Danyeli 5:13 - KITABU KITAKATIFU

¹³ Hene yaho Danyeli yigeridzwa imbiri womwami. Mwami ya moloma na a volera Danyeli, Ive u veye Danyeli uyu, u veye ku avana ve lyadikidzwa lyo Buyuda, avo mwami dada wange ya twulidza mu Buyuda?

Danyeli 5:13 ပူးပေါင်းရင်းမြစ်များ

Ezara 10:16

Navana velyadikidzwa va kola ndiyo. Na Ezara musalisi, halala navandi ku avemitwe gyetsinyumba tsyavaguga, kulonda tsinyumba tsyavaguga vavo, na vosi ku ameta gavo, va vikwa haluvega na vikala kuidiku lyokutanga iyomweli gwelikumi kuhenza inkuva yiyi.

Ezara 10:7

Navo va landidza ku ava ndu velyadikidzwa mu Yuda na Yerusalemi, va vugane halala Yerusa lemi,

Ezara 4:1

Kunangwa avasigu va Yuda na Benjamini lwa va hulira avana ve lyadikidzwa vombakiranga Yahova; Nyasaye wa Israeli, litempeli;

Ezara 6:16

Navana va Israeli, vasalisi na Valevi, navana vandi vosi avelyadi kidzwa, va gumira litakasa lye nyumba ya Nyasaye nobusangali.

Danyeli 1:1

Ku muhiga gwegyivaka gwelyameha lya Jehoiakim mwami wa Vayuda, Nebukadinezaru mwami wa Babuloni yadza Yerusalemi, na a li kumbiridza.

Danyeli 1:2

Na Yahova ya vika Jehoiakim mwami wa Vayuda mu mukono gwigwe, halala nekidieli kyeviju vyenyumba ya Nyasaye; naye ya vi vugula na a tsia navyo kuduka mu kivala kya Shinaru mu inyumba yomunyasaye wewe; na a vika viju zana mu inyumba yakiba yomunyasaye wewe.

Danyeli 1:21

Kandi Danyeli ya hindira kuduka muhiga gwokutanga gwomwami Kiru.

Danyeli 1:6

Kunangwa ku yava, ku avana va Yuda, va li Danyeli, na Hanania, na Mishaeli, na Azaria.

Danyeli 2:25

Hene yaho Arioku ya hila Danyeli bwangu kuduka imbiri womwami, na a mu volera ndi, Inze nyoye mundu ku avana vobuhambe bwa Yuda, uyu a la vuulira mwami livuula zana.

Danyeli 2:48

Ma mwami ya kola Danyeli kuva munene, na a mu ha madanyi manyingi, nokumwamehidza ku iprovinse ya Babuloni, nokuva munene ku avandu avageeri va Babuloni.

Danyeli 5:11

Mundu a veye ho mu bwami bubwo, wa roho gwa va nyasaye vatakatifu gu veye muye; na mu madiku ga dada wowo, ubulavu, nelimanya, nobugeeri, bwa loleka muye, kuli ubugeeri bwa vanya saye; na mwami Nebukadinezaru dada wowo, mwami, mbola, dada wowo, ya mu kola a ve munene wa avakumu, vasegeteri, Avakalidei, na avang'oli;

Danyeli 5:14

Mbuliye ku ive, roho gwa avanya saye gu veye mu ive, kandi ubulavu na lihulira, na ubugeeri bulahi bu nyoleka mu ive.

Danyeli 5:18

O ive mwami, Nyasaye Wegulu Ku Vyosi, ya ha Nebukadinezaru, dada wowo, ubwami, nobunene, nelidzominywa, nobukumi:

Danyeli 5:2

Belishazaru lwa ya tsatsama iwaini, ya haana munwa va lete viju vyethahabu na vyefetha vya dada wewe Ne bukadinezaru ya nyaga mu litempeli lya li mu Yerusalemi; mwami navanene veve, navakali veve, navasuria veve, va nwere ku.

Danyeli 6:13

Ma va tivula ni va vola imbiri womwami, Danyeli uyo u veye ku avana velyadikidzwa lya Buyuda, si a hulira ive, O mwami, na lilaga lya wa vika ku lieta, navutswa a kolanga lisaala lilye hali gavaka ku lidiku.

Danyeli 8:1

Mu muhiga gwegyivaka gwelyameha lyomwami Belishazaru malola ga loleka ku inze, inze Danyeli, inyima wa yaga aga loleka ku inze inyinga yokutanga.

Danyeli 8:27

Na inze, Danyeli, ihuvuki ya mbuha, na nda lwala madiku ga duki; ma nda singira nokukola miyinzi gyomwami: na nda genyera malola yaga, navutswa si ha li nowa ga manya.

Yohana 7:1

Inyima yevindu yivi Yesu ya vaya mu Galilaya: kigira si yenya kuvaya Buyuda, kigira Avayuda venya kumwiita.

Yohana 7:3

Kigira yaga avamwavo veve va mu volera, Twula hano, u tsie Buvuda, avegidzwi vovo va duke kulola miyinzi gyigyo gya u kolanga.