Danyeli 7:10 - KITABU KITAKATIFU

¹⁰ Mugera gwomuliru gwa senuka nokutwula imbiri wewe: tsielfu hali tsielfu va mu tumekira, na tsielfu likumi hali tsielfu likumi va singira imbiri wewe: na likalaga lya singeridzwa, na vitabu vya kunulwa.

Danyeli 7:10 ပူးပေါင်းရင်းမြစ်များ

1 Avami 22:19

Na Mikaiya ya vola, U hulire likuva lya Yahova: nda lola Yahova wikaye ku intebe yeye yobwami, nelihe lyosi lyomigulu va singiye ha mukono mulungi gwigwe na ha mukono mmosi gwigwe.

2 Kyetsinyinga 18:18

Na Mikaia ya mu volera, Kunangwa mu hulire likuva lya Yahova: Nda lola Yahova ni yikaye ku intebe yeye yobwami, nelihe lyosi lyomigulu va singiye ha mukono gwigwe mu lungi na ha mukono gwigwe mmosi.

Ayubu 25:3

Amahe gege ga veye nelivalidzwa? Ni bwaha wobulavu bwibwe bu vuli kukya kuye?

Zaburi 103:21

Mu gasidze Yahova, mwinye amahe gege, Mwinye avatumekiri veve, ava kola ubulaliri bwibwe.

Zaburi 18:8

Mwoki gwa vuya kutwula mu amolu gege Na muliru gwa twula mu munwa gwigwe ni gu lia: Amanda gaakidzwa nagwo.

Zaburi 50:3

Nyasaye wetu yadzanga, na si a kiring'ana mba: Muliru gu sambanga imbiri wewe Na ku tsimbega tsitsye ki la va kuli kihi kinene.

Zaburi 68:17

Magari ga Nyasaye ga veye tsielfu makumi gaviri, kali tsielfu netsielfu: Nyasaye a veye hagati hago, kuli mu Sinai, mu hatakatifu.

Isaya 30:27

Henza, lieta lya Yahova li twula ihale, li sambanga nobutima bwibwe, nomu mwoki munene gu vuyanga igulu: minwa gyigye gyizuye ubutima, nolulimi lwilwe lu veye kuli muliru gu sambanga:

Isaya 30:33

Kigira Kisambiru kya lombwa kwetegeka kutwula kale; yee, kya tegekidzerwa mwami; ya ki lomba ki ve kyoluliva nekinene: mahiga gakyo ga veye muliru netsinku tsinyingi; mwika gwa Yahova gu veye kuli mugera gwe kibiridi, gwaakidza muliru.

Danyeli 12:1

Kandi inyinga yeyo Mikaeli a la singira, munene ku vanene u singirira avana vavandu vovo, kandi ha la va nenytnga yekivi kinene, ki ta li ho nekindi ki leng'ana nakyo kutwula inyinga ihiri ya tanga kuva ho kuduka ku inyinga yeyo; kandi inyinga yeyo avandu vovo va la honywa, samulala u li nyoleka kuva mung'ode mu kitabu.

Danyeli 7:22

kuduka Muhindira wa madiku ya duka, na avatakatifu va U Veye Igulu Ku Vyosi va hebwa likalaga, na inyinga ya duka ya vatakatifu va gumira ubwami.

Danyeli 7:26

Navutswa likalaga li la singeridzwa, na va la mu nyaga ubwami bwibwe, nokubukaminya, nokubudividza kuduka ku kiheri.

Zekaria 14:5

Na mwinye mu liruka mwivona lyevigulu vyange; kigira livona lyevigulu zana li la duka Azeli; yee, mu liruka, kuli mwiruka imbiri welidegera lyekivala mu madiku ga Uzia mwami wa Yuda; na Yahova Nyasaye wange a ladza, na vatakatifu vosi va la va halala nive.

Matayo 25:31

Navutswa inyinga Mwana wa Adamu a lidza mu bukumi bwibwe, netsingelosi vosi halala naye, hene yaho a likala ku intebe yobukumi bwibwe.

Kwidzulitsa 33:2

Na a vola, Yahova ya twula Sinai, Ya va vukira kutwula Seiru; Ya ng'ereng'ana mkigulu kya Paran Yadza halala navatakatifu tsielfu likumi: Ku mukono mulungi gwigwe ha veye nelilaga lyomuliru kuvo.

Vahebraina 1:14

Yavo vosi si va veye roho gyobutumwa, gyi tumangwa gyi duke kutumekira yava ava li lia miyandu gyobuhonnyi?

Vahebraina 12:22

Navutswa mwinye mu duki ku kigulu Zioni, noku lidala lya Nyasaye welivamwoyo, Yerusalemi lyomigulu, noku mahe ga ta valika getsingelosi,

Yudasi 1:14

Kandi uyu Enoka, u kola katano na kaviri inyima wa Adamu, ya profeta kuvo, na a vola, Henza, Mwami yadza nelihe lilye lye tsielfu likumi litaka tifu,

Likunula 11:18

Kandi tsihiri tsya li nobutima, kandi ubutima bubwo bwa duka, kandi inyinga yavakudzu va kalagirwa, kandi inyinga yavatugwa vovo avaprofeti va hebwa amadanyi gavo, navatakatifu, navatidzanga lieta lilvo, avakekeke navanene; nokudividza avadividza lirova.

Likunula 5:11

Nda lola, kandi nda hulira mwoyo gwetsingelosi vanyingi ku nyasi kwentebe, nokwevilombe vi veye mwoyo noku vakulundu; livalidzwa lyavo lya li tsielfu likumi hali tsielfu likumi, tsielfu tsyetsielfu;