Danyeli 3:26 - KITABU KITAKATIFU

²⁶ Hene yaho Nebukadinezaru yesunda ha kiliango kyekisambiru kyaakanga muliru ligali: na a gamba, na a vola, Shadaraka, Meshaka, na Abedinego, mwinye avatumekiri va Nyasaye U Veye Igulu Ligali, mu twule, mudze yino. Ma Shadaraka, Meshaka, na Abedinego va twula hagati ho muliru.

Danyeli 3:26 ပူးပေါင်းရင်းမြစ်များ

Litanga 14:18

Na Melikizedeki mwami wa Salemi ya leta ubukima na iwaini: naye ya li musalisi wa Nyasaye U Veye Igulu ku Vyosi.

1 Avami 8:51

(kigira va veye avandu vovo, nemiyandu gyigyo, kya wa leta kutwula mu kivala kya Egepeti, kutwula hagati hekisambiru kyekivya);

Ezara 5:11

Na va ku tivulira, ni va vola, Kwinye kwa li avatume kiri va Nyasaye womigulu nowelirova, na kwombakanga inyumba yomba kwa mihiga miyingi gya vita, yo mwami munene wa Israeli yombaka na ya mala.

Zaburi 66:12

Wa gendidza ava nina ku tsiparasi, igulu ku mitwe gyetu; Kwa vita mu muliru na mu amadzi; Navutswa ive wa ku twulidza mu nokukuvika hobuhindahalu.

Isaya 28:16

kunangwa kigira yaga Yahova Nyasaye a vola, Henza, mbikanga ligina mu Zioni li duke kuva muse, li veye ligina lya geridzwa, li ve ligina lyolwiga lwomuse, lyobuguli budinyu: na uyu u suuvira a ta kola bwangu.

Isaya 52:12

Kigira si mu la tsia kyova bwangu bwangu, kandi si mu la genda neliruka: kigira Yahova a limira imbiri wenyu; na Nyasaye wa Israeli a la va wokumulonda inyima.

Jeremia 11:4

lya nda laga avaguga venyu ku lidiku lya nda va leta kutwula mu kivala kya Egepeti, kutwula mu kisambiru kyekivya, nokuvavolera, Mu hulire mwoyo gwange, mu kole, kuleng'ana na yaga gosi aga mmu laganga: na ndiyo mu la va avandu vange, na inze nda va Nyasaye wenyu;

Danyeli 2:47

Na mwami ya tivula na a volera Danyeli, na a mu volera, Ligali, Nyasaye wowo a veye Nyasaye wa vanyasaye, na umwami wa avami, na muvuuli wevindu vya viswa, kigira wa nyala kumbuulira liviswa yili.

Danyeli 3:17

Ni ga va ni ga veye ndiyo, Nyasaye wetu wa ku tumekira a nyala kukuhonnya mu kisambiru kyaakanga muliru ligali; naye a la ku honnya mu mukona gugwo, O mwami.

Danyeli 4:2

Inze ndoli nu bulahi kumannya vilolekidzu, na ageligenya aga Nyasaye U Veye Igulu Ku Vyosi a koli ku inze.

Danyeli 6:20

Na lwa yisunda himbi ha luhangaywa lwa Danyeli ya li mu, ya hanzuka nomwoyo gwobuvereri; mwami ya moloma na a volera Danyeli, O Danyeli, mutumekiri wa Nyasaye u veye mwoyo, Nyasaye wowo, wa u tumekira kazozo, a nyala kukuhonnya u twule mu ving'ang'a?

Danyeli 6:21

Ma Danyeli ya volera mwami, O mwami, u hindire mihiga gyosi?

Danyeli 7:25

Naye a la vola makuva manene gokuhing'ana na uyu U Veye Igulu Ku Vyosi, kandi a la luhidza ligali avatakatifu va U Veye Igulu Ku Vyosi, nn a la ganagana kugiru nkannya tsinyinga nelilaga; na vi la vikwa mu mukono gwigwe kuduka inyinga na tsinyinga na kidonye kye nyinga.

Vikolwa 16:17

Naye ya londa Paulo na kwinye, na a hanzuka na a vola, Avandu yava navatumwa va Nyasaye U Veye Igulu Ligali, ava mwilwadzira inzira yobuhonnyi.

Vikolwa 16:37

Navutswa Paulo ya va volera, Va mali kukukuya imbiri wavandu, ku kikiri kukalagirwa, kwinye Avaromi, kandi va ku viki mu inyumba yavahambe kandi kalunu va ku kunga makiriri? Auwa, ligali; navutswa vadze avene va ku twulidze.

Vikolwa 27:23

Kigira ubudiku yibu lero ya li ninze a himbi ingelosi wa Nyasaye, wa inze mbeye mundu wewe kandi wa ntumekira,

Vagalatia 1:10

Navutswa kalunu nyenya avandu va mbugirire, naho Nyasaye? Naho nyenya kuyanzidza avamlu? Kalunu ni mba ni nyanzidza avandu, si mbeye mutumwa wa Kristo.

Kwidzulitsa 4:20

Navutswa Yahova va vugula mwinye, na a mu twilidza mu mahinga gekivya, kutwula Egepeti, mu ve kuye avandu vemiyandu gyigye, kuli mu veye lero.

Joshua 3:17

Na avasalisi va ginga lisanduku lyelilagana lya Yahova va singira budinyu ku marova amumu hagati ha Yordani; na Israeli vosi vambuka ku marova amumu, kuduka ihiri yosi ya mala kwambuka Yordani.

Joshua 4:10

Kigira vasalisi va ginga lisanduku va singira hagati ha Yordani, kuduka lwevindu v yosi vya Yahova ya laga Joshua a volere avandu vya dukidzwa, kuli gosi ga Musa ya laga Joshua: na avandu va kola bwangu ni vambuka.

Likunula 19:5

Kandi mwoyo gwa twula ku intebe, ni gu vola, Mwidzominye Nyasaye wetu, mwinye avatugwa veve vosi, na mwinye ava mu tidzanga, avakekeke navanene.