Danyeli 4:34 - KITABU KITAKATIFU

³⁴ Na inyima wamadiku yago, inze, Nebukadinezaru, nda ginga tsimoni tsyange ni mbenza migulu, na limanya lyange lirana ku inze, na nda gasidza U Veye Igulu Ku Vyosi, kandi nda kuminya nokwidzominya uyu u hindiranga mihiga nemihiga kigira ubunene bwibwe bu veye bwe mihiga nemihiga, na ubwami bwibwe bu veye bwamakula na makula;

Danyeli 4:34 ပူးပေါင်းရင်းမြစ်များ

2 Samweli 22:31

Nyasaye uyu inzira yeye i veye indukiru: Livola lya Yahova li loleywi kuva lilungi A veye ingavo ya vosi avivisa muye.

1 Kyetsinyinga 29:10

Kigira yaga Daudi ya gasidza Yahova imbiri welivugana lyosi; na Daudi ya vola, U gasidzwe ive, Yahova, Nyasaye wa Israeli guga wetu, mihiga nemihiga.

1 Kyetsinyinga 29:13

Kunangwa kalunu, O Nyasaye wetu, ku santidzanga ive, nokwidzominya lieta lilyo lyobukumi.

Ayubu 1:21

na ya vola, Inze nda twula munda mwa mama wange ni mbeye mwere, na kandi ndirana yo ndiyo mwere; Yahova ya haana, kandi Yahova u vuguye; Iieta lya Yahova li gasidzwe.

Zaburi 10:16

Yahova a veye Mwami mihiga nemihiga: Tsihiri tsyosi tsi fweye mu kivala kikye.

Zaburi 102:24

Nda vola, O Nyasaye wange, u ta ntwulidza hagati ha mmadiku gange mba: Mihiga gyigyo gyi tsitsanga ku makula gosi.

Zaburi 107:15

Nkano avandu vidzominye Yahova ku tsimbabasi tsitsye, Noku vyokugenya vivye vya ya kola ku avana vavandu

Zaburi 107:22

Va lete tsisadaka tsyelisantidza, Na va landidze makuva gemiyinzi gyigye mu lwimba.

Zaburi 107:31

Nkano avandu vidzominye Yahova ku tsimbabasi tsitsye, Noku vyokugena a vivye vya a kola ku avana va v andu

Zaburi 107:8

Nkano avandu vidzominye Yahova ku tsimbabasi tsitsve, Noku vyokugenya vivye vya ya kola ku avana va avandu

Zaburi 111:7

Miyinzi gyamakono gege gyi veye ageligali na likalaga; Na amalago gege gosi ga veye agelisuuvirwa.

Zaburi 121:1

Nda ginga tsimoni tsyange kuhenza ku vigulu: Ubuhonywi bwange bu la twula haliha?

Zaburi 123:1

Ng'inga tsimoni tsyange ku ive, O ive wikaye migulu.

Zaburi 145:13

Ubwami bubwo bu veye ubwami bwemihiga nemihiga, Na lyameha lilyo li dukanga ku makula gosi.

Zaburi 146:10

Yahova a lameha mihiga nemihiga, Nyasaye wowo, O Zioni, kuduka ku makula gosi. Mwidzominye Yahova.

Zaburi 50:14

Haana ku Nyasaye kihaanwa kyelisantidza; Nokutunga ga u lagi ku U Veye Igulu Ku Vyosi

Zaburi 66:7

Yamehanga netsingulu tsitsye mihiga nemihiga; Tsimoni tsitsye tsi henza avetsihiri: Avatingu va tenenehidza avene. [Selaha

Zaburi 7:17

Ndidzominya Nyasaye kuli ubulungi bwibwe Na nda gasidza lieta lya Yahova U Veye Igulu Ligali.

Zaburi 9:2

Nda sangala nokuyanza mu ive Ndimba tsinyimba tsyokwidzominya lieta lilyo, O Ive U Veye Igulu Ligali.

Zaburi 92:1

Bu veye bulahi kusantidza Yahova, Nokwimba tsinyimbu tsyohlvidzominya lieta lilyo, O Weigulu Ligali;

Isaya 13:11

Na inze nda kalagira lirova yili kigira ubudamano bwalyo, nava damano nda va kalagira kigira ubu kyamu bwavo; na nda heridza luyai lwa yavo avekirage, noluyai lwa yavo avatihidzi nda lu tsoma hasi.

Isaya 2:11

Tsimoni tsyavandu tsya diguluka tsi likidzwa hasi, noluyai iwavandu lu linaminywa, na Yahova yeng'ine a li diguluka mu lidiku yilyo.

Isaya 24:15

Kunangwa mu kuminye Yahova ku luvega lwevugwe, mu kuminye lieta lya Yahova Nyasaye wa Israeli, mu visulu vyomu inyanza.

Jeremia 10:10

Navutswa Yahova a veye Nyasaye weligali; Nyasaye u veye mwoyo, Mwami wemihiga nemihiga: lirova li degera ku ubutima bwibwe, avetsihiri si va nyala kusingira imbiri wobutima bwibwe.

Lisyoma lya Jeremia 3:38

Mu munwa gwa Uyu Uveye Igulu Ligali si ga twulanga amadamano nobulahi?

Danyeli 12:7

Kandi nda hulira mundu wevika ingubo yekatani wa li ku madzi gomugera igulu, lwa ya ginga mukono gwigwe mulungi, nomukono mmosi kugyihenzidza migulu, nokwisuha ku uyu u veye mwoyo mihiga nemihiga, ha la va nenyinga, netsinyinga, ne nusu yenyinga; kandi lwa va male kudonyannya vidonye tsingulu tsyavandu avatakatifu, vindu yivi vyosi vi la twekidzwa.

Danyeli 2:44

Kandi mu madiku ga avami yavo Nyasaye womigulu a la singeridza ubwami bu li vula kudiva mihiga nemihiga, na ubwami bwabwo si bu li lekwa kuva bwehiri yindi; navutswa bu la donyannya nokuheridza ubwami yibwo bwosi, na bwene bu la singira mihiga nemihiga.

Danyeli 4:2

Inze ndoli nu bulahi kumannya vilolekidzu, na ageligenya aga Nyasaye U Veye Igulu Ku Vyosi a koli ku inze.

Danyeli 4:26

Kandi kuli va haana munwa kuleka kitinya kyemiri kyomusala; ubwami bubwo bu lirana ku ive ligali, inyima weliduka lilyo kumanya magulu gameha ligali.

Danyeli 4:3

Vilolekidzu vivye vi veye vinene ndi kandi ageligenya gege ga veye netsingulu ndi ubwami bwibwe bu veye bwemihiga nemihiga, kandi ubunene bwibwe bu lolekanga ku makula namakula.

Danyeli 4:32

u la kungwa mu avandu; na limenya lilyo li la va halala netsinyama tsyomwigendanyama; ive u la kolwa kulia bunyasi kuli tsing'ombe; na tsinyinga tsitano na tsiviri tsi la vita ku ive; kuduka ive u la manya U Veye Igulu Ku Vyosi yamehanga mu bwami bwa avandu, na a hedzanga wa yenyanga ku vosi.

Danyeli 4:36

Kandi inyinga zana yeyo limanya lyange lirana ku inze; na kigira ubukumi bwobwami bwange, ubunene bwange nobung'ereng'anu bwirana ku inze; na avakulundu vange navanene vange va nyenya; ninze nda singeri dzwa mu bwami bwange, na nda me dwa ubulahi bunene.

Danyeli 5:18

O ive mwami, Nyasaye Wegulu Ku Vyosi, ya ha Nebukadinezaru, dada wowo, ubwami, nobunene, nelidzominywa, nobukumi:

Danyeli 5:21

na ya kungwa mu avana vavandu, na mwoyo gwigwe gwa kolwa kuva kuli gwetsinyama, na limenya lilye lya li halala netsisukiri tsyomwigendanyama; ya lihidzwa bunyasi kuli tsing'ombe, na mubiri gwigwe gwama lime lyomigulu; a luhe a duke kumanya Nyasaye U Veye Igulu Ku Vyosi yamehanga mu bwami bwa avandu, kandi ku vosi uyu wa a yanza a mu vika mu bwami.

Danyeli 6:26

Inze mbaana munwa, mu bwami bwange bwosi, avandu va degere nokutia imbiri wa Nyasaye wa Danyeli; kigira a veye Nyasaye u veye mwoyo, na a hindi ranga mihiga nemihiga, na ubwami bwibwe nibwo bu li vula kudividzwa; na ubwami bu la menya kuduka ku kiheri:

Danyeli 7:14

Na ya hebwa ubwamehi, nobukumi, nobwami, avandu vosi, netsihiri, netsinimi va mu tumekire: ubwamehi bwibwe bu veye ubwamehi bwemihiga nemihiga, bu li vula kuvita, kandi ubwami bwibwe bu veye ubuarni bu li vula kudividzwa.

Danyeli 7:27

Na ubwami, na ubwamehi, na ubunene bwobwami isi weligulu lyosi, bu la hebwa avandu vavatakatifu va U Veye Igulu Ku Vyosi: ubwami bwi bwe bu veye ubwami bwemihiga ne mihiga, na ubwamehi bwosi bu la mu tumekira nokumuhulira.

Danyeli 9:14

Kigira yaga Yahova ya linda kivi, nokukileta ku kwinye; kigira Yahova Nyasaye wetu a veye wobulungi mu miyinzi gyigye gyosi gya a kolanga, na kwinye si ku huliye mwoyo gwigwe.

Jona 1:14

Kunangwa vanira Yahova, ni va vola, Ku ku saala, O Yahova, ku ku saala, kwinye ku ta diva kigira livamwoyo lyomundu uyu, kandi u ta vika ku kwinye amasahi ga ta li nekindu; kigira ive, O Yahova, u koli kuli u yanza.

Mika 4:7

na nda kola vasegeranga kuva litigala, na ava kungwa nda va kola kuva ihiri yetsingulu: na Yahova a lameha kuvo mu kigulu kya Zioni kutwula kalunu kuduka mihiga nemi higa.

Luka 1:33

a lameha ku avenyumba ya Yakobo imihiga nemi higa; ubwami bwibwe si bu li va nekiheri mba.

Luka 18:13

Navutswa musololi wobushutu, ya singira ihale si ya li nomwoyo gu duka kuhenza igulu, navutswa yiduya ku kiritu kikye, na a vola, Nyasaye, u mbere rere inze mwoni.

Yohana 5:26

Kigira kuli Dada a veye neliva mwoyo muye mwene, kandi ndiyo ya ha Mwana a ve neliva mwoyo muye mwene:

Kwidzulitsa 32:4

Niye Lwanda, miyinzi gyigye gyi veye midukanu; Kigira tsinzira tsitsye tsi veye tsinungi: A veye Nyasaye wobusuuvirifu bugira budamano, A veye wa geligali, a veye ubulungi.

1 Timoteo 1:17

Kalunu ku Mwami u ta hera mba, kandi u toneka, kandi u ta lolekanga, u veye Nyasaye mulala yeng'ine, lidzominywa nobukumi bu ve kuve mihiga nemihiga Amini.

1 Timoteo 6:16

u veye neliwla kukudza yeng'ine, u menyanga mu bulaw obu tisundwa himbi; womundu a ta lola kali mulala, kandi si ha veye nomundu u nyala kumulola: kuye lidzominywa netsingulu tsi ve kuye mihiga nemihiga. Amini.

Likunula 10:6

ni yisuha ku uyu u veye mwoyo mihiga nemihiga, wa lomba ligulu nevindu vyosi vi veye mu, nelirova nevindu vyosi vi veye mu nenyanza nevindu vyosi vi veye mu lilindagira si li li va ho kandi:

Likunula 11:15

Ingelosi wa katano na kaviri ya kupa; gya twula myoyo minene migulu, ni gyi vola, Ubwami bwelirova bu gwiye bwo Mwami wetu, nobwa Kristo wewe: naye a lameha mihiga nemihiga.

Likunula 4:10

avakulundu makumi gaviri na vane va la gwa imbiri wa uyu wikaye ku intebe, nokusigamira uyu u veye mwoyo mihiga nemihiga, nokuta hasi tsitaji tsyavo imbiri wentebe, ni va vola,

Likunula 4:9

Kandi vilombe vi veye mwoyo lwa vi li ha uyu wikaye ku intebe ubukumi, nelidzominya, nelisantidza uyu u veye mwoyo mihiga nemihiga,