Danyeli 7:20 - KITABU KITAKATIFU

²⁰ na ku tsinziga likumi tsya li ku mutwe gwayo, na ulwiga lundi lwa mera, lwetsindi tsivaka tsya guulwa imbiri walwo, ulwiga zana yilwo lwa li netsimoni, nomunwa gwa vola vindu vinene, lweliloleka lyalwo lya li linene kuvita tsindi.

Danyeli 7:20 ပူးပေါင်းရင်းမြစ်များ

Danyeli 7:11

Nda henza mu inyinga zana, kigira mwoyo gwa makuva manene golwiga lwa vola; nda henza kuduka inyama yiitwa, nombiri gwayo gwa dividzwa, nokuhaanwa kusambwa nomuliru.

Danyeli 7:19

Kandi ndenya kumanya ageligali genyama ya kane, ya li nelifwana lugano ku tsindi tsyosi, yo butihidzi bunene, ya li na amino gekivya, na masanda gomugasa; na ya lia, nokudonyannya vidonye, nokuduvaga nevirenge vyayo vindu vya tigala;

Danyeli 7:21

Nda lola, na ulwiga zana lwa kola lihe ku vatakatifu, nokuvaguuta;

Danyeli 7:23

Ya vola ndi, Inyama ya kane i la va ubwami bwa kane ku lirova, bu li va lugano lundi ku bwami bwosi kandi bu la lia lirova lyosi, nokuliduvaga, nokulidonyannya vi donye.

Danyeli 7:7

Na inyima wa yiyi nda lola mu maloto gobudiku, na henza, inyama yetsine, yokuti hidza na yetsingulu, na yobunyali bunyingi; kandi ya li na amino manene gekivya; ya lia nokudonnya vidonye, nokuduvaga nevirenge vyavo vindu vya tigala: ya li nelifwana lugano ku tsinyama tsyosi tsya li tsyembiri; na ya li netsinziga likumi.

Danyeli 7:8

Nda ganagana tsinziga, na henza, ulwiga lundi lwa mera hagati hatsyo, lwiga lukekeke, imbiri walwo tsinziga tsyivaga ku tsyokutanga tsya kuulwa: na henza, lwiga yilu lwa li netsimoni kuli tsimoni tsyomundu, nomunwa gu volanga vindu vinene.

Likunula 12:3

Kandi kilolekidzu kindi kya loleka migulu: henza, guyoka gunene gwakanyu, gwa li nemitwe gyitano na gyiviri netsinziga likumi, kandi ku mitwe gyagwo gwa li netsisuywa tsitano na tsiviri.