3 Vilolekidzu vivye vi veye vinene ndi kandi ageligenya gege ga veye netsingulu ndi ubwami bwibwe bu veye bwemihiga nemihiga, kandi ubunene bwibwe bu lolekanga ku makula namakula.
Yahova, ive u veye Nyasaye wange; nda ku kuminya, ndidzominya lieta lilyo; kigira wa kola vindu vyokugenya, vi veye makuva gogo ga kale, mu busuuvirifu nomu geligali.
Na ku limeda lyelyameha lilye, nemirembe si vi la va nekiheri mba, ku intebe yobwami ya Daudi, nomu bwami bwibwe, kubudinyeridza, nokubudira nelikalaga nobulungi kutwula kalunu kuduka mihiga nemihiga. Ubugulu bwa Yahova wa mahe bu li kola yaga.
Navutswa Yahova a veye Nyasaye weligali; Nyasaye u veye mwoyo, Mwami wemihiga nemihiga: lirova li degera ku ubutima bwibwe, avetsihiri si va nyala kusingira imbiri wobutima bwibwe.
Hene yaho mwami ya haana munwa kulanga avakumu, na avasegetiri, na avagongoyi, na Vakalidei, va volere mwami amaloto gege. Kunangwa vadza ni va singira imbiri womwami.
Kandi mu madiku ga avami yavo Nyasaye womigulu a la singeridza ubwami bu li vula kudiva mihiga nemihiga, na ubwami bwabwo si bu li lekwa kuva bwehiri yindi; navutswa bu la donyannya nokuheridza ubwami yibwo bwosi, na bwene bu la singira mihiga nemihiga.
Likalaga yili li veye lyomunwa gwavalindi, na likuva li veye lyomunwa gwavataka tifu, ava veyemwoyo va duke ku manya uyu U Veye Igulu Ku Vyosi yamehanga mu bwami bwavandu, kandi a hedzanga uyu wa a yanza kandi a vika kubwo uyu u veye mu kekeke ku vosi.
Na ya hebwa ubwamehi, nobukumi, nobwami, avandu vosi, netsihiri, netsinimi va mu tumekire: ubwamehi bwibwe bu veye ubwamehi bwemihiga nemihiga, bu li vula kuvita, kandi ubwami bwibwe bu veye ubuarni bu li vula kudividzwa.
Na ubwami, na ubwamehi, na ubunene bwobwami isi weligulu lyosi, bu la hebwa avandu vavatakatifu va U Veye Igulu Ku Vyosi: ubwami bwi bwe bu veye ubwami bwemihiga ne mihiga, na ubwamehi bwosi bu la mu tumekira nokumuhulira.
Kalunu ku Mwami u ta hera mba, kandi u toneka, kandi u ta lolekanga, u veye Nyasaye mulala yeng'ine, lidzominywa nobukumi bu ve kuve mihiga nemihiga Amini.
Mundu na a va na a vola, a role kuli livola lya Nyasaye; mundu na a va na a tumeka a fumeke kuli mu tsingulu tsya Nyasaye a mu leteye: kuduka mu vindu vyosi Nyasaye yidzominyirwe ku Yesu Kristo, wobukumi bu veye bwibwe halala netsingulu mihiga nemihiga. Amini.
Ingelosi wa katano na kaviri ya kupa; gya twula myoyo minene migulu, ni gyi vola, Ubwami bwelirova bu gwiye bwo Mwami wetu, nobwa Kristo wewe: naye a lameha mihiga nemihiga.