Danyeli 2:9 - KITABU KITAKATIFU

⁹ Navutswa ni mu va ni mu vula kummannva liloto, gu veye ho munwa mulala ku mwinye; kigira rnu lombi amakuva gobubehi na gobudamano kuvola imbiri wange, kuduka inyinga i luhe i girunkane: kunangwa mu mbolere liloto, na inze nda manya mu nyala kummannya livuula lyalyo.

Danyeli 2:9 ပူးပေါင်းရင်းမြစ်များ

1 Avami 22:22

Na Yahova ya mu teva, Na ki? Nagwo gwa vola, Nda twula, ntsie kuva roho gwelivola ububehi mu minwa gyavaprofeti veve vosi Naye ya vola, Ive u la mu gada, kandi u la nyala, tsia u kole ndiyo.

1 Avami 22:6

Hene yaho mwami wa Israeli ya vungidza halala avaprofeti, kuli avandu tsimia tsine, na ya va teva, Ntsie kulwana Ramothugileadi, naho mbule ku tsia? Navo va mu volera, Yanegira, kigira Mwami a la li vika mmakono gomwami.

Esther 4:11

Avatume kiri vosi vomwami, navandu vetsi provinse tsyomwami, va manya, ku vosi mundu, na a va musatsa kinga mukali, ni yingira ku mwami kuduka mu mugidzi'gwomugati, na a ta langwa, ha veye nelilaga lilala vutswa, li veye ndi, yiitwe, na a ta li uyu womwami a sona nempimbo yetha habu, a duke kuva mwoyo: navutswa inze si nangeywi kwingira ku mwami madiku aga li makumi gavaka.

Tsing'ano 12:19

Munwa gweligali gu la dinyiridzwa mihiga nemihiga; Navutswa ululimi lwobubehi lu veye lwedagika indala vutswa.

Isaya 41:23

Mwi lwadze vindu vi li va lwenyima, ku duke kumanya mu veye avanyasaye: yee, mu kole bulahi, kinga mu kole budamano, ku duke kugenya, noku lola kwosi halala.

Isaya 44:25

U heridzanga vilolekidzu vya yavo avobehi, nokukola avasegetiri kugwa avalalu; wirannyanga avageeri inyi ma, nokukola bugeeri bwavo kuva lubusiru;

Ezekieli 13:17

Na ive, mwana womundu, dinnya mmoni mumwo ku avakana vavandu vovo, ava profetanga aga twulanga ku myoyo gyavo avene:

Ezekieli 13:19

Na mwinye mu lononnya inze hagati ha vandu vange kigira tsimpi tsyeshairi kandi kigira amadonye gobukima, kwiita myoyo gya yava ava ga ta dukira likudza, nokuhonnya myoyo gya yavo ava ga ta dukira kuva mwoyo, ku livehera avandu vange ava huliranga bubehi bwenyu.

Ezekieli 13:6

Va lola vindu vya vutswa, nobusegetiri bwobubehi, yavo ava volanga, Yahova a vola, na Yahova si ya va tuma mba: navo va kola avandu kusuuvira likuva yili li la dukidzwa.

Danyeli 2:16

Na Danyeli yingira, ni yenya mwami a mu lage inyinga, a duke kuvuulira mwami livuula zana.

Danyeli 2:21

Na a girunkannyanga tsinyinga ne imihiga; a twulidzanga avami, nokuvika avami; a hedzanga avageeri ubugeeri, na limanya kuvo ava veye nelihulira;

Danyeli 2:8

Mwami ya tivula na a vola, Manya ligali mwinye mwenya kunyola ubwiyangu, kigira mu lola likuva lvene li twuli ku inze.

Danyeli 3:15

Kalunu ni mu va ni mwetegeki inyinga mu hulira mwoyo gwekisiliva, nogwelilere, nogweiidienyi, nogwekinang'oli, nogwobukana, nogwekidulere, nogwetsing'ano tsyosi tsyevikupangwa, mu gwe hasi nokusigamira kifwananyi kya nombi, nu bulahi: navutswa ni mu vula kukisigamira, mu la tebwa isaa zana yeyo, mu kisambiru kyaakanga muliru ligali; na munyasaye zana u nyala kumutwulidza mu makono gange, ni bwaha?

Danyeli 5:28

FERES; ubwami bubwo bu gavuleywi nokuhebwa Avamedi na Avapersia.

Danyeli 5:31

Na Dario Mumedi ya hebwa ubwami, ya li na a ve ne mihiga makumi gatano na lilala na gyiviri.

Danyeli 7:25

Naye a la vola makuva manene gokuhing'ana na uyu U Veye Igulu Ku Vyosi, kandi a la luhidza ligali avatakatifu va U Veye Igulu Ku Vyosi, nn a la ganagana kugiru nkannya tsinyinga nelilaga; na vi la vikwa mu mukono gwigwe kuduka inyinga na tsinyinga na kidonye kye nyinga.

2 Vakorintho 2:17

Kigira kwinye si ku veye kuli avanyingi ava tsukannyi amakuva gandi mu makuva ga Nyasaye, navutswa ku veye kuli nageligali, imbiri wa Nyasaye, ku vola ku Kristo.