Danyeli 3:3 - KITABU KITAKATIFU

³ Kunangwa avanene na avanyampara, na avagovona, na avakalagi, na avalindi vetsishilingi, na avakulundu, na avanene va mahe na avamehi vosi vetsiprovinse, va vungidzwa ku litanga lyelisigamirwa lyekifwananyi kya Nebukadinezaru ya singeridza; navo va singira imbiri wekifwananyi kyomwami Nebukadinezaru ya singeridza.

Danyeli 3:3 ပူးပေါင်းရင်းမြစ်များ

Danyeli 3:2

Ma inyinga yeyo Nebukadinezaru mwami ya tanga kuvungidza avanene, navanyampara, na vagovona na avakalagi, na avalindi vetsishilingi, na avakulundu, na avanene va mahe, na avamehi vosi vetsiprovinse, va duke mu litanga lyelisigamirwa lyekifwananyi kyomwami Nebukadinezaru ya singeridza.

Danyeli 3:27

Na avanene, navanyampara, na vagovona, na avakulundu vomwami, ava li ni va vugani halala va lola ava ndu yava, kuva avo muiiru si gwa li netsingulu ku mibiri gyavo, na lisu lyavo lyoku mitwe lya vula kululwa, na tsisuruhali tsyavo si tsya galula, na lifunya lyomuliru si lya funya kuvo.

Danyeli 3:4

Kunangwa mugambi ya hanzuka na a gamba, Mu lageywi, mwinye avandu vetsihiri, navetsimpya tsyosi, navetsinimi tsyosi,

Varumi 3:11

Si ha veye nomanyi mba, Si ha veye nowenya Nyasaye;

Likunula 17:13

Yava va veye nomwoyo mulala, kandi va ha inyama linyala lyavo netsingulu tsyavo.

Likunula 17:17

Kigira Nyasaye ya vika mu myoyo gyavo kukola ubu laliri bwibwe, nokukola imbulirani avene navene nokuha uyu inyama ubwami bwavo, kuduka amakuva ga Nyasaye ga dukidzwe.