Danyeli 6:26 - KITABU KITAKATIFU

²⁶ Inze mbaana munwa, mu bwami bwange bwosi, avandu va degere nokutia imbiri wa Nyasaye wa Danyeli; kigira a veye Nyasaye u veye mwoyo, na a hindi ranga mihiga nemihiga, na ubwami bwibwe nibwo bu li vula kudividzwa; na ubwami bu la menya kuduka ku kiheri:

Danyeli 6:26 ပူးပေါင်းရင်းမြစ်များ

Ezara 1:3

U veye ku mwinye mu avandu veve vosi, Nyasaye wewe a ve naye, yanegire Yerusalemi, li veye mu Yuda, na yombake inyumba ya Yahova, Nya saye wa Israeli (uyu niye Nyasaye), veye ha Yerusalemi.

Ezara 7:21

Na inze, inze mwami Aritashashita, mbaananga lilaga nokuleta ku mwinye avalindi va akiba vosi ava veye engereka wo Mugera, ku vyosi kya Ezara musalisi, mung'odi welilaga lya Nyasaye womi gulu, yenya ku mwinye, ki kolwe a bwangu,

Zaburi 119:120

Mubiri gwange gu degeranga kigira ubutii bwokutia ive; Na mbeye nobutii ku likalaga lilyo.

Zaburi 146:10

Yahova a lameha mihiga nemihiga, Nyasaye wowo, O Zioni, kuduka ku makula gosi. Mwidzominye Yahova.

Zaburi 2:11

Mu tumekire Yahova nobutii Mu sangale nelidegera.

Zaburi 29:10

Yahova yikala kuli Mwami ku lizulira lyamadzi; Yee, Yahova yikalanga kuli Mwami mihiga nemihiga.

Zaburi 42:2

Mwoyo gwange gu veye nobuluhu ku Nyasaye, ku Nyasaye u veye mwoyo: Nda duka kuloleka imbiri wa Nyasaye inyinga ki?

Isaya 66:2

Kigira makono gange ga lombi vindu yivi vyosi, ni ndiyo vya li ho vindu yivi vyosi. Yahova a vola: navutswa nda henza ku mundu uyu, yee, uyu u veye mudaka na womwoyo gwelyeganira, welidegera kigira likuva lyange.

Isaya 9:7

Na ku limeda lyelyameha lilye, nemirembe si vi la va nekiheri mba, ku intebe yobwami ya Daudi, nomu bwami bwibwe, kubudinyeridza, nokubudira nelikalaga nobulungi kutwula kalunu kuduka mihiga nemihiga. Ubugulu bwa Yahova wa mahe bu li kola yaga.

Jeremia 10:10

Navutswa Yahova a veye Nyasaye weligali; Nyasaye u veye mwoyo, Mwami wemihiga nemihiga: lirova li degera ku ubutima bwibwe, avetsihiri si va nyala kusingira imbiri wobutima bwibwe.

Danyeli 2:44

Kandi mu madiku ga avami yavo Nyasaye womigulu a la singeridza ubwami bu li vula kudiva mihiga nemihiga, na ubwami bwabwo si bu li lekwa kuva bwehiri yindi; navutswa bu la donyannya nokuheridza ubwami yibwo bwosi, na bwene bu la singira mihiga nemihiga.

Danyeli 3:29

Kigira yaga inze mbaana munwa, ku tsihiri tsyosi, ku tsimpya tsyosi, ku tsinimi tsyosi, ava vola kindu kidamano ku Nyasaye wa Shadaraka, Meshaka, na Abedinego, va la kalagwa vidonye, na tsinyumba tsyavo tsi la kolwa isina; kigira si ha veye na munyasaye wundi u nyala kuhonnya kuli ndi.

Danyeli 4:3

Vilolekidzu vivye vi veye vinene ndi kandi ageligenya gege ga veye netsingulu ndi ubwami bwibwe bu veye bwemihiga nemihiga, kandi ubunene bwibwe bu lolekanga ku makula namakula.

Danyeli 4:34

Na inyima wamadiku yago, inze, Nebukadinezaru, nda ginga tsimoni tsyange ni mbenza migulu, na limanya lyange lirana ku inze, na nda gasidza U Veye Igulu Ku Vyosi, kandi nda kuminya nokwidzominya uyu u hindiranga mihiga nemihiga kigira ubunene bwibwe bu veye bwe mihiga nemihiga, na ubwami bwibwe bu veye bwamakula na makula;

Danyeli 6:20

Na lwa yisunda himbi ha luhangaywa lwa Danyeli ya li mu, ya hanzuka nomwoyo gwobuvereri; mwami ya moloma na a volera Danyeli, O Danyeli, mutumekiri wa Nyasaye u veye mwoyo, Nyasaye wowo, wa u tumekira kazozo, a nyala kukuhonnya u twule mu ving'ang'a?

Danyeli 7:14

Na ya hebwa ubwamehi, nobukumi, nobwami, avandu vosi, netsihiri, netsinimi va mu tumekire: ubwamehi bwibwe bu veye ubwamehi bwemihiga nemihiga, bu li vula kuvita, kandi ubwami bwibwe bu veye ubuarni bu li vula kudividzwa.

Danyeli 7:27

Na ubwami, na ubwamehi, na ubunene bwobwami isi weligulu lyosi, bu la hebwa avandu vavatakatifu va U Veye Igulu Ku Vyosi: ubwami bwi bwe bu veye ubwami bwemihiga ne mihiga, na ubwamehi bwosi bu la mu tumekira nokumuhulira.

Hosea 1:10

Navutswa livalidzwa lyavana va Israeli li la duka kuva kuli muyeke gwomunyanza, gu ta nyala kugerwa kinga kuvalidzwa; kandi ga la va, ha makuva yaga ga volwa, Mwinye si mu veye avandu vange, va la volerwa ho, Mwinye mu veye avana va Nya saye welivamwoyo.

Malaki 3:6

Kigira inze, Yahova, si ngirunkannyangwa mba; kigira yaga mwinye, avana va Yakobo, si mu sambwa mba.

Matayo 6:13

U ta ku hila mu ligeridzwa, navutswa u ku twulidze ku mudamano. Kigira ubwami, netsingulu, nobukumi ni vivyo mihiga nemihiga. Ameni.

Luka 1:33

a lameha ku avenyumba ya Yakobo imihiga nemi higa; ubwami bwibwe si bu li va nekiheri mba.

Luka 12:5

Navutswa nda mu gelihidza ku uyu wa mu li tia: Mu tie uyu, na a mala kwiita, a veye netsingulu kuta mu igehena; yee, mmu volera, Mu tie uyu.

Vikolwa 17:25

kandi si a tumekirwa namakono gavandu, kuli mudaka wekindu kali kilala, kigira niye mwene a hedzanga vosi livamwoyo nomwika, nevindu vyosi.

Varumi 9:26

Kandi ga la va, ha va volerwa, Si mu veye avandu vange Va la langirwa ho avana avikula va Nyasaye welivamwoyo.

Kwidzulitsa 5:26

Kigira ku mibiri gyosi, ni bwaha wa hulira mwoyo gwa Nyasaye u veye mwoyo, gu vola kutwula hagati ho muliru, kuli kwinye, na a vula kukudza?

1 Vatesalonike 1:9

Kigira avene va vola amakuva getu agolugano lwelingira lyetu ku mwinye; kandi kuli mwa vika ha mugongo misambwa, nokuyeka ku Nyasaye, nokutumekira Nyasaye u veye mwoyo kandi weligali,

Vahebraina 12:29

kigira Nyasaye wetu a veye muliru gu sambanga.

Yakobo 1:17

Vikululirwa vyosi vilahi kandi vihaanwa vyosi vilahi vi veye vidukiru vi twulanga migulu kwika hasi kutwula ku Dada wobulavu, weligirunkannya li ta veye kuye kali kiriri kyeligirunkana.

Likunula 11:15

Ingelosi wa katano na kaviri ya kupa; gya twula myoyo minene migulu, ni gyi vola, Ubwami bwelirova bu gwiye bwo Mwami wetu, nobwa Kristo wewe: naye a lameha mihiga nemihiga.

Likunula 4:10

avakulundu makumi gaviri na vane va la gwa imbiri wa uyu wikaye ku intebe, nokusigamira uyu u veye mwoyo mihiga nemihiga, nokuta hasi tsitaji tsyavo imbiri wentebe, ni va vola,

Likunula 5:14

Nevilombe vi veye mwoyo vine vya vola, Amini. Navakulundu va gwa hasi nokusigamira.

1 Samweli 17:26

Ma Daudi ya volerana navandu ava singira ifimbi, na a va teva, U nyala kwiita Mufilisiti uyu, a la kolerwa ki, na a twulidza linyegwa ku Israeli? Kigira ni bwaha uyu Mufilisiti musindi, a duke kulega amahe go Nyasaye u veye mwoyo?

1 Samweli 17:36

Inze mutumwa wowo ndiita king'ang'a na iduba: no Mufilisiti musindi uyu a la va kuli kilala kuvyo, kigira a leganga amahe ga Nyasaye u veye mwoyo.