Danyeli 7:1 - KITABU KITAKATIFU

¹ Mu muhiga gwokutanga gwe lyameha lya Belishazaru mwami wa Babuloni, Danyeli ya lota liloto na malola gomutwe gwigwe ku kitali kikye: ma va ng'oda liloto na a vola liduka lyevindu zana.

Danyeli 7:1 ပူးပေါင်းရင်းမြစ်များ

Litanga 15:1

Inyima wevindu yivi likuva lya Yahova lya duka ku Abram mu malola, kuvola, U ta tia, Abram: Inze mbeye inkingiru yoyo, na madanyi gogo manene ligali.

Litanga 46:2

Na Nyasaye ya volera Israeli mu maloto gobudiku, na a vola, Yakobo, Yakobo. Naye ya bugira, Mbeye hano.

Ayubu 4:13

Mu tsiganagani tsya twula mmalola gobudiku, Lwa tsindolo tsyamaveere tsi dukanga ku avandu,

Isaya 30:8

Kalunu u tsie, u ng'ode likuva yili ku kihao imbiri wavo, u li ng'ode mu kitabu, li duke kuva lye tsinyinga tsidzanga kuduka mihiga nemihiga.

Isaya 8:1

Na Yahova ya mbolera, Vugula kibao kinene, na u ng'ode ku nekalamu yomundu, Kigira Maherisha lali hashi-bazu;

Jeremia 23:28

Muprofeti u veye namaloto, a vole maloto gege; na uyu u veye nelikuva lyange, a vole likuva lyange nobusuuvirifu. Uluvuva lu veye ki kuvita ingano? Yahova a vola.

Jeremia 27:7

Na tsihiri tsyosi tsi la tumekira uyu, nomwana wewe, nomwisukulu wewe kuduka ku madiku gekivala kikye ga duka: hene yaho tsihiri tsinyingi navami vanene va la mu tuga a va tumekire.

Jeremia 36:32

Hene yaho Jeremia ya vugula lilinga lyekitabu kindi, na a ha mung'odi Baruku, mwana wa Neria, naye ya ga ng'oda mukyo, makuva gosi ga twula mmunwa gwa Jeremia, ga Jehoiakim mwami wa Yuda ya samba ku muliru; kandi ya meda makuva gandi manyingi ku lugano lwa yago.

Jeremia 36:4

Hene yaho Jeremia ya langa Baruku mwana wa Neria, na Baruku ya ng'oda makuva gosi ga Yahova, aga twula mmunwa gwa Jeremia, ga veye amakuva ga Yahova ya mu volera, va ga ng'odn mu lilinga lyekitabu.

Ezekieli 1:1

Ma ga duka ku muhiga gwa makumi gavaka, mweli gwegyine, lidiku lya gatano lyomweli, lwa nda li hagati ha yavo avadikidzwa, ahimbi nomugera gwa Kebari, ligulu ligulika, na nda lola malola ga Nyasaye.

Ezekieli 40:2

Mu malola ga Nyasaye ya ndeta mu kivala kya Israeli, nokunsingeridza mu kigulu kitambi ligali, ikya li mu nelyombakwa lyelidala ku luvega lwa kusini.

Danyeli 1:17

Kunangwa ku makuva ga avasoleli vane yava, Nyasaye ya va ha limanya nobusidza mmegidzo gosi nomu bugeeri bwosi: kandi Danyeli ya li nelihulira mu malola gosi momu maloto.

Danyeli 2:1

Ku muhiga gwa kaviri gwelyameha lya Nebukadinezaru, Nebukadinezaru ya lota maloto; na roho gwigwe gwa henda, kandi tsindolo tsitsye tsya mu leka.

Danyeli 2:26

Mwami ya tivula na a volera Danyeli, welieta lindi lya li Beliteshazaru, Ive u nyala kumbuulira liloto lya nda lota, halala na livuula lyalyo?

Danyeli 4:13

Nda lola mu malola gomutwe gwange ku kitali kyange, henza, mulindi na mutakatifu wika kutwula migulu.

Danyeli 4:5

Nda lola liloto lya ntihidza; na tsiganagani tsya nda li natsyo ku kitali kyange, na malola agomutwe gwange ga nyangidza.

Danyeli 5:1

Belishazaru mwami ya lombera avanene veve elfu, lilia linene, na ya nwa iwaini imbiri we elfu zana.

Danyeli 5:22

Na ive mwana wewe, O Belishazaru, kali ive wa manya yaga gosi, u vuli kugehidza mwoyo gugwo,

Danyeli 5:30

Ubudiku zana yibwo Belishazaru mwami Mukalidei, yiitwa.

Danyeli 7:13

Nda lola mu malola gobudiku, na henza, mulala yadza halala na malesi gomigulu, ya li kuli mwana womundu, na ya duka kali ku Muhindira wa madiku, ni va mu dukidza himba imbiri wewe.

Danyeli 7:15

Ku makuva gange, inze Danyeli, mwoyo gwange gwa verera mu mubiri gwange, kandi malola gomutwe gwange gwa mbendidza mwoyo.

Danyeli 7:7

Na inyima wa yiyi nda lola mu maloto gobudiku, na henza, inyama yetsine, yokuti hidza na yetsingulu, na yobunyali bunyingi; kandi ya li na amino manene gekivya; ya lia nokudonnya vidonye, nokuduvaga nevirenge vyavo vindu vya tigala: ya li nelifwana lugano ku tsinyama tsyosi tsya li tsyembiri; na ya li netsinziga likumi.

Danyeli 8:1

Mu muhiga gwegyivaka gwelyameha lyomwami Belishazaru malola ga loleka ku inze, inze Danyeli, inyima wa yaga aga loleka ku inze inyinga yokutanga.

Joeli 2:28

Na ga la va lwenyima, nda tsuka Roho wange ku avandu vosi; na avana venyu avayai navakana va la profeta, na avakulundu venyu va la lota maloto, na avasoleli venyu va la lola malola:

Amosi 3:7

Ligali Mwami Nyasaye si a la kola kindu, navutswa aga viswa gege a la vuulira avatumwa veve avaprofeti.

Habakuk 2:2

Yahova ya ntivulira, na a vola, Ng'oda malola yaga, u ga kole ga ve habulavu ku vibao, a nyale kunyagula uyu u ga soma.

Livalidza 12:6

Na ya va volera, Mu hulire kalunu makuva gange: na a va na a veye ho muprofeti hagati henyu, inze Yahova ndelolekidza kuye mu malola, na nda volerana naye mu maloto.

Varumi 15:4

Ki gira vindu vyosi vya tanga kung'odwa kale vya ng'odwa kigira lyegidzwa lyetu, ku lyekudzira kandi ku lilemeridza lyamang'oda ku duke kuva nelisuuviridzwa.

2 Vakorintho 12:1

Ga ndukira kwiidzominya, navutswa si ki veye kindu ki nkonya; navutswa nda duka ku malola noku lilang'aminywa lyo Mwami.

Likunula 1:19

Kunangwa u ng'oda vindu vya u lola, kandi vindu vi veye ho, kandi vindu vi la va ho inyima;

Likunula 10:4

Kandi lwetsinkupa tsitano na tsiviri tsya vola, ndenya kung'oda: na nda hulira mwoyo gwa twula migulu, ni gu vola, U vike muhuri ku makuva yaga getsinkupa tsitano na tsiviri tsi voye, u ta ga ng'oda mba.