Danyeli 4:32 - KITABU KITAKATIFU

³² u la kungwa mu avandu; na limenya lilyo li la va halala netsinyama tsyomwigendanyama; ive u la kolwa kulia bunyasi kuli tsing'ombe; na tsinyinga tsitano na tsiviri tsi la vita ku ive; kuduka ive u la manya U Veye Igulu Ku Vyosi yamehanga mu bwami bwa avandu, na a hedzanga wa yenyanga ku vosi.

Danyeli 4:32 ပူးပေါင်းရင်းမြစ်များ

2 Kyetsinyinga 33:13

Ya mu saala, na a hulirwa, na Nyasaye ya hulira lyegehidza lilye, na a mira nnya Yerusalemi mu bwami bwibwe. Hene yaho Manase ya manya Yahova niye Nyasaye.

Ayubu 42:2

Mmanya ive u nyala kukola vindu vyosi Kandi lisaavira lilyo lyosi si li nyala kugaywa.

Ayubu 9:12

Henza, u gumiye vilanye, ni bwaha u nyala kumugayidza? Ni bwaha u nyala kumuteva, U kolanga ki, ive?

Zaburi 115:3

Navutswa Nyasaye wetu a veye mwigulu: Ku vyosi u koli kuli ubulaliri bwibwe.

Zaburi 135:6

Gosi aga Yahova a yanza, yaga a kola, Migulu na mu lirova, na mu tsinyanza na mu luliva lwosi;

Kutwula 8:10

Naye ya vola, Mugamba. Na ya vola, Ga ve kuli likuva lilyo; u duke kumanya si ha veye nowundi u leng'ana na Yahova Nyasaye wetu.

Kutwula 9:14

Kigira ku inyinga yiyi nda leta maduya gange gosi ku mwoyo gugwo, noku avatumekiri vovo, noku avandu vovo; u duke kumanya si ha veye na wundi kuli inze mu lirova lyosi.

Kutwula 9:29

Na Musa ya mu volera, Nonoho lwa ndi twula mu lidala, nda nyira makono gange ku Yahova; na lihirigana li la hera, kandi imbula yamagina i la vula kukupa; ive u duke kumanya lirova li veye lya Yahova.

Isaya 37:20

Kunangwa kalunu, O Yahova Nyasaye wetu, u ku honnye ku mukono gwigwe, tsihiri tsyosi tsyomu lirova tsi duke kumanya ive u veye Yahova, ive weng'ine.

Isaya 40:15

Henza, tsihiri tsi veye kuli ingerageridza yamadzi mu isiongo, na tsi validzangwa kuva kuli akagukyi ka huudzangwa ku tsiratili: henza, a ginganga visulu kuli akandu vutswa.

Isaya 40:17

Tsihiri tsyosi imbiri wewe tsi veye kuli kindu kya vutswa; na tsi validzeywi kuye tsi vule kuduka kuva kindu, kandi mwika vutswa.

Isaya 45:3

nda ha ive ubutugi bwekisundi, nemiyandu gya viswa hamwamu, u duke kumanya inze mbeye Yahova, u ku langanga lieta lilyo, mbeye Nyasaye wa Israeli.

Jeremia 27:5

Inze nda lomba lirova, navandu netsinyama tsi veye mmoni mwelirova, netsingulu tsyange tsinene nomukono gwange gwa nyirwa; na nda ha yavo ava nda lola bulahi kuvaha.

Danyeli 2:21

Na a girunkannyanga tsinyinga ne imihiga; a twulidzanga avami, nokuvika avami; a hedzanga avageeri ubugeeri, na limanya kuvo ava veye nelihulira;

Danyeli 4:31

Inyingalikuva yili lya li mu munwa gwomwami, mwoyo gwa twula migulu, ni gu uola, O mwami Nebukadinezaru, likuva yili li volerwa ku ive: Ubwami bu twuli ku ive:

Danyeli 5:21

na ya kungwa mu avana vavandu, na mwoyo gwigwe gwa kolwa kuva kuli gwetsinyama, na limenya lilye lya li halala netsisukiri tsyomwigendanyama; ya lihidzwa bunyasi kuli tsing'ombe, na mubiri gwigwe gwama lime lyomigulu; a luhe a duke kumanya Nyasaye U Veye Igulu Ku Vyosi yamehanga mu bwami bwa avandu, kandi ku vosi uyu wa a yanza a mu vika mu bwami.

Joshua 4:24

avandu velirova vosi va duke kumanya mukono gwa Yahova, gu veye mukono gwobunyali; mu duke kutia Yahova Nyasaye wenyu mihiga nemihiga.