Danyeli 3:15 - KITABU KITAKATIFU

¹⁵ Kalunu ni mu va ni mwetegeki inyinga mu hulira mwoyo gwekisiliva, nogwelilere, nogweiidienyi, nogwekinang'oli, nogwobukana, nogwekidulere, nogwetsing'ano tsyosi tsyevikupangwa, mu gwe hasi nokusigamira kifwananyi kya nombi, nu bulahi: navutswa ni mu vula kukisigamira, mu la tebwa isaa zana yeyo, mu kisambiru kyaakanga muliru ligali; na munyasaye zana u nyala kumutwulidza mu makono gange, ni bwaha?

Danyeli 3:15 ပူးပေါင်းရင်းမြစ်များ

2 Avami 18:35

Ni vanyasaye ki mu vanyasaye vosi avevivala, ava honnyi kivala kikye ku mukono gwange, kuduka Yahova a honnye Yerusalemi ku mukono gwange?

Kutwula 32:32

Navutswa kalunu nu u va nu u nyala kusameha ubwoni bwavo naho ni ga ta li ndiyo, nku saala, mwadza weye inze kutwula mu kitabu kikyo kya u ng'odi.

Kutwula 5:2

Na Farao ya vola, Yahova ni bwaha, inze nduke kuhulira mwoyo gwigwe, nokuha Israeli munwa kutsia? Inze si mmanya Yahova, na kandi si nda a ha Israeli munwa kutsia.

Isaya 37:23

Ni bwaha wa ive wa lega nokunyega? Kandi wa ginga mwoyo gugwo ku bwaha, nokuginga tsimoni tsitsyo ku bwaha? Kali ku Uyu Mutakatifu wa Israeli.

Danyeli 2:47

Na mwami ya tivula na a volera Danyeli, na a mu volera, Ligali, Nyasaye wowo a veye Nyasaye wa vanyasaye, na umwami wa avami, na muvuuli wevindu vya viswa, kigira wa nyala kumbuulira liviswa yili.

Danyeli 2:9

Navutswa ni mu va ni mu vula kummannva liloto, gu veye ho munwa mulala ku mwinye; kigira rnu lombi amakuva gobubehi na gobudamano kuvola imbiri wange, kuduka inyinga i luhe i girunkane: kunangwa mu mbolere liloto, na inze nda manya mu nyala kummannya livuula lyalyo.

Danyeli 3:17

Ni ga va ni ga veye ndiyo, Nyasaye wetu wa ku tumekira a nyala kukuhonnya mu kisambiru kyaakanga muliru ligali; naye a la ku honnya mu mukona gugwo, O mwami.

Danyeli 6:16

Ma mwami ya haana munwa, ni va leta Danyeli, ni va mu ta mu luhangaywa lweving'ang'a, Ma rnwami ya moloma na volera Danyeli, Nyasaye wowo wa u tumekiranga kazozo, a la ku honnya.

Danyeli 6:20

Na lwa yisunda himbi ha luhangaywa lwa Danyeli ya li mu, ya hanzuka nomwoyo gwobuvereri; mwami ya moloma na a volera Danyeli, O Danyeli, mutumekiri wa Nyasaye u veye mwoyo, Nyasaye wowo, wa u tumekira kazozo, a nyala kukuhonnya u twule mu ving'ang'a?

Matayo 10:19

Navutswa lwa va li mu gumira, mu ta henda myoyo mba aga mu li tivula kinga aga mu li vola: kigira ku isaa yeyo mu la ka hebwe aga mu li vola.

Matayo 27:43

Ya suuvira Nyasaye; a mu honnye, kalunu na a va na a mu yanza: kigira ya vola, Inze mbeye Mwana wa Nyasaye.

Marko 13:11

Lwa va mu hila mu kyina nokumuzama, mu ta henda myoyo imbiri ku livola lyenyu: navutswa amakuva ga mu li hebwa inyinga yiyi mu vole; kigira si mu li mwinye mu vola, navutswa ni Roho Mtakatifu.

Luka 12:11

Kandi lwa va li mu hila imbiri wavamavugana navanene navetsingulu, mu ta henda mwoyo kuganagana litivula kandi kuli wa mu li tivula kandi aga mu li vola:

Luka 13:9

Ni gwama makuyu kutwula inyinga yeyo, nu bulahi; navutswa ni gu tama, u la gu tema.

Vikolwa 4:19

Na vutswa Petro na Yohana va tivula ni va va volera, Ni bu va ubulungi imbiri wa Nyasaye kuhulira mwinye kusira Nyasaye, mu manyiridze:

Vikolwa 5:29

Navutswa Pe tro navatumwa va tivula ni va vola, Ga kudukira ku hulire Nyasaye kuvita mundu.

Vikolwa 6:15

Navo vosi vikala mu kyina va mwumika, ni va mu lola mmoni mwimwe mu fwanana mmoni mwengelosi.