Danyeli 4:31 - KITABU KITAKATIFU

³¹ Inyingalikuva yili lya li mu munwa gwomwami, mwoyo gwa twula migulu, ni gu uola, O mwami Nebukadinezaru, likuva yili li volerwa ku ive: Ubwami bu twuli ku ive:

Danyeli 4:31 ပူးပေါင်းရင်းမြစ်များ

Litanga 14:18

Na Melikizedeki mwami wa Salemi ya leta ubukima na iwaini: naye ya li musalisi wa Nyasaye U Veye Igulu ku Vyosi.

Ayubu 20:23

Lwa yizulitsa inda yeye, Nyasaye a la ta kuye ubululu lwobutima bwibwe, Nokubukupidza kuye inyinga na a veye mu lilia.

Zaburi 145:13

Ubwami bubwo bu veye ubwami bwemihiga nemihiga, Na lyameha lilyo li dukanga ku makula gosi.

Tsing'ano 29:23

Uluyai lwomundu lu la mwikidza hasi; Navutswa uyu u veye nomwoyo gwokwegehidza, a lidzominywa.

Isaya 14:27

Kigira Yahova wa mahe wa saavira, nibwaha u la kola ga vule kuva? Nomukono gwigwe gwa nyirwa, nibwaha u girunkannya gwirane?

Danyeli 12:7

Kandi nda hulira mundu wevika ingubo yekatani wa li ku madzi gomugera igulu, lwa ya ginga mukono gwigwe mulungi, nomukono mmosi kugyihenzidza migulu, nokwisuha ku uyu u veye mwoyo mihiga nemihiga, ha la va nenyinga, netsinyinga, ne nusu yenyinga; kandi lwa va male kudonyannya vidonye tsingulu tsyavandu avatakatifu, vindu yivi vyosi vi la twekidzwa.

Danyeli 4:24

yili ni livuula lyalyo, O mwami, na gu veye munwa gwa uyu U Veye Igulu Ku Vyosi, gu duki ku munene wange, mwami:

Danyeli 4:26

Kandi kuli va haana munwa kuleka kitinya kyemiri kyomusala; ubwami bubwo bu lirana ku ive ligali, inyima weliduka lilyo kumanya magulu gameha ligali.

Danyeli 4:30

Mwami ya moloma na a vola, Yili si li veye Babuloni linene, lya nyombaki netsingulu tsyange kuva inyumba yobwami, kandi kuva lyelidzominywa lyobunene bwobukumi bwange?

Danyeli 4:32

u la kungwa mu avandu; na limenya lilyo li la va halala netsinyama tsyomwigendanyama; ive u la kolwa kulia bunyasi kuli tsing'ombe; na tsinyinga tsitano na tsiviri tsi la vita ku ive; kuduka ive u la manya U Veye Igulu Ku Vyosi yamehanga mu bwami bwa avandu, na a hedzanga wa yenyanga ku vosi.

Danyeli 4:34

Na inyima wamadiku yago, inze, Nebukadinezaru, nda ginga tsimoni tsyange ni mbenza migulu, na limanya lyange lirana ku inze, na nda gasidza U Veye Igulu Ku Vyosi, kandi nda kuminya nokwidzominya uyu u hindiranga mihiga nemihiga kigira ubunene bwibwe bu veye bwe mihiga nemihiga, na ubwami bwibwe bu veye bwamakula na makula;

Danyeli 5:20

Navutswainyingamwoyo gwigwe gwigingira, na roho gwigwe gwa gwa mudinyu kuduka ya kola ubwigingiri, ya twulidzwa ku intebe yeye yobwami, na va nyaga ubukumi bwibwe:

Danyeli 5:28

FERES; ubwami bubwo bu gavuleywi nokuhebwa Avamedi na Avapersia.

Danyeli 6:27

a honyanga nokusola, na a kola vilolekidzu, nevyokugenya mu ligulu nomu lirova, wa honnya Danyeli mu tsingulu tsyeving'ang'a.

Matayo 3:17

kandi henza, munwa gwa twula mwigulu ni gu vola, Uyu no Mwana wange, muyanzi wange wa nyanza.

Luka 12:20

Navutswa Nyasaye ya mu volera, Ive wobusiru, ubudiku yibu nu bwoku twulidza liva mwoyo lilyo; kandi vindu vya wa lomba vi la va vya bwaha?

Yohana 12:28

Dada, kuminya lieta lilyo. Kunangwa mwoyo gwa twula migulu, gu vola, Nda mala kulikuminya, na nda li kuminya kandi.

1 Vatesalonike 5:3

Lwa va volanga, Gyi veye mirembe kandi lyelemeridza, hene yaho ubwoneku bu la va nyola bwangu, kuli lilumwa lyelivula li dukiranga u veyenda, navo ligali si va la hona mba.

Likunula 16:7

Kandi nda hulira bwali bu vola, Yee, O Mwami Nyasaye, Wanyala Vyosi, li veye lyeligali nelilungi likalaga lilyo.

1 Samweli 13:14

Navutswa kalunu ubwami bubwo si bu la menya mba: Yahova yenyanga mundu wolugano lwamwoyo gwigwe mwene, na Yahova u lagi uyu a ve munene ku avandu veve, kigira ive wa vula kugumira kya Yahova ya ku laga.

1 Samweli 15:23

Kigira ubutingu bu veye kuli ubwoni bwobulogi, nobudinyu bwomwoyo bu veye kuli kusigamira misambwa nevifwananyi. Kigira ive wa sula likuva lya Yahova, naye u suye ive u vule kuva mwami.