Danyeli 7:25 - KITABU KITAKATIFU

²⁵ Naye a la vola makuva manene gokuhing'ana na uyu U Veye Igulu Ku Vyosi, kandi a la luhidza ligali avatakatifu va U Veye Igulu Ku Vyosi, nn a la ganagana kugiru nkannya tsinyinga nelilaga; na vi la vikwa mu mukono gwigwe kuduka inyinga na tsinyinga na kidonye kye nyinga.

Danyeli 7:25 ပူးပေါင်းရင်းမြစ်များ

Isaya 37:23

Ni bwaha wa ive wa lega nokunyega? Kandi wa ginga mwoyo gugwo ku bwaha, nokuginga tsimoni tsitsyo ku bwaha? Kali ku Uyu Mutakatifu wa Israeli.

Danyeli 11:28

Hene yaho a lirana mu kivala kikye nevindu vinyingi; na mwoyo gwigwe gu la va nelihing'ana ku lilagana litakatifu; na a la kola aga a yanza, nokwirana mu kivala kikye mwene.

Danyeli 12:7

Kandi nda hulira mundu wevika ingubo yekatani wa li ku madzi gomugera igulu, lwa ya ginga mukono gwigwe mulungi, nomukono mmosi kugyihenzidza migulu, nokwisuha ku uyu u veye mwoyo mihiga nemihiga, ha la va nenyinga, netsinyinga, ne nusu yenyinga; kandi lwa va male kudonyannya vidonye tsingulu tsyavandu avatakatifu, vindu yivi vyosi vi la twekidzwa.

Danyeli 2:21

Na a girunkannyanga tsinyinga ne imihiga; a twulidzanga avami, nokuvika avami; a hedzanga avageeri ubugeeri, na limanya kuvo ava veye nelihulira;

Danyeli 3:26

Hene yaho Nebukadinezaru yesunda ha kiliango kyekisambiru kyaakanga muliru ligali: na a gamba, na a vola, Shadaraka, Meshaka, na Abedinego, mwinye avatumekiri va Nyasaye U Veye Igulu Ligali, mu twule, mudze yino. Ma Shadaraka, Meshaka, na Abedinego va twula hagati ho muliru.

Danyeli 4:17

Likalaga yili li veye lyomunwa gwavalindi, na likuva li veye lyomunwa gwavataka tifu, ava veyemwoyo va duke ku manya uyu U Veye Igulu Ku Vyosi yamehanga mu bwami bwavandu, kandi a hedzanga uyu wa a yanza kandi a vika kubwo uyu u veye mu kekeke ku vosi.

Danyeli 4:2

Inze ndoli nu bulahi kumannya vilolekidzu, na ageligenya aga Nyasaye U Veye Igulu Ku Vyosi a koli ku inze.

Danyeli 4:25

ive u la kungwa kutwula ku vandu, na limenya lilyo li la va halala ne tsinyama tsyomwigendanyama, na ive u la kolwa kulia bunyasi kuli ing'ombe, na u la nyola amadzi gelime lyomigulu, na tsinyinga tsitano na tsiviri tsi la vita ku ive; u duke kumanya uyu U Veye Igulu Ku Vyosi wamehi mu bwami bwavandu, na a hedzanga ku uyu wa a yanza.

Danyeli 4:32

u la kungwa mu avandu; na limenya lilyo li la va halala netsinyama tsyomwigendanyama; ive u la kolwa kulia bunyasi kuli tsing'ombe; na tsinyinga tsitano na tsiviri tsi la vita ku ive; kuduka ive u la manya U Veye Igulu Ku Vyosi yamehanga mu bwami bwa avandu, na a hedzanga wa yenyanga ku vosi.

Danyeli 7:18

Navutswa avatakatifu va U Veye Igulu Ku Vyosi va la vugula ubwami, nokwameha mihiga gyosi, kuduka mihiga nemihiga.

Danyeli 7:20

na ku tsinziga likumi tsya li ku mutwe gwayo, na ulwiga lundi lwa mera, lwetsindi tsivaka tsya guulwa imbiri walwo, ulwiga zana yilwo lwa li netsimoni, nomunwa gwa vola vindu vinene, lweliloleka lyalwo lya li linene kuvita tsindi.

Danyeli 7:8

Nda ganagana tsinziga, na henza, ulwiga lundi lwa mera hagati hatsyo, lwiga lukekeke, imbiri walwo tsinziga tsyivaga ku tsyokutanga tsya kuulwa: na henza, lwiga yilu lwa li netsimoni kuli tsimoni tsyomundu, nomunwa gu volanga vindu vinene.

Danyeli 8:11

Yee, lwenenehidza kuduka ku munene welihe; na lwa mu nyaga kihaanua kyokusambwa kya kazozo, na hatakatifu hehe ha tsomwa hasi.

Danyeli 8:14

Na ya mbolera, kuduka tsinyinga tsya mgolova netsya mugamba tsielfu tsiviri na tsimia tsivaka; ma hatakatifu ha la takaswa.

Danyeli 8:9

Na ku lwiga lulala kutsyo, lwiga lukekeke lwa mera, ku lwa viruka kuduka kuva lunene ligali, kuhenza ku luvega lwa kusini, kandi lwa ivugwe, kandi ku luvega lwekivala kyobukumi.

Danyeli 9:27

Na a la kola lilagana lidinyu na vanyingi ku inyinga yelisidza lilala: na ku inyinga yenusu yelisidza a la heridza isadaka na kihaanwa; na uyu u kolanga hatswa a ladza ku tsimbaha tsye livihiriridza; kuduka ku kiheri ligali, na yikyo kya saavirwa, ubutima bu la tsukwa ku yava va hatswa.

Hosea 7:16

Virana, navutswa si ga li ku uyu u veye igulu; va gwiye kuli ubuta bu ta li nobusoga; avanene vavo va la gwa nekivavi kigira ubululu bwetsinimi tsyavo: inkuva yiyi i la va kihenyahenye kyavo mu kivala kya Egepeti.

2 Vatesalonike 2:3

Mundu kali mulala a ta mu gada ku vindu vyosi: kigira lidiku yilyo si li ladza ubwibaali ni bu kikiri kuduka, kandi mundu wobwoni u li lang'aminywa, mwana wobudivi,

2 Vatesalonike 2:4

u kolanga ubuhing'ani nokwiidzominya mwene ligali ku vyosi vi langwa Nyasaye, noku vyosi vi sigamirangwa, kuduka kwikala hatakatifu ha Nyasaye, nokwelang'aminya mwene a ve Nyasaye.

2 Vatesalonike 2:8

Hene yaho mudialu a la lang'aminywa, wo Mwami Yesu a liita nomwika gwonunwa gwigwe, nokumudividza neliang'aminywa lyelidza lilye;

Likunula 12:14

Kandi mukali ya hebwa amabaha gaviri gendidzu inene, a bulukire kutsia mwigendanyama ha bugono bwibwe, ha a lagiridzwa inyinga, netsinyinga, nenusu yenyinga, a twule imbiri wenzoka.

Likunula 12:6

Mukali yirukira mwigendanyama, aha li nobugono bwa Nyasaye ya mu lombera, ha zana va mu lagiridza ho madiku elfu na tsimia tsiviri na makumi gatano na lilala.

Likunula 14:12

Yibu nibwo ubwikudziri bwavatakatifu, ava gumira malago ga Nyasaye, nelisuuvira lya Yesu.

Likunula 16:6

kigira va sundula masahi gavatakatifu nagavaprofeti, kandi ive u mali kuvaha amasahi kunwa: va dukani nago.

Likunula 17:6

Kandi nda lola mu kali zana u hambiki amasahi gavatakatifu, kandi amasahi gavalolekidzi va Yesu. Inyinga nda mu lola, nda genya ligenya linene.

Likunula 18:24

Kandi amasahi gavaprofeti nagavatakatifu naga vosi aviitangwa ku lirova, ga loleka mulyo.