Danyeli 7:28 - KITABU KITAKATIFU

²⁸ Yiki ki veye kiheri kya makuva. Ku makuva gange inze, Danyeli, tsiganagani tsyange tsya mbendidza mwoyo, na ligondo lyange lya galula mu inze: navutswa nda linda makuva mu mwoyo gwange.

Danyeli 7:28 ပူးပေါင်းရင်းမြစ်များ

Litanga 37:10

Kandi ya volera dada wewe, na avamwavo veve; na dada wewe ya mu gaya, na a teva, Li veye kindu ki liloto yili lya wa lota? Inze na mama wowo na vamwavo vovo ku li yinaminya avene ligali kuduka hasi imbiri wowo?

Litanga 37:11

Avamwavo va mu kendekera; navutswa dada wewe ya vika likuva yili mu mwoyo gwigwe.

Danyeli 10:16

Na henza mulala wa fwana avana va avandu ya dira minwa gyange: ma nda kunula munwa gwange, nokuvolera uyu wa singira imbiri wange, O mwami wange, kigira lilola, liverera lyange lirani ku inze, na si mbeye netsingulu kandi mba.

Danyeli 10:8

Kunangwa nda lekwa tsyeng'ine ni ndola lilola yili linene, na tsinguiu si tsya tigala mu inze; kigira ligondo lilahi lyange lya girunkanywa mu inze kugwa ubwoneku, na si nda li netsingulu mba.

Danyeli 11:27

Ku makuva ga avami yava vombi, myoyo gyavo gyi la va kukola ubwononnyi, na va la veherana ha imeza indala: navutswa si ga la genda bulahi; kigira kiheri ki la va ku inyinga i lageywn.

Danyeli 12:13

Navutswa ive u tsie kuduka ku inyinga yekiheri ki li va ho; kigira ive u la sosa nokusingira mu bugono bubwo, ku kiheri kyamadiku yago.

Danyeli 12:9

Naye ya vola, Danyeli, u tsie; kigira makuva ga kunikeywi nokuvikwa muhuri kuduka inyinga yekiheri.

Danyeli 4:16

mwoyo gwigwe gu girunkanywe gu vule kuva gwomundu, na a hebwe mwoyo gwenyama; kandi tsinyinga tsitano na tsiviri tsi vite kuye.

Danyeli 4:19

Hene yaho Danyeli wa lieta lilye lya li Beliteshazaru, ya genya inyinga inkekeke, na tsiganagani tsitsye tsya mu hulula inkolo. Mwami ya tivula na a vola, Beliteshazaru, u ta leka liloto, kinga livuula lyalyo li ku hulule inkolo. Beliteshazaru ya tivula, na a vola, Mwami wange, liloto li ve ku yavo ava ku dunyira, na livuula lyalyo li ve ku vasigu vovo.

Danyeli 5:6

Hene yaho ligondo lyommoni mwomwami lya galula na tsiganagani tsitsye tsya mu hulula inkolo; na a kalika viyungu vyo mgongo, na amalu gege ga duyana.

Danyeli 7:15

Ku makuva gange, inze Danyeli, mwoyo gwange gwa verera mu mubiri gwange, kandi malola gomutwe gwange gwa mbendidza mwoyo.

Danyeli 8:1

Mu muhiga gwegyivaka gwelyameha lyomwami Belishazaru malola ga loleka ku inze, inze Danyeli, inyima wa yaga aga loleka ku inze inyinga yokutanga.

Danyeli 8:17

Kunangwa yesunda himbi ha nda singira; na lwa ya duka himbi, nda li nobutii, na nda gwa hasi mammama: navutswa ya mbolera, U hulire, O ive mwana womundu; kigira malola yaga ga veye genyinga yekiheri.

Danyeli 8:19

Na ya mbolera, Henza, nda ku mannya aga liidza kuva ho inyinga yekiheri yobutima yeyo; kigira ga veye genyinga yekiheri ya lagwa.

Danyeli 8:27

Na inze, Danyeli, ihuvuki ya mbuha, na nda lwala madiku ga duki; ma nda singira nokukola miyinzi gyomwami: na nda genyera malola yaga, navutswa si ha li nowa ga manya.

Marko 9:15

Nonoho kiduma, lwa kya mu lola, kya genya munonono, va nyagula ni va tsia kuye ni va mu chelidza.

Luka 2:19

Navutswa Maria ya vika amakuva yaga na a ga ganagana mu mwoyo gwigwe.

Luka 2:51

Kandi ya sulunguta navo na a duka Nazareti; ni yegehidza kuvo: na mama wewe ya vika amakuva yaga gosi mu mwoyo gwigwe.

Luka 9:44

Amakuva yaga gingire mu matu genyu: kigira Mwana wa Adamu a la zamirwa makono gavandu.