Danyeli 7:8 - KITABU KITAKATIFU

⁸ Nda ganagana tsinziga, na henza, ulwiga lundi lwa mera hagati hatsyo, lwiga lukekeke, imbiri walwo tsinziga tsyivaga ku tsyokutanga tsya kuulwa: na henza, lwiga yilu lwa li netsimoni kuli tsimoni tsyomundu, nomunwa gu volanga vindu vinene.

Danyeli 7:8 ပူးပေါင်းရင်းမြစ်များ

Zaburi 12:3

Yahova a la kalaga minwa gyosi midoto, Kandi ululimi lu vola makuva manene;

Danyeli 11:36

Na mwami a la kola kuli a yanza; kandi a leyidzominya, nokwekola munene ku vanyasaye vosi, na a la vola ku Nyasaye wa vanyasaye amakuva gokugennya; na a la menya buiahi kuduka lwa ubutima bu heridzwa; kigira yaga aga saavirwa ga la kolwa.

Danyeli 7:19

Kandi ndenya kumanya ageligali genyama ya kane, ya li nelifwana lugano ku tsindi tsyosi, yo butihidzi bunene, ya li na amino gekivya, na masanda gomugasa; na ya lia, nokudonyannya vidonye, nokuduvaga nevirenge vyayo vindu vya tigala;

2 Vatesalonike 2:4

u kolanga ubuhing'ani nokwiidzominya mwene ligali ku vyosi vi langwa Nyasaye, noku vyosi vi sigamirangwa, kuduka kwikala hatakatifu ha Nyasaye, nokwelang'aminya mwene a ve Nyasaye.

2 Timoteo 3:2

Kigira avandu va la va aveyanza avene, nava yanza ubu'ugi, naveyidzominya, navevoli, navanyegi, ava tegehidza ku avivuli vavo, ava ta li nelisantidza, nava vula kutia Nyasaye,

2 Petro 2:18

Kigira mu livola amakuva ga vimba ligali ga vutswa va goonya mu likayirwa lyomubiri nekifwabwi, yavo ava tanganga kwiruka kutwula ku yavo ava menya mu bugadi;

Yudasi 1:16

Yava nivo avamonyi naviliriri, ava gendanga kuli likayirwa lyavo avene (minwa gyavo gyi volanga amakuva manene naga vimbanga), velidzanga avandu kigira linyola kindu.

Likunula 13:1

Yesu: nagwo gwa singira mu muyeke gwenyanza. Kandi nda lola inyama ya senuka kutwula mu inyanza, i veye netsinziga likumi nemitwe gyitano na gyiviri kandi ku tsinziga tsyayo ya li netsisuywa likumi, kandi ku mitwe gyayo ameta gobunyegi.

Likunula 9:7

Lifwana lyetsisigi zana lya li kuli lifwana lyetsiparasi tsi lombeywi kutsia mu bulwani; kandi ku mitwe gyatsyo tsitaji kuli ithahabu, kandi mumoni mwatsyo mwa li kuli mumoni mwavandu.

1 Samweli 2:3

Mu ta vola kandi noluyai kuli ndiyo; Mu ta leka lyegingira kutwula mu minwa gyenyu; Kigira Yahova a veye Nyasaye welimanya, Kandi uyu a geranga makola.