Danyeli 3:28 - KITABU KITAKATIFU

²⁸ Nebukadinezaru ya gamba na a vola, Nyasaye wa Shadaraka, Meshaka, na Abedinego, yidzominywe, u tumi ingelosi wewe, no kuhonnya avatumekiri veve ava mu suuvira, nokugirunkannya likuva lyomwami, nokuhaana mibiri gyavo, va vule kutumekiri nokusigamira munyasaye wundi, u ta li Nyasaye wavo.

Danyeli 3:28 ပူးပေါင်းရင်းမြစ်များ

Litanga 9:26

Kandi ya vola, Yahova Nyasaye wa Shem, a gasidzwe; Na Kanani a ve mutugwa wewe.

1 Kyetsinyinga 5:20

Na va konnywa kulwana navo, na Vahagari va vikwa mmakono gavo, halala navosi ava li halala navo; kigira vanira Nyasaye ni va veye mbulwani, naye ya bugirira lisaala lyavo; kigira va vika lisuuvira lyavo muye.

2 Kyetsinyinga 20:20

Na va vuka mabwebwe, ni va twula kutsia mu kyangalangwi kya Tekoa: na lwa va twula, Jehoshafatu ya singira, na a va volera, Mu mbulire, Yuda na vamenyi Yerusalemi: mu suuvire Yahova Nyasaye wenyu, na ndiyo mu la dinyeridzwa; mu suuvire vaprofeti veve, na ndiyo mu la gasidzwa.

2 Kyetsinyinga 32:21

Na Yahova ya tuma ingelosi, na a twulidza avaluvi riri vosi, na viminri na vanyampara mu hokusosa ho mwami wa Asuria. Ma yirana mkivala kikye netsisoni mmoni. Na lwa ya duka mu inyu mba yomunyasaye wewe, yavo ava twula mmunda mwimwe va mwiitira yo nekivavi.

Ezara 1:3

U veye ku mwinye mu avandu veve vosi, Nyasaye wewe a ve naye, yanegire Yerusalemi, li veye mu Yuda, na yombake inyumba ya Yahova, Nya saye wa Israeli (uyu niye Nyasaye), veye ha Yerusalemi.

Ezara 6:11

Kandi mbaananga lilaga, mundu ku vosi u li girunkannya likuva yili, mwaliru gu twulidzwe mu inyumba yeye, na mwene a sungwe ku, nenyumba yeye i kolwe isina kigira likuva yili:

Zaburi 103:20

Mu gasidze Yahova, mwinye tsingelosi veve Ava veye netsingulu ligali, ava kolanga makuva gege, Na va huliranga mwoyo gwelivola lilye.

Zaburi 147:11

Yahova a yanzidzwa mu yavo ava mu tidzanga, Mu yavo ava suuvira tsimbabasi tsitsye.

Zaburi 33:18

Henza, imoni ya Yahova i veye ku yavo ava mu tidzanga, I veye ku yavo ava suuviranga tsimbabasi tsitsye

Zaburi 33:21

Kigira mwoyo gwetu gu la sangala muye, Kigira ku suuviye lieta lilye litakatifu.

Zaburi 34:22

Yahova a tungiranga myoyo gyavatumekiri veve; Na kali mulala kuvo avivisanga muye si a la kalagirwa mba.

Zaburi 62:8

Mwinye avandu mu mu suuvire tsinyinga tsyosi; Mu tsuke mwoyo gwenyu imbiri wewe: Nyasaye a veye hokwivisa mu hetu. [Selaha

Kutwula 20:5

u ta vi sigamira mba, u ta vi tumekira mba; kigira inze Yahova Nyasaye wowo mbeye Nyasaye wokukendeka, u vikanga ubudamano bwavadada ku avana, kuduka ku likula lyakavaka kinga lya kane ku yavo ava dunyira inze,

Isaya 12:2

Henza, Nyasaye a veye lihonywa lyange; nda suuvira, si nda tia mba: kigira Mwami, Yahova a veye tsingulu tsyange nolwimbu lwange; naye u gwiye lihonywa lyange.

Isaya 37:36

Ma ingelosi wa Yahova ya twula, ni yiita avandu tsielfu mia na makumi gatano na gavaka na tsielfu tsitano mu hokusosa ha Asuria; navandu lwa va vuka mugamba, henza, vosi va li avakudzu avere.

Isaya 50:10

Ni bwaha hagati henyu u tidzanga Yahova, na u huliranga mwoyo gwomutumekiri wewe? Uyu a gendanga mkisundi, na si a veye nobulavu, a suuvire ku lieta lya Yahova nokwidira ku Nyasaye wewe.

Danyeli 2:47

Na mwami ya tivula na a volera Danyeli, na a mu volera, Ligali, Nyasaye wowo a veye Nyasaye wa vanyasaye, na umwami wa avami, na muvuuli wevindu vya viswa, kigira wa nyala kumbuulira liviswa yili.

Danyeli 3:25

Ya tivula na a vola, Henza, ndola avandu vane avaboholole, va vodonkana hagati ho muliru, muliru si gu va diye mba; na ligondo lya uyu wa kane li fwanana nelyomwana wa vanyasaye.

Danyeli 4:34

Na inyima wamadiku yago, inze, Nebukadinezaru, nda ginga tsimoni tsyange ni mbenza migulu, na limanya lyange lirana ku inze, na nda gasidza U Veye Igulu Ku Vyosi, kandi nda kuminya nokwidzominya uyu u hindiranga mihiga nemihiga kigira ubunene bwibwe bu veye bwe mihiga nemihiga, na ubwami bwibwe bu veye bwamakula na makula;

Danyeli 6:16

Ma mwami ya haana munwa, ni va leta Danyeli, ni va mu ta mu luhangaywa lweving'ang'a, Ma rnwami ya moloma na volera Danyeli, Nyasaye wowo wa u tumekiranga kazozo, a la ku honnya.

Danyeli 6:26

Inze mbaana munwa, mu bwami bwange bwosi, avandu va degere nokutia imbiri wa Nyasaye wa Danyeli; kigira a veye Nyasaye u veye mwoyo, na a hindi ranga mihiga nemihiga, na ubwami bwibwe nibwo bu li vula kudividzwa; na ubwami bu la menya kuduka ku kiheri:

Matayo 4:10

Ma Yesu ya mbolera Twula hano, Setani: kigira ga ng'odeywi, U la sigamira Mwami Nyasaye wowo, kandi u la tumekira uyu weng'ine.

Vikolwa 4:19

Na vutswa Petro na Yohana va tivula ni va va volera, Ni bu va ubulungi imbiri wa Nyasaye kuhulira mwinye kusira Nyasaye, mu manyiridze:

Vikolwa 5:19

navutswa ingelosi wo Mwami yigula kiliango kyenyumba yava hambe ubudiku, na a va twulidza, na a vola,

Varumi 12:1

Kunangwa mmu goonya ligali avamitu, kigira tsimbabasi tsya Nyasaye, mu haane mibiri gyenyt gyi ve isadaka i veye mwoyo, kand intakatifu, kandi i yanzidza Nyasaye yibu nibwo ubutumiki bwenyu bwo bugeeri.

1 Vakorintho 13:3

Kandi ni mba ni mbaana vindu vyange vyosi kukonya avadaka, kandi ni mba ni mbaana mubiri gwange gu sa mbwe, navutswa ni nta va nobuyanzi, si vi nkonya kali hakuzu.

Vafilipi 1:20

kuli lihenzerera lyange lyobugulu nelisuuvira lyange mu vyosi si nda legannywa, navutswa ku buluviriri bwosi, kuli madiku gosi kandi ndiyo kalunu, Kristo a la kuminywa mu mubiri gwange, ni ga va ku livamwoyo, kinga ku likudza.

Vahebraina 1:14

Yavo vosi si va veye roho gyobutumwa, gyi tumangwa gyi duke kutumekira yava ava li lia miyandu gyobuhonnyi?

Vahebraina 11:37

va laswa magina, va kalwa nomusameno, va geridzwa, viitwa nekivavi: va vodonkana viviki tsingubo tsyamagondi netsyetsimbuli: va li avadaka, va li mu kivi, va kolwa ubudamano

1 Petro 1:21

ava mu vereye kuye, avasuuviri Nyasaye, wa mu simugukidza kutwula mu vakudzu, nokumuha ubukumi; lisuuvira lyenyu nelihenzerera vi duke kuva ku Nyasaye.

Likunula 12:11

Navo va mu guutira masahi go Mwana Weligondi, kandi kigira likuva lyelilolekidza lyavo; kandi si va yanza livamwoyo lyavo kuduka kali likudza.