Danyeli 3:10 - KITABU KITAKATIFU

¹⁰ Ive, O mwami, wa haana munwa, ku vosi mundu u hulira mwoyo gwekisiliva, nogwelilere, nogwelidienyi nogwekinang'oli, nogwobukana, nogwekidulere, nogwetsing'ano tsyosi tsyevikupangwa, ga mu dukira kugwa hasi nokusigamira kifwananyi kyethahabu;

Danyeli 3:10 ပူးပေါင်းရင်းမြစ်များ

1 Kyetsinyinga 15:16

Na Daudi ya volera munene wa Valevi kuvika vamwavo vavo vo kwimba, halala neviju vyavo vyetsi nyimbu, ubukana, nobukana bwemi goye, nevikuli vyokulangirira, na va ginga myoyo gyavo nobusangali.

1 Kyetsinyinga 15:28

Na ndiyo Israeli vosi vanegeridza lisanduku lyelilagana lya Yahova halala nelihanzuka, no mwoyo gwevisiliva, na ling'alala, nevikuli, ni va hanzuka ligali halala nobukana, nobukana bwemigoye.

2 Kyetsinyinga 29:25

Na ya vika Valevi mu inyumba ya Yahova halala nevikuli, nobu kana, nobukana bwemigoye, kuli lilaga lya Daudi, na Gadi muloli womwami, na Nathan muprofeti; kigira lilagana lya twula ku Yahova ku vaprofeti veve.

Zaburi 94:20

Intebe yobwami bwobudamano i nyala kuhambana nive? I longanga kivi kuli inzira yelilaga?

Kutwula 1:16

naye ya va volera, Lwa mwivulidzanga avakali va Vahebraina, nokuvalola mu livula; ni i va a veye mwana muyai, ma mu mwiite; navutswa ni i va a veye mukana, ma a la va mwoyo.

Kutwula 1:22

Na Farao ya laga avandu veve, na a vola, Avana avayai vosi avivulwa mu va te mu mugera, na avana avakana vosi mu la va linda kuva mwoyo.

Kohelethu 3:16

Kandi halala na yaga nda lola isi weliuva, ha likalaga, ubudamano bwa li ho; kandi ha bulungi, ubukyamu bwa li ho.

Isaya 10:1

Ubudamano bu ve ku yavo ava laganga amalago makyamu, na kuvo avang'odi ava ng'odanga makuva makyamu;

Danyeli 3:11

kandi ku vosi u vula kugwa hasi nokusigamira, a tebwe mu kisambiru kyaakanga muliru ligali.

Danyeli 3:15

Kalunu ni mu va ni mwetegeki inyinga mu hulira mwoyo gwekisiliva, nogwelilere, nogweiidienyi, nogwekinang'oli, nogwobukana, nogwekidulere, nogwetsing'ano tsyosi tsyevikupangwa, mu gwe hasi nokusigamira kifwananyi kya nombi, nu bulahi: navutswa ni mu vula kukisigamira, mu la tebwa isaa zana yeyo, mu kisambiru kyaakanga muliru ligali; na munyasaye zana u nyala kumutwulidza mu makono gange, ni bwaha?

Danyeli 6:12

Ma visunda himbi, nokuvola imbiri womwami ku lilaga lyomwami: Ive si u viki lieta ku mang'oda gelilaga, ku vosi mundu u saala kindu ku munyasaye kinga ku mundu mu tsinyinga tsya madiku makumi gavaka, ni ga ta li ku ive, O mwami, a tebwe mu luhangaywa lweving'ang'a? Mwami ya tivula na a vola, Ga veye geligali, kuli lilaga lya Vamedi na Vapersia, gu vula kugirunkana.

Amosi 6:5

na vimba tsinyimbu tsya vutswa, halala nemyo yo gyobukana; na vekongera avene ubukana lugano lugano kuli wa Daudi ya kola;

Yohana 11:57

Avasalisi vanene na Vafarisayo va li ni va laga, mundu na a manya ha a veye, a vuule, va duke kumugumira.