Danyeli 4:7 - KITABU KITAKATIFU

⁷ Kunangwa avakumu, na vasegeteri, na Avakalidei, na avang'olera ku tsing'ereng'ani, vingira, na inze nda va volera liloto lyange, navutswa si va mbuulira livuula lyalyo.

Danyeli 4:7 ပူးပေါင်းရင်းမြစ်များ

Litanga 41:24

na vyangala vinyerere vya mira vyangala vitano na viviri vilahi: ma nda volera avakumu navutswa si ha li nomulala wa nyaia kumbuulira.

Litanga 41:8

Kunangwa mugamba mwoyo gwigwe gwa henda; naye tuma, na a langa avakumu vosi va Egepeti, na avageeri vosi: na Farao ya va volera liloto lilye; navutswa si ha li nomulala wa nyala kuvuulira Farao maloto gege.

Zaburi 37:35

Ndoli mudamano a veye netsingulu tsinene, Na a twulanga tsisya nokutavalala kuli musala muvisi gu veye mu marova malahi.

Isaya 44:25

U heridzanga vilolekidzu vya yavo avobehi, nokukola avasegetiri kugwa avalalu; wirannyanga avageeri inyi ma, nokukola bugeeri bwavo kuva lubusiru;

Ezekieli 31:3

Henza, Muasuria ya li mutaragwa mu Lebanon gwetsisya tsindahi, nogwekiriri kinene nekitambi; na kuntongi kwagwo kwa li hagati hetsisaga tsindiduhu.

Danyeli 1:4

avasoleli ava ta li nembala, navutswa aveligondo lilahi, avasidza mu bugeeri bwosi, kandi avelimanya, navahuliri velimanya, na avetsingulu kusingira mu inyumba yomwami; kandi ya mu volera a vegidze megidzo nolulimi lwa Vakalidei.

Danyeli 2:10

Avakalidei va tivula imbiri womwami, na va vola Si ha li nomundu mu lirova u nyala kuvuula likuva lyomwami, kigira si ha li nomwami, kinga munene, kinga munyampara, wa teva likuva kuli yili ku mukumu, kinga ku musegetiri, kinga ku Mukalidei.

Danyeli 2:27

Danyeli ya tivula imbiri womwami, na a vola, Likuva lyo mwami yenya avageeri, na avasegetiri, na vakumu, na avang'oli vosi, si va nyala kuvuulira mwami;

Danyeli 2:7

Navo va tivula hali kaviri ni va vola, Mwami u mannye kwinye, avatumekiri vovo, liloto, na kwinye ku la mannya livuula lyalyo.

Danyeli 3:8

Kunangwa inyinga zana, avalala ku Vakalidei visunda himbi, ni va yala avalala ku Vayuda.

Danyeli 4:18

Liloto yili inze, mwami Nebukadinezaru, ndoli; na ive, O Beliteshazaru, u vuule livuula lyalyo, kigira avageeri vosi avobwami bwange si va nyala kumbuulira livuula lyalyo; navutswa ive u nyala; kigira roho wavanyasaye vatakatifu gu veye mu ive.

Danyeli 5:7

Na mwami ya hanzuka va lete ava ng'olera ku tsi ng'ereng'ani, na Vakalidei, na avang'oli. No mwami ya moloma na a volera avageeri va Babuloni, Ku vosi u li soma mang'oda yaga, nokummannya livuula lyago, a la vikwa ingubo yekiforosadi, na a la vikwa munyoro gwethahabu migoti mwimwe, na a la va wa kavaka mu bwami yibu.

Danyeli 5:8

Kunangwa avageeri vosi vomwami vingira, navutswa si va nyala kusoma mang'oda zana, na si va nyala kuvuu lira mwami livuula lyago.