Danyeli 7:4 - KITABU KITAKATIFU

⁴ Yokutanga ya li nelifwana lyeking'ang'a, na ya li ne tsimbaha tsyendidzu: na inze nda henza kuduka tsimbaha tsyayo tsya manyulwa, na ya gingwa ku twula ku lirova, nokusingeridzwa ne virenge viviri kuli mundu; na ya hebwa mwoyo gwomundu.

Danyeli 7:4 ပူးပေါင်းရင်းမြစ်များ

2 Samweli 1:23

Saulo na Jonathan va li avalahi avokuyanzidza, mu livamwoyo ki lyavo, Kandi mu likudza lyavo va vula kwavukanywa: Va li netsimbiru kuvita tsindidzu, Va li netsingulu kuvita ving'ang'a.

Ayubu 25:6

Nasindi mundu, u veye ing'ende Nomwana womundu, u veye ing'ende.

Zaburi 9:20

U vike ubutii kuvo, O Yahova: Avetsihiri va duke kumanya avene kuva avandu vutswa [selaha

Jeremia 25:38

Ya leka likinga lilye, kuli king'ang'a; kigira kivala kyavo ki gwiye kyokugenya kigira ubwogi bwekivavi ki dambidzanga, kandi kigira ubutima bwibwe bwomuliru.

Jeremia 4:13

Henza a lanegira kuli amalesi, namagari gege gobulwani ga la va kuli kihudzudzi: tsiparasi tsitsye tsi veye netsimbiru kuvita tsindidzu. Bayaye ku kwinye kigira ku lanyeywi.

Jeremia 4:7

King'ang'a kyanegiye kutwula mu liginga lyakyo, nomudividzi wetsihiri; a veye mu inzira, u mali kutwula hango hehe a duke kukola kivala kikyo kuva vutswa, amadala gogo ga kolwe vyanyi ga vule kuva nomundu mugo.

Jeremia 48:40

Kigira Yahova ya vola ndi: Henza, a la buluka kuli indidzu, na a nyira tsimbaha tsitsye ku Moabu.

Jeremia 49:19

Henza, a lanegira kutwula mu luyai lwa Yordani, kuli king'ang'a, ku limenya lya avetsingulu: navutswa nda va nyagulidza viruke nonoho; na uyu wa tovolwa, niye wa ndi vika kulyo: kigira ni bwaha u leng'ana ninze? Kandi ni bwaha u ling'olera inyinga? Kandi ni bwaha ni mwayi u li singira imbiri wange?

Lisyoma lya Jeremia 4:19

Ava londereranga kwinye va li netsimbiru kuvita tsindidzu tsyomigulu: Va ku kunga ku vigulu, na va ku goneka mwigendanyama.

Ezekieli 17:3

u vole, Mwami Nyasaye a vola ndi: Indidzu inene yetsimbaha tsinene na mabaha amatambi mu tsimbaha, yizula ama baha, agerangi lugano lugano, ya duka Lebanon, nokuvugula isonga yomutaragwa:

Ezekieli 28:2

Ive mwana womundu, u volere munene wa Turo, Mwami Nyasaye a vola ndi: Kigira mwoyo gugwo gwegingi, na wa vola, Inze mbeye munyasaye, nzikaye ku intebe ya Nyasaye, hagati hetsinyanza; navutswa u veye mu ndu, si u veye Nyasaye mba, kali ni wa vika mwoyo gugwo kuli mwoyo gwa Nyasaye;

Ezekieli 28:9

Kuduka kalunu u la vola imbiri wa uyu wiitanga ive, Inze mbe ye Nyasaye? Navutswa u veye mundu, si u veye Nyasaye, mmukono gwa uyu u kwata tsing'oma.

Danyeli 2:38

kandi hosi ha avana va vandu va menyanga, na tsinyama tsyomwigendanyama, na manyonyi gombwerefu, u viki mmkono gugwo, kandi u kwamehidzi ku vyosi: ive u veye mutwe gwethahabu.

Danyeli 4:36

Kandi inyinga zana yeyo limanya lyange lirana ku inze; na kigira ubukumi bwobwami bwange, ubunene bwange nobung'ereng'anu bwirana ku inze; na avakulundu vange navanene vange va nyenya; ninze nda singeri dzwa mu bwami bwange, na nda me dwa ubulahi bunene.

Danyeli 7:12

Na ku tsinyama tsindi tsya tigala, tsya nuulwa ubwami bwatsyo, navutswa livamwoyo lyatsyo lya medeka kuduka inyinga iduki.

Danyeli 7:5

Na he nza inyama yindi, ya kaviri, ya li kuli iduba, na ya gingwa ku luvega lulala, na ya li netsimbalu tsivaka mu munwa gwayo mu amino gayo: na va gi volera ndi, Singira u lie inyama inyingi.

Matayo 24:28

Hekikudzu ki veye tsididzu tsi la vuganira ho.

Kwidzulitsa 28:49

Yahova a la leta ku ive ihiri i twula ihale, ku nyasi kwelirova, bwangu kuli libuluka lyendidzu ihiri ya u ta manya lulimi lwayo,

Likunula 13:2

Kandi inyama zana ya nda lola ya fwanana ne ingo, nevirenge vyayo vya li kuli vyeduba, kandi munwa gwayo gwa li kuli munwa gweking'ang'a: kandi guyoka gwa gi ha tsingulu tsyayo, nentebe yayo, nelihaana munwa linene.