Danyeli 4:1 - KITABU KITAKATIFU

¹ Nebukadinezaru mwami, ng'odera avandu vetsihiri tsyosi na avetsimpya tsyosi, na avetsinimi tsyosi, ava menya mu lirova lyosi: Mirembe gyi medeke ku mwinye.

Danyeli 4:1 ပူးပေါင်းရင်းမြစ်များ

1 Kyetsinyinga 12:18

Ma Roho ya duka ku Amasai, wa li munene wa yavo makumi gavaka, na a vola, Ku veye avovo, ive Daudi, ku veye ku luvega lulwo, ive mwana wa Jesse: mirembe, mirembe, ku ive, nemirembe gyi ve ku va konyanga ive; kigira Nyasaye wowo a konyanga ive. Hene yaho Daudi ya va bugirira, na a va kola avanyampara vekiduma.

Ezara 4:17

Hene yaho mwami ya leta liti vula ku vanga Rehum munene, na Shimshai mung'odi, noku vakye vavo avamenyanga mu Samaria, nomu kivala kindi engereka wo Mugera: Mirembe.

Ezara 5:7

va mu hilire ibaruwa, nayo ya ng'odwa ama kuva yaga muyo: Ioaruwa yiyi i duke ku mwami Dario, mirembe midukiru.

Esther 3:12

Kunangwa avang'odi vomwami va langwa ku mweli gwokutanga lidiku lyelikumi na gavaka lyomweli, na gosi ga ng'odwa kuli Haman ya laga avanyampara na avagovona avameha mu tsiprovinse se indala, navanene vosi va avandu ku tsiprovinse tsyosi se indala kuii ling'oda lyayo, noku avandu vosi kuli ululimi lwavo; ga ng'odwa mu lieta lya mwami Ahasueru, na ga vikwa ku na muhuri gwemingiri yomwami.

Esther 8:9

Kunangwa avang'odi vomwami va langwa inyinga zana, mweli gwegyivaka, gu langwa mweli gwa Sivan, ku lidiku lya makumi gaviri na gavaka; na ga ng'odwa ku Vayuda kuli gosi aga Mordekai ya laga, noku vanyampara, noku vagovona, noku vanene vetsiprovinse bi veye ho kutwula India kuduka Ethiopia, tsiprovinse mia na makumi gaviri na tsitano na tsiviri, ku tsiprovinse sa indala ya ng'oderwa kuli ling'oda lyayo, noku avandu vosi va ng'oderwa kuli ululimi lwavo, noku Vayuda va ng'oderwa kuli ling'oda lyavo, na kuli ululimi lwavo.

Danyeli 3:29

Kigira yaga inze mbaana munwa, ku tsihiri tsyosi, ku tsimpya tsyosi, ku tsinimi tsyosi, ava vola kindu kidamano ku Nyasaye wa Shadaraka, Meshaka, na Abedinego, va la kalagwa vidonye, na tsinyumba tsyavo tsi la kolwa isina; kigira si ha veye na munyasaye wundi u nyala kuhonnya kuli ndi.

Danyeli 3:4

Kunangwa mugambi ya hanzuka na a gamba, Mu lageywi, mwinye avandu vetsihiri, navetsimpya tsyosi, navetsinimi tsyosi,

Danyeli 6:25

Kunangwa mwami Dario ya ng'odera avandu vosi, avetsihiri tsyosi, na avetsinimi tsyosi, ava menya mu lirova lyosi: Mirembe gyi medeke ku mwinye.

Danyeli 6:27

a honyanga nokusola, na a kola vilolekidzu, nevyokugenya mu ligulu nomu lirova, wa honnya Danyeli mu tsingulu tsyeving'ang'a.

Danyeli 7:14

Na ya hebwa ubwamehi, nobukumi, nobwami, avandu vosi, netsihiri, netsinimi va mu tumekire: ubwamehi bwibwe bu veye ubwamehi bwemihiga nemihiga, bu li vula kuvita, kandi ubwami bwibwe bu veye ubuarni bu li vula kudividzwa.

Zekaria 8:23

Yahova wa mahe a vola: Mu madiku yago ga la duka, avandu likumi va la gumira, mu vandu vetsinimi tsyosi tsyetsihiri, va la gumira ingubo ya uyu u veye Muyuda nokuvola, Ku la genda halala nive, kigira ku huliye kuli Nyasaye a veye halala na mwinye.

Vikolwa 2:6

Ku, mwoyo yigwo lwa gwa hulirwa, kiduma kya vugana, ni va gumirwa nelihuga, kigira mundu sa mulala ya hulira ni va vola ululimi lwilwe.

Varumi 1:7

Ibaruwa yange yiyi i dukire vosi ava veye mu lidala lya Romi, avayanze va Nyasaye, ava langwa va ve avatakatifu. Tsimbabasi tsi ve ku mwinye, nemirembe gyi twulanga ku Dada wetu kandi ku Mwami Yesu Kristo.

Vafeso 1:2

Tsimbabasi tsi ve ku mwinye nemirembe gyi twulanga ku Nyasaye Dada wetu, noku Mwami Yesu Kristo.

1 Timoteo 1:2

ibaruwa yange yiyi i duke ku Timoteo, mwana wange weligali mu lisuuvira: Tsimbabasi neliverererwa, nemirembe gyi twulanga ku Nyasaye Dada noku Kristo Yesu Mwami wetu.

1 Petro 1:2

kuli litanga kumanya lya Nyasaye Dada, mu litakasa lya Roho, ku lihulira noku Iyuhirwa masahi ga Yesu Kristo: Tsimbabasi tsi ve ku mwinye, nemirembe gyi medeke.