Danyeli 5:7 - KITABU KITAKATIFU

⁷ Na mwami ya hanzuka va lete ava ng'olera ku tsi ng'ereng'ani, na Vakalidei, na avang'oli. No mwami ya moloma na a volera avageeri va Babuloni, Ku vosi u li soma mang'oda yaga, nokummannya livuula lyago, a la vikwa ingubo yekiforosadi, na a la vikwa munyoro gwethahabu migoti mwimwe, na a la va wa kavaka mu bwami yibu.

Danyeli 5:7 ပူးပေါင်းရင်းမြစ်များ

Litanga 41:8

Kunangwa mugamba mwoyo gwigwe gwa henda; naye tuma, na a langa avakumu vosi va Egepeti, na avageeri vosi: na Farao ya va volera liloto lilye; navutswa si ha li nomulala wa nyala kuvuulira Farao maloto gege.

Esther 3:1

Inyima wevindu yivi mwami Ahasueru ya nenehidza Haman mwana wa Hamedatha, Muagagi, na a mu ha ubunene, na a vika intebe yeye igulu ku avanene vosi ava li halala naye.

Kutwula 7:11

Hene yaho Farao ya langa avageeri na avasegetiri: navo kandi, avasegetiri va Egepeti, va kola ndiyo nobusegetiri bwavo.

Tsing'ano 1:9

Kigira ameyidzo yaga ga la va igudwa yobulahi ku mutwe gugwo, Na minyoro mwigoti mumwo.

Lwimbu lwa Solomoni 1:10

Tsisaya tsitsyo netsindahi ligali nemidindi gyelisu. Ligoti lilyo nemigoga gyethahabu.

Isaya 47:13

U luhi mu bunyingi bwa makuva gogo: kalunu avang'oli, na va ng'olera ku tsing'e reng'ani, na vang'olera ku mweli nomweli, va singire, va honnye ive ku vindu vi duka ku ive.

Jeremia 50:35

Kivavi ki veye ku Vakalidei, Yahova a vola, noku va menyanga Babuloni, noku vanene veve, noku avageeri veve.

Ezekieli 16:11

Kandi nda ku siyaha vindu vyobulahi, na nda ku vika migodze ku makono gogo, nomunyoro migoti mumwo.

Danyeli 1:20

Kandi mu makuva gosi gobugeeri na agelimanya, agomwami ya va teva ku, ya va lola kuva avalahi kuvita hali likumi, avakumu vosi na avasegetiri ava li mu bwami bwibwe bwosi.

Danyeli 1:4

avasoleli ava ta li nembala, navutswa aveligondo lilahi, avasidza mu bugeeri bwosi, kandi avelimanya, navahuliri velimanya, na avetsingulu kusingira mu inyumba yomwami; kandi ya mu volera a vegidze megidzo nolulimi lwa Vakalidei.

Danyeli 2:2

Hene yaho mwami ya haana munwa kulanga avakumu, na avasegetiri, na avagongoyi, na Vakalidei, va volere mwami amaloto gege. Kunangwa vadza ni va singira imbiri womwami.

Danyeli 2:27

Danyeli ya tivula imbiri womwami, na a vola, Likuva lyo mwami yenya avageeri, na avasegetiri, na vakumu, na avang'oli vosi, si va nyala kuvuulira mwami;

Danyeli 2:48

Ma mwami ya kola Danyeli kuva munene, na a mu ha madanyi manyingi, nokumwamehidza ku iprovinse ya Babuloni, nokuva munene ku avandu avageeri va Babuloni.

Danyeli 2:6

Navutswa ni mba ni mu mbolera liloto ne livuula lyalyo, mu la nyola ku inze vihaanwa na madanyi, nelidzominywa linene: kunangwa mu mmannye liloto nelivuula lyalyo.

Danyeli 4:14

Ya hanzuka, na vola ndi, Mu teme musala, mu halule tsisya tsyagwo, mu vungulule amatu gagwo, kandi mu salannye amakuyu gagwo: tsinyama tsi twule isi wagwo, na manyonyi ga twule ku tsisya tsyagwo.

Danyeli 5:11

Mundu a veye ho mu bwami bubwo, wa roho gwa va nyasaye vatakatifu gu veye muye; na mu madiku ga dada wowo, ubulavu, nelimanya, nobugeeri, bwa loleka muye, kuli ubugeeri bwa vanya saye; na mwami Nebukadinezaru dada wowo, mwami, mbola, dada wowo, ya mu kola a ve munene wa avakumu, vasegeteri, Avakalidei, na avang'oli;

Danyeli 5:15

Na kalunu avageeri, na avasegetiri va leteywi imbiri wange, va somere inze amang'oda yaga, nokummannya livuula lyago; navutswa si va nyala kumannya livaula lyago.

Danyeli 5:16

Navutswa mbuliye ku ive, u nyala kuvuula mavuulo, nokukunga mahayahayidza: kalunu nu u va nu nyala kusoma mang'oda, nokumannya livuula lyago, u la vikwa ingubo yekiforosadi, nokuvikwa munyoro gwethahabu migoti, nokuva munene wakavaka mu bwami yibu.

Danyeli 5:29

Ma Belishazaru ya haana munwa, ni va vika ku Danyeli ingubo yekiforosadi, na va mu vika munyoro gwethahabu migoti, na va landidza makuva kuye, u gwiye munene wa kavaka mu bwami.

Livalidza 22:17

kigira nda ku kuminya nelidzominywa linene, na likuva lyosi lya u mbolera nda kola: kunangwa, mwadza, hamba u naamire avandu yava.

Livalidza 22:7

Na avakulundu va Moabu na avakulundu va Midiani va tsia ni va ginga madanyi gokulagulira mu makono gavo; na va duka ku Balaam, ni va mu volera makuva ga Balaki.

Livalidza 24:11

Kunangwa, kalunu wiruke u tsie hoho: nda ganagana kukukuminya nelidzominya linene ligali; navutswa, henza, Yahova u ku gayi u vule kwidzominywa.

1 Samweli 17:25

Na vasatsa va Israeli va vola, Mu loli mundu u twuliye uyu? Iigali u twuliye a duke kulega Israeli: na ga la va, omundu na a va na a mwiita, mwami a la mu tugidza nobutugi ubunene, na a la mu ha mukana wewe, na a la kola inyumba ya dada wewe i ve imboholole mu Israeli.