Danyeli 6:16 - KITABU KITAKATIFU

¹⁶ Ma mwami ya haana munwa, ni va leta Danyeli, ni va mu ta mu luhangaywa lweving'ang'a, Ma rnwami ya moloma na volera Danyeli, Nyasaye wowo wa u tumekiranga kazozo, a la ku honnya.

Danyeli 6:16 ပူးပေါင်းရင်းမြစ်များ

2 Samweli 3:39

Na inze lero mbeye mudedekere, kali ni mbeye mwami wa vakwa maguta; navandu yava kandi avana va Zeruia, va veye avandu avadinyu kuvita ku inze: Yahova a tunge u kolanga budamano kuli ubudamano bwibwe.

Ayubu 5:19

A la honnya ive ku vivi vitano na kilala; Yee, kali mu vitano na viviri si ha veye nobudamano kali bulala bunyala kudira ive.

Tsing'ano 29:25

Litia mundu li letanga mutego; Navutswa ku vosi u suuvira Yahova a veye nemirembe.

Isaya 41:10

u ta tia mba, kigira mbeye halala na ive; u ta genya mba, kigira mbeye Nyasaye wowo; nda ku vika tsingulu; yee, nda ku konya; yee, nda ku gu mira nomukono mulungi gwobulungi bwange.

Isaya 43:2

Lwa u vita mmadzi manene, nda va halala nive; nomumigera, gyi la vula kukwina; lwa u genda mmuliru, u la vula kuhya; kandi ulumemo lwomuliru si lu laaka ku ive.

Jeremia 26:14

Navutswa ku makuva gange, henza, mbeye mu makono genyu: mu nkolere aga mu lola kuva malahi nobulungi imbiri wetsimoni tsyenyu.

Jeremia 38:5

Na mwami Zedekia ya va volera, Henza, a veye mmakono genyu; kigira mwami si a veye uyu u nyala kukola likuva kali lilala ku mwinye.

Jeremia 38:6

Ma va gumira Jeremia, ni va mu ta mbogo bwa Malikija mwana womwami, bwa li mu mugidzi gwavalindi: na vikidza Jeremia nemigoye. Si ha li na madzi mbogo zana navutswa budohi; na Jeremia ya sikira mu budohi.

Jeremia 39:17

Navutswa nda honnya ive ku lidiku yilyo, Yahova a vola; na ive u la vula kuvikwa mu makono gavandu va u tidzanga.

Danyeli 3:15

Kalunu ni mu va ni mwetegeki inyinga mu hulira mwoyo gwekisiliva, nogwelilere, nogweiidienyi, nogwekinang'oli, nogwobukana, nogwekidulere, nogwetsing'ano tsyosi tsyevikupangwa, mu gwe hasi nokusigamira kifwananyi kya nombi, nu bulahi: navutswa ni mu vula kukisigamira, mu la tebwa isaa zana yeyo, mu kisambiru kyaakanga muliru ligali; na munyasaye zana u nyala kumutwulidza mu makono gange, ni bwaha?

Danyeli 3:17

Ni ga va ni ga veye ndiyo, Nyasaye wetu wa ku tumekira a nyala kukuhonnya mu kisambiru kyaakanga muliru ligali; naye a la ku honnya mu mukona gugwo, O mwami.

Danyeli 3:28

Nebukadinezaru ya gamba na a vola, Nyasaye wa Shadaraka, Meshaka, na Abedinego, yidzominywe, u tumi ingelosi wewe, no kuhonnya avatumekiri veve ava mu suuvira, nokugirunkannya likuva lyomwami, nokuhaana mibiri gyavo, va vule kutumekiri nokusigamira munyasaye wundi, u ta li Nyasaye wavo.

Danyeli 6:20

Na lwa yisunda himbi ha luhangaywa lwa Danyeli ya li mu, ya hanzuka nomwoyo gwobuvereri; mwami ya moloma na a volera Danyeli, O Danyeli, mutumekiri wa Nyasaye u veye mwoyo, Nyasaye wowo, wa u tumekira kazozo, a nyala kukuhonnya u twule mu ving'ang'a?

Danyeli 6:7

Avimiriri vosi vobwami, na vanyampara, na avanene, na avavoli na vagovona, va volerana avene kusingeridza munwa gwomwami, nokulomba likuva lyelilaga linene, kuvola, Mundu ku vosi yenya kusaala kindu ku munyasaye kinga ku mundu, mu tsinyinga tsyamadiku makumi gavaka, ni ga ta li ku ive, O mwami, a la tebwa mu luhangaywa lweving'ang'a.

Vikolwa 24:27

Navutswa lwa gya vita imihiga gyiviri Porikio Festo ya hila ubwami bwa Felike; na Felike kigira yenya kukolera Avayuda kindu kya va mu yanzira, ya leka Paulo mu libofwa.

Vikolwa 25:11

Ni mba ni ndona, kinga ni nkola kindu kya nduka kwiitwa, si nda sula kukudza; naw tswa vindu yivi vya va nzalira ni va ta li vyeligali, si ha veye nomundu u nyala kumbika mu makono gavo. Nzanira ku Kaisari.

Vikolwa 25:9

Navutswa Festo kigira yenya kukolera Avayuda kindu kya va mu yanzira, ya tivulira Paulo na a vola, Wenya kutsia Yerusalemi u kalagirwe yo vindu yivi imbiri wange?

Varumi 13:3

Kigira avameha si va veye litihidza ku miyinzi milahi, navutswa ku midamano. Na ive wenya u vule kutia tsingulu? U kole malahi na ive u la nyola lidzominywa kuye:

2 Vakorintho 1:10

wa ku honnya mu likudza linene kuli yili, kandi a la ku honnya: ku uyu ku suuviranga a la ku honnya lwenyima;