubo tsitsye tsya li tsindavu kuli likonza na lisu lyoku mutwe gwigwe lya li kuli bwoya bweligondi bwere; intebe yeye ya li kuli ulumemo lwomuliru, na tsingida tsyayo tsya li muliru gwaakanga.

Danyeli 7:9 ပူးပေါင်းရင်းမြစ်များ

1 Avami 22:19

Na Mikaiya ya vola, U hulire likuva lya Yahova: nda lola Yahova wikaye ku intebe yeye yobwami, nelihe lyosi lyomigulu va singiye ha mukono mulungi gwigwe na ha mukono mmosi gwigwe.

2 Kyetsinyinga 18:18

Na Mikaia ya mu volera, Kunangwa mu hulire likuva lya Yahova: Nda lola Yahova ni yikaye ku intebe yeye yobwami, nelihe lyosi lyomigulu va singiye ha mukono gwigwe mu lungi na ha mukono gwigwe mmosi.

Zaburi 45:8

Tsingubo tsitsyo tsyosi tsi funya mwayu gwa manemane, na uudi, na kida; Mutsinyumba tsya amino getsinzogu, ubukana bwa ku yanzidza.

Zaburi 90:2

Lwa vigulu vi kikiri kulombwa, Kinga lwa u kikiri kulomba lirova na vyomulirova Kutwula mihiga nemihiga, kuduka mihiga nemihiga, ive u veye Nyasaye.

Zaburi 93:2

Intebe yoyo yobwami i singeridzeywi kutwula kale: Ive u veye ho mihiga nemihiga.

Isaya 6:1

Mu muhiga gwelikudza lyomwami Uzia nda lola Yahova ni yikaye ku intebe yobwami, igulu ligali, kya gingwa ligali; nolukigiti lwengubo yeye lwizula litempeli.

Isaya 9:6

Kigira mwana wivuliywi kwinye, ku hebeywi mwana muyai; na ubwami bu la va ku mavega gege: lieta lilye a la gulikwa Wobugenyi, Mboli, Nyasaye Munene, Dada we Mihiga nemihiga Munene we Mirembe.

Jeremia 49:38

na ndikalidza intebe yange yobwami ha Elam, nda va gotidza va twule ho mwami navanene, Yahova a vola.

Ezekieli 1:26

Na igulu wobwerefu bwa li igulu wemitwe gyavyo ha li nelifwanana lyentebe yobwami, liloleka lyayo lya li ku liloleka lyeligina lya isafiro; noku lifwanana lyentebe yobwami zana ha li nelifwanana lyomundu kuyo.

Danyeli 7:13

Nda lola mu malola gobudiku, na henza, mulala yadza halala na malesi gomigulu, ya li kuli mwana womundu, na ya duka kali ku Muhindira wa madiku, ni va mu dukidza himba imbiri wewe.

Danyeli 7:22

kuduka Muhindira wa madiku ya duka, na avatakatifu va U Veye Igulu Ku Vyosi va hebwa likalaga, na inyinga ya duka ya vatakatifu va gumira ubwami.

Mika 5:2

Navutswa ive, Beth-lehemu Efaratha, u veye mukekeke mu tsielfu tsya Yuda, mulala a la twula ku ive a ladza ku inze u li duka kuva welyameha mu Israeli; litwula lilye ni lya kale, kutwula mihiga nemihiga.

Habakuk 1:12

Ive si u veye wemihiga nemihiga, O Yahova Nyasaye wange, Mutakatifu wange? Kwinye si ku la kudza mba. O Yahova, wa vika uyu kuva welikalagwa; na ive, O Lwanda, wa mu singeridza a duke kulungekidza.

Matayo 17:2

na a girunkanywa ligo ndo imbiri wavo; mmoni mwimwe mwa ng'ereng'ana kuli liuva, netsi ngubo tsitsye tsya gwa tsindavu kuli ubulavu.

Matayo 28:3

Ligondo lilye lya li kuli luheni, netsingubo tsitsye tsya li tsindavu kuli likonza:

Marko 9:3

tsingubo tsitsye tsya gwa tsindavu munonono, mundu welirova wokulavidza si a nyala kutsilavidza ndi.

Vikolwa 2:30

Kigira ya li muprofeti, na a manya Nyasaye u mali kumwisuhira lisuha, ku lwivulo lwilwe lwomubiri gwigwe, a la mwikalidza mulala ku kisako kikye kyobwami.

Vikolwa 2:33

Kunangwa naye u mali kunenehidzwa kuduka ha mukono mulungi gwa Nyasaye, kandi u vuguye ku Dada lisuuviridza lya Roho Mutakatifu, u tsuki yiki kya mu lola nekya mu hulira.

Vafilipi 3:9

kandi ndoleke muye, nta va nobulungi bwange, obu twulanga mu lilaga, navutswa bu ve obu twulanga ku lisuuvira mu Kristo, ubulungi obu twulanga ku Nyasaye kigira lisuuvira:

1 Timoteo 6:16

u veye neliwla kukudza yeng'ine, u menyanga mu bulaw obu tisundwa himbi; womundu a ta lola kali mulala, kandi si ha veye nomundu u nyala kumulola: kuye lidzominywa netsingulu tsi ve kuye mihiga nemihiga. Amini.

1 Yohana 1:5

Yaga namakuva ga kwa hulira kuye, naga ku mwilwadzira, Nyasaye a veye bulavu, kandi si a veye nekisundi muye kali hakuzu.

Likunula 1:14

Kandi mutwe gwigwe nelisu lilye lya li lilavu kuli pamba indavu, lilavu kuli likonza; netsimoni tsitsye tsya li kuli lumemo lwomuliru;

Likunula 19:18

mu duke kulia tsinyama tsyavami, netsinyama tsyavanyampara, netsinyama tsyavandu vetsingulu, netsinyama tsyetsiparasi, netsya yavo avikala ku kandi tsinyama tsyavandu vosi avene luhya navatugwa, kandi avakekeke navanene.

Likunula 20:4

Kandi nda lola tsintebe, navo avikala kutsyo, va hebwa likalaga; kandi nda lola myoyo gya yavo ava kalagwa mitwe kigira lilolekidza lya Yesu, kandi kigira likuva lya Nyasaye, kandi gya yavo ava vula kusigamira inyama, kinga kifwananyi kikye, kandi va vula kuvugula kyokumanyirwa mu bweni bwavo, kinga mu makono gavo; navo va veye mwoyo, nokwameha halala na Kristo mihiga elfu.

Likunula 4:2

Nonoho nda li mu Roho; kandi henza, intebe ya vikwa migulu, nomulala yikala ku intebe;