Danyeli 5:23 - KITABU KITAKATIFU

²³ navutswa wegingiye ku Mwami womigulu; na va leti viju vyenyumba yeye imbiri wowo, na ive, navanene vovo, na avakali vovo na vasuria vovo, mu nwereye muvyo iwaini; na ive widzominyi avanyasaye vefetha navethahabu, na vomugasa, na vekivya, na vomusala, na veligina, ava vula kulola, nava ta hulira, nava ta manya; na u vuli kwidzominya Nyasaye womwika gugwo gu veye mu mukono gwigwe, na wetsinzira tsitsyo tsi veye tsitsye.

Danyeli 5:23 ပူးပေါင်းရင်းမြစ်များ

Litanga 14:19

Naye ya mu gasidza, na a vola, A gasidzwe Abram wa Nyasaye U Veye Igulu ku Vyosi, Mwene weligulu nelirova;

Litanga 2:7

Na Yahova Nyasaye ya lomba mundu nolugukyi lwamarova, na a huudza mmolu gege mwika gwelivamwoyo: na mundu ya gwa mwoyo gwelivamwoyo.

2 Avami 14:10

Ligali ive wa guuta Edom, nomwoyo gugwo gwa kwigingiridza: wiidzominye ku yago, nokumenya hango hoho; kigira ki wegemeranga u luhe u gwe, ive, na Yuda halala nive?

Ayubu 12:10

Welivamwoyo lya vyosi vi veye mwoyo li veye mmukono gwigwe, Na myika gyavandu vosi?

Ayubu 31:4

Si a lolanga tsinzira tsyange, Nokuvalidza tsinduvatiru tsyange tsyosi?

Zaburi 104:29

U visa mmoni mumwo, vi dambi dzangwa U twulidza myika gyavyo, na vikudza, Na vi gwa kandi ulugukyi lwavyo.

Zaburi 115:16

Ligulu yili li veye ligulu lya Yahova; Navutswa lirova ya ha avana va avandu.

Zaburi 139:3

Ive widera inzira yange na ligona lyange, U manya tsinzira tsyange tsyosi.

Zaburi 146:4

Mwika gwigwe gu twulanga, naye yirana ku marova gege; Ku lidiku zana tsiganagani tsitsye tsi heranga.

Tsing'ano 20:24

Ligenda lyomundu li veye lya Yahova; Kunangwa mundu a nyala ndi kumanyeridza inzira yeye?

Isaya 13:11

Na inze nda kalagira lirova yili kigira ubudamano bwalyo, nava damano nda va kalagira kigira ubu kyamu bwavo; na nda heridza luyai lwa yavo avekirage, noluyai lwa yavo avatihidzi nda lu tsoma hasi.

Isaya 14:13

Na wa vola mu mwoyo gugwo, Inze ndanegira kuduka migulu, nda ginga intebe yange yobwami igulu kuvita tsing'ering'ani tsya Nyasaye; na ndikala ku kigulu kyelivugana, mu tsimbega tsyekiheri kyakasikasini;

Isaya 2:12

Kigira li la va ho lidiku lilala lya Yahova wa mahe, ku gosi agekirage na goluyai, noku gosi aga diguluka; ga likidzwa hasi;

Isaya 33:10

Inze nda singira kalunu, Yahova a vola; kalunu ndeginga; kalunu nda kuminywa.

Isaya 37:19

nokusyuva vanyasaye vavo mmuliru: kigira si va veye avanyasaye, navutswa va veye miyinzi gya makono gavandu, misala na magina; kigira yaga va va dividzi.

Isaya 37:23

Ni bwaha wa ive wa lega nokunyega? Kandi wa ginga mwoyo gugwo ku bwaha, nokuginga tsimoni tsitsyo ku bwaha? Kali ku Uyu Mutakatifu wa Israeli.

Isaya 42:5

Nyasaye Yahova a vola, uyu wa lomba ligulu, nokulivagala; uyu wa vambula lirova na vyosi vi twulanga mulyo; uyu u haananga mwika ku avandu vosi va veye kulyo, nokuhaana roho kuvo ava gendanga kulyo:

Jeremia 10:23

O Yahova, mmanya inzira yomundu si i veye mu mwoyo gwigwe; si li veye mu mundu mwene kulungi kidza ligenda lilye.

Jeremia 48:26

U mu hambikidze; kigira yekuminya mwene ku Yahova: Moabu a la galagala mu maluuki gege, naye a la sekererwa.

Jeremia 50:28

Mwoyo gwa yavo avirukanga nokuhona kutwula mu kivala kya Babuloni, kulandidza mu Zioni kisa lya kya Yahova Nyasaye wetu, kisalya kyelitempeli lilye.

Jeremia 50:29

Mu vugannye halala ava tumekiranga ubuta nemibano ku Babuloni, yavo vosi ava nyira ubuta; mu singeridza mahema kumukumbiridza tsimbega tsyosi; mu ta leka mulala kulyo a hone: mu mu tunge kuli miyinzi gigye; kuli gosi aga ya kola, mu mu kolere ndiyo: kigira yegingira ku Yahova, ku Mutakatifu wa Israeli.

Ezekieli 28:17

Mwoyo gugwo gweginga kigira ubulahi bweligondo lilyo; wononnyi ubugeeri bubwo kigira ubung'ering'anu bubwo: mmali kutuula ive hasi; mmali kukwa lira hasi imbiri wavami, va duke kukulola.

Ezekieli 28:2

Ive mwana womundu, u volere munene wa Turo, Mwami Nyasaye a vola ndi: Kigira mwoyo gugwo gwegingi, na wa vola, Inze mbeye munyasaye, nzikaye ku intebe ya Nyasaye, hagati hetsinyanza; navutswa u veye mu ndu, si u veye Nyasaye mba, kali ni wa vika mwoyo gugwo kuli mwoyo gwa Nyasaye;

Ezekieli 28:5

u medi ubutugi bubwo kigira ubugeeri bubwo bunene na kigira likirannya, nomwoyo gugwo gu gingiywi kigira ubutugi bubwo;

Ezekieli 31:10

Kigira yaga Mwami Nyasaye a vola ndi: Kigira ive u kuminywa ku liduka lilyo, na ya vika intongi yeye hagati hetsisaga tsindiduhu, nomwoyo gwigwe gwa gingwa igulu mu butambi bwibwe;

Danyeli 11:12

Na kiduma ki la va nomwoyo gwokwigingira, naye a la va nomwoyo gwelidzominywana a la tsoma hasi avandu tsielfu amakumi gamakumi, navutswa si a la guuta mba.

Danyeli 4:37

Kalunu inze, Nebukadinezaru, nzidzominya nokunenehidza nokukuminya Mwami womigulu; kigira miyinzi gyigye gyosi gyi veye gyeligali, na tsinzira tsitsye tsi veye tsinungi; na yavo ava genda nga mu bwigingiri a nyala kuvagehidza.

Danyeli 8:11

Yee, lwenenehidza kuduka ku munene welihe; na lwa mu nyaga kihaanua kyokusambwa kya kazozo, na hatakatifu hehe ha tsomwa hasi.

Habakuk 2:4

Henza, mwoyo gwigwe gu vimbi, si gu veye mulungi muye mba; navutswa wobulungi a la va mwoyo ku lisuuvira lilye.

Vikolwa 17:25

kandi si a tumekirwa namakono gavandu, kuli mudaka wekindu kali kilala, kigira niye mwene a hedzanga vosi livamwoyo nomwika, nevindu vyosi.

1 Vakorintho 8:4

Kunangwa amakuva yaga agokulia vindu vi salisirangwa misambwa, ku manya si ha veye nekifwananyi ki veye kindu mu lirova, kandi ku manya si ha veye na Nyasaye wundi, navutswa mulala yeng'ine.

1 Timoteo 3:6

A ta va muhya mu lisuuvira gase a la gwa mwigingiri ma a gwe mu lika lagirwa lya Setani.

Vahebraina 4:13

Kandi si ha li nekilombe ki ta li habulavu imbiri wewe: navutswa vindu vyosi vi veye kyahonyo nokulang'aminywa imbiri wetsimoni tsya uyu wa ku veye ku namakuva.

Likunula 9:20

Kandi avandu ava tigaye, ava vula kwiitwa namaduywa zana, si veganira ku miyinzi gyamakono gavo va vule kusigamira amademone nemisambwa gyethahabu, negyefetha, negyomugasa, negyeligina, negyemisala; gya vula kunyala kulola, nokuhulira, nokugenda:

Vakalagi 16:23

Ma vanene va Vafilisiti vevungidza va duke kuhaana ku Dagon munyasaye wavo kihaanwa kinene, nokusangala; kigira va vola, Munyasaye wetu u viki Samsoni musigu wetu mmakono getu.

1 Samweli 17:26

Ma Daudi ya volerana navandu ava singira ifimbi, na a va teva, U nyala kwiita Mufilisiti uyu, a la kolerwa ki, na a twulidza linyegwa ku Israeli? Kigira ni bwaha uyu Mufilisiti musindi, a duke kulega amahe go Nyasaye u veye mwoyo?

1 Samweli 17:36

Inze mutumwa wowo ndiita king'ang'a na iduba: no Mufilisiti musindi uyu a la va kuli kilala kuvyo, kigira a leganga amahe ga Nyasaye u veye mwoyo.