Danyeli 4:22 - KITABU KITAKATIFU

²² a veye ive O mwami, u viruki nokunyola tsingulu; kigira ubunene bubwo bu nenehi, na bu duki migulu, na ubwami bubwo bu duki ku kiheri kyelirova.

Danyeli 4:22 ပူးပေါင်းရင်းမြစ်များ

Litanga 11:4

Kandi va volerana avene na avene, Gendi, kweyombakire avene lidala, na munara, gwobutambi bwagwo bu duka ku ligulu, nokwelombera lieta; gase ku la salanywa ku lirova lyosi.

Litanga 28:12

Na ya lota maloto, na henza, ingasi i singeridzeywi ku lirova na isonga yayo i duka migulu: na henza, tsingelosi wa Nyasaye va ninanga nokwikira kuyo.

2 Samweli 12:7

Na Nathan ya volera Daudi Ive niye mundu zana. Yahova Nyasaye wa Israeli a ku volera ndi, Inze nda ku vaka maguta u ve umwami ku Israeli, na nda ku honnya ku mukono gwa Saulo:

2 Kyetsinyinga 28:9

Navutswa muprofeti wa Yahova ya li yo, lieta lilye lya langwa Odedi: naye ya twula kutsia kwagana nelihe lidzanga Samaria, na ya va volera, Henza, kigira Yahova, Nyasaye wavaguga venyu, ya vihirirwa Yuda, ya va vika mmukono gwenyu, na mwinye mu mali kuviita nobutima bwa duka migulu.

Zaburi 108:4

Kigira tsimbabasi tsitsyo tsi veye tsinene kuvita ligulu; Na ageligali gogo ga duka ku malesi.

Zaburi 36:5

Tsimbabasi tsitsyo, O Yahova, tsi veye migulu; Na ubusuuvirifu bubwo bu duka ku malesi.

Jeremia 27:5

Inze nda lomba lirova, navandu netsinyama tsi veye mmoni mwelirova, netsingulu tsyange tsinene nomukono gwange gwa nyirwa; na nda ha yavo ava nda lola bulahi kuvaha.

Ezekieli 17:3

u vole, Mwami Nyasaye a vola ndi: Indidzu inene yetsimbaha tsinene na mabaha amatambi mu tsimbaha, yizula ama baha, agerangi lugano lugano, ya duka Lebanon, nokuvugula isonga yomutaragwa:

Danyeli 2:21

Na a girunkannyanga tsinyinga ne imihiga; a twulidzanga avami, nokuvika avami; a hedzanga avageeri ubugeeri, na limanya kuvo ava veye nelihulira;

Danyeli 4:11

Musala zana gwa viruka ni gu va netsingulu na ubutambi bwagwo bwa duka mi gulu, na liloleka lyagwo lya duka ku kiheri kyelirova.

Danyeli 4:21

gwa amatu gagwo ga li malahi, na makuyu gagwo namanyingi, na kugwo vya li vyokulia vya vyosi; isi wagwo tsinyama tsyomwigendanyama tsya menya mu, na ku tsisya tsyagwo manyonyi gegulu ga li nelimenya lyago:

Danyeli 4:29

Inyima wemyeli likumi na gyiviri ya li na a gendanga mu inyumba yobwami bwa Babuloni.

Danyeli 4:36

Kandi inyinga zana yeyo limanya lyange lirana ku inze; na kigira ubukumi bwobwami bwange, ubunene bwange nobung'ereng'anu bwirana ku inze; na avakulundu vange navanene vange va nyenya; ninze nda singeri dzwa mu bwami bwange, na nda me dwa ubulahi bunene.

Matayo 14:4

Kigira Yohana ya mbolera, Ni mugyiru ive kuva naye.

Likunula 18:5

kigira ubwoni bwalyo bu vungi kuduka migulu, kandi Nyasaye yidzuliye ubudamano bwalyo.