Danyeli 4:21 - KITABU KITAKATIFU

²¹ gwa amatu gagwo ga li malahi, na makuyu gagwo namanyingi, na kugwo vya li vyokulia vya vyosi; isi wagwo tsinyama tsyomwigendanyama tsya menya mu, na ku tsisya tsyagwo manyonyi gegulu ga li nelimenya lyago:

Danyeli 4:21 ပူးပေါင်းရင်းမြစ်များ

Zaburi 104:17

Ha manyonyi gombaka tsinyumba tsyago; Na ku ligungu, inyumba yalyo i veye mu musala gu langwa mutaragwa.

Ezekieli 17:23

ku kigulu kya hadiguluku ha Israeli niho ha nda lu simika: na lu la sebuka tsisya nokwama makuyu, nalwo lu la gwa mutaragwa mulahi: namanyonyi gosi agetsimbaha tsing'ano tsyosi, ga la menya isi wagwo; nago ga la menya mu kiriri kyetsisya tsyagwo.

Ezekieli 31:6

Amanyonyi gosi agombwe refu gombaka vyaliira vyago mu tsisaga tsyagwo; kandi isi wetsisya tsyagwo tsinyama tsyosi tsyomige ndanyama tsivulira mu avana vatsyo; netsihiri tsyosi tsinene tsya menya isi wekiriri kyagwo.

Danyeli 2:38

kandi hosi ha avana va vandu va menyanga, na tsinyama tsyomwigendanyama, na manyonyi gombwerefu, u viki mmkono gugwo, kandi u kwamehidzi ku vyosi: ive u veye mutwe gwethahabu.

Danyeli 4:11

Musala zana gwa viruka ni gu va netsingulu na ubutambi bwagwo bwa duka mi gulu, na liloleka lyagwo lya duka ku kiheri kyelirova.

Danyeli 4:20

Musala gwa wa lola, nogwa viruka, nogwa li netsingulu, gwo butambi bwagwo bwa duka migulu, na lilolekidza lyagwo lya duka ku lirova lyosi;

Danyeli 4:22

a veye ive O mwami, u viruki nokunyola tsingulu; kigira ubunene bubwo bu nenehi, na bu duki migulu, na ubwami bubwo bu duki ku kiheri kyelirova.

Luka 13:19

Bu fwanana nolugutsa lwelisatsi lwomundu ya vugula na a taga mu mulimi gwigwe; lwa viruka ni lu gwa musala; kandi amanyonyi gegulu ga menya ku tsisya tsyago.