Danyeli 3:1 - KITABU KITAKATIFU

¹ Nebukadinezaru mwami ya lomba kifwananyi kyethahabu, ubutambi bwakyo bwa li mikono amakumi gatano na mulala, nobugalamu bwakyo bwa li gyitano na mulala: na ya ki singeridza mu kereremo kya Dura, mu iprovinse ya Babuloni.

Danyeli 3:1 ပူးပေါင်းရင်းမြစ်များ

1 Avami 12:28

Kunangwa Jeroboam ya kola makuva, na a lomba vimoli viviri vyethahabu; na a va volera, Nobudinyu ku mwinye kutsia Yerusalemi: henzi avanyasaye vovo, O Israeli, va ku leta kwanegira kutwula mu kivala kya Egepeti.

Esther 1:1

Ga duka mmadiku gomwami Ahasueru (uyu ni Ahasueru wa meha kutwula kivala kya India kuduka Ethiopia, ku tsiprovinse mia na makumi gaviri na tsitano na tsiviri),

Zaburi 135:15

Vifwananyi vyetsihiri vi veye ifetha na ithahabu, Miyinzi gyamakono ga avandu.

Kutwula 20:23

Mu ta lomba avanyasaye avandi halala na inze mba; avanyasaye vefetha, kinga avanyasaye vethahabu, mu telombera mba.

Kutwula 32:31

Kunangwa Musa yirana ku Yahova, na a vola, O, avandu yava va koli ubwoni bunene, na velombeye avanyasaye vethahabu.

Isaya 2:20

Mu lidiku yilyo avandu va la sikisira tsimbuku na manyinya, vifwananyi vyavo vyefetha na vyethahabu, vya velombera avene kusigamira;

Isaya 30:22

Na mu lononnya kyakunika ku vifwananyi vivyo vya vadzwa vyefetha, na kyafuma ku vifwananyi vivvo vya longwa vyethahabu: u la vi syuva kuli kindu kidamano; na u la vola, Twula hano.

Isaya 46:6

Ava twulidzanga ithahabu mmuya bugira kugera, nokugera ifetha ku tsiratili, va langanga mutuuli wethahabu, naye a tuula vindu zana nokuvikola munyasaye; va gwa hasi, yee va mu sigamira.

Jeremia 10:9

Ifetha i veye ho ya duywa kuva tsimbabale tsi letwa kutwula Tarshishi, nethahabu i twulanga Ufazu, miyinzi gyomusidza na gyamakono gomutuuli wethahabu tsingubo tsyavyo tsi veye blue nekiforasadi; vyosi vi veye miyinzi gya vasidza.

Jeremia 16:20

Mundu a lelombera avanyasaye mwene, ava ta li avanyasaye?

Danyeli 2:48

Ma mwami ya kola Danyeli kuva munene, na a mu ha madanyi manyingi, nokumwamehidza ku iprovinse ya Babuloni, nokuva munene ku avandu avageeri va Babuloni.

Danyeli 2:49

Na Danyeli ya saava mwami, na ya vika Shadaraka, na Meshaka, na Abedinego, va ve ku makuva ga iprovinse ya Babuloni: navutswa Danyeli mwe ne ya li mu kiribwa kyomwami.

Danyeli 3:14

Nebukadinezaru ya tivula na a va volera, Shadaraka, Meshaka, na Abedinego, Ga veye agelisaavira mwinye mu vule kutumekira munyasaye wange, nokusigamira kifwananyi kyethahabu kya nsingeridzi?

Danyeli 3:30

Ma mwami ya nenehidza Shadaraka, Meshaka, na Abedinego, mu iprovinse ya Babuloni.

Danyeli 5:23

navutswa wegingiye ku Mwami womigulu; na va leti viju vyenyumba yeye imbiri wowo, na ive, navanene vovo, na avakali vovo na vasuria vovo, mu nwereye muvyo iwaini; na ive widzominyi avanyasaye vefetha navethahabu, na vomugasa, na vekivya, na vomusala, na veligina, ava vula kulola, nava ta hulira, nava ta manya; na u vuli kwidzominya Nyasaye womwika gugwo gu veye mu mukono gwigwe, na wetsinzira tsitsyo tsi veye tsitsye.

Danyeli 5:4

Va nwa iwaini, ni vidzominya vanyasaye vethahabu, na vefetha, na vomugasa, na vekivya, na vomusala, na veligina.

Hosea 2:8

Kigira uyu si a manya inze nda mu ha ubuswage, newaini, namagu ta, nokumeda kuye ifetha nethahabu, vya va tumekira Baal.

Hosea 8:4

Va mali kusingeridza avami, navutswa si ga veye ku likuva lyange; velombeye avanene, na inze ni nta manyi: velombeye vifwananyi vyefetha yavo nethahabu yavo, va duke kukalagirwa.

Habakuk 2:19

O bayaye ku uyu u volera musala, Yuka; nokuvolera ligina li veye idimbidi, Singira Yiki ki nyala kwegidza? Henza, kya kunikwa ithahabu nefetha, si ha veye nomwika kali hakudzu mukyo.

Vikolwa 17:29

Kunangwa kwinye ni ku va visukululwi vya Nyasaye, si bu li bulahi ku ganagana Nyasaye a fwana ithahabu, kinga ifetha, kinga ligina, vya kongwa nobusidza nobugeeri bwavandu.

Vikolwa 19:26

Mu lola kandi mu hulira si ha li hano mu Efeso mweng'ine navutswa kuduka mu Asia mwosi, Paulo uyu ya goonya na a girunka nnya avandu vanyingi, a vola ava lombwa namakono si va li avanya saye mba.

Kwidzulitsa 7:25

Vifwananyi vya vadzwa vya vanyasaye vavo u la samba nomuliru: u ta kayirwa ifetha kinga ithahabu i veye kuvyo, kinga u ta vi vugula vi ve vivyo, gase vi la ku hamba; kigira vi veye livihiriridza ku Yahova Nyasaye wowo.

Likunula 9:20

Kandi avandu ava tigaye, ava vula kwiitwa namaduywa zana, si veganira ku miyinzi gyamakono gavo va vule kusigamira amademone nemisambwa gyethahabu, negyefetha, negyomugasa, negyeligina, negyemisala; gya vula kunyala kulola, nokuhulira, nokugenda: