Danyeli 2:47 - KITABU KITAKATIFU

⁴⁷ Na mwami ya tivula na a volera Danyeli, na a mu volera, Ligali, Nyasaye wowo a veye Nyasaye wa vanyasaye, na umwami wa avami, na muvuuli wevindu vya viswa, kigira wa nyala kumbuulira liviswa yili.

Danyeli 2:47 ပူးပေါင်းရင်းမြစ်များ

Litanga 41:39

Kunangwa Farao ya volera Yosefa, Kigira Nyasaye ya ku mannya inkuva yiyi yosi, si ha veye nowobugeeri na welimanya kuli ive:

2 Avami 5:15

Yirana ku mundu wa Nyasaye uyu, nekiganda kikye kyosi, vadza, ni va singira imbiri wewe: na a vola, Henza kalunu, manya si ha veye na Nyasaye mu lirova lyosi, navutswa mu Israeli: kunangwa kalunu, mwadza, u vugule ubugasu ku mukono gwomutumekiri wowo.

Ayubu 12:19

Yimiriranga avasalisi va tsie ni va lanyeywi, Nokutung'aminya avaluviriri.

Zaburi 136:2

Mu santidze Nyasaye wa vanyasaye Kigira tsimbabasi tsitsye tsi veye ho mihiga nemihiga.

Zaburi 136:3

Mu santidze Mwami wa avami; Kigira tsimbabasi tsitsye tsi veye ho mihiga nemihiga:

Zaburi 72:11

Yee, avami vosi va la mu sigamira; Na tsihiri tsyosi tsi la mu tumekira.

Zaburi 82:1

Nyasaye a singiranga mu livu gana lya Nyasaye; A kalaganga hagati ha vanyasaye.

Zaburi 96:4

Kigira Yahova a veye munene, nokwidzominywa ligali: A veye wokutibwa kuvita avanyasaye vosi.

Ezekieli 26:7

Kigira Mwami Nyasaye a vola ndi: Henza, nda leta Nebukadirezaru mwami wa Babuloni, yadze ku Turo uyu mwami wavami, u twulanga ku luvega lwa kasikasini, halala netsiparasi, narnagari gobulwani, navanina ku tsiparasi, nekiduma, navandu vanyingi.

Danyeli 11:36

Na mwami a la kola kuli a yanza; kandi a leyidzominya, nokwekola munene ku vanyasaye vosi, na a la vola ku Nyasaye wa vanyasaye amakuva gokugennya; na a la menya buiahi kuduka lwa ubutima bu heridzwa; kigira yaga aga saavirwa ga la kolwa.

Danyeli 2:19

Ku nangwa likuva li viseywi zana lya vuulwa ku Danyeli mu malola gobu diku. Hene yaho Danyeli ya santidza Nyasaye womigulu.

Danyeli 2:22

a vuulanga ivindu vi veye mu luliva nomu liviswa; a manyanga vi veye mu kisundi, na ubulavu bu menyanga halala naye.

Danyeli 2:28

navutswa ha veye ho na Nyasaye migulu u vuulanga vi viseywi, uyu u mannyi mwami Nebukadinezaru, makuva aga li va ho mu madiku gekiheri. Liloto lilyo, na malola gomutwe gugwo ku kitali kikyo, ga veye yaga:

Danyeli 2:29

Ku ive, O mwami, tsiganagani tsitsyo tsingira mu mwoyo gugwo ku kitali kikyo, ni ki, ki la duka inyinga yekiheri; na uyu u vuulanga agaviseywi u vuuliye ive aga li kolwa.

Danyeli 2:30

Na vutswa ku inze, agaviseywi si ga vuuleywi ku inze kigira ubugeeri bwa mbeye nabwo kuvita avandi ava veye mwoyo, navutswa li veye livuula ii dukidzwe ku mwami, kandi ive u duke kumanya tsiganagani tsyomwoyo gugwo.

Danyeli 2:37

Ive, O mwami, u veye mwami wa vami, wa Nyasaye womigulu ya ku ha ubwami, ubunene, na tsingulu, na lidzominywa;

Danyeli 3:15

Kalunu ni mu va ni mwetegeki inyinga mu hulira mwoyo gwekisiliva, nogwelilere, nogweiidienyi, nogwekinang'oli, nogwobukana, nogwekidulere, nogwetsing'ano tsyosi tsyevikupangwa, mu gwe hasi nokusigamira kifwananyi kya nombi, nu bulahi: navutswa ni mu vula kukisigamira, mu la tebwa isaa zana yeyo, mu kisambiru kyaakanga muliru ligali; na munyasaye zana u nyala kumutwulidza mu makono gange, ni bwaha?

Danyeli 3:28

Nebukadinezaru ya gamba na a vola, Nyasaye wa Shadaraka, Meshaka, na Abedinego, yidzominywe, u tumi ingelosi wewe, no kuhonnya avatumekiri veve ava mu suuvira, nokugirunkannya likuva lyomwami, nokuhaana mibiri gyavo, va vule kutumekiri nokusigamira munyasaye wundi, u ta li Nyasaye wavo.

Danyeli 3:29

Kigira yaga inze mbaana munwa, ku tsihiri tsyosi, ku tsimpya tsyosi, ku tsinimi tsyosi, ava vola kindu kidamano ku Nyasaye wa Shadaraka, Meshaka, na Abedinego, va la kalagwa vidonye, na tsinyumba tsyavo tsi la kolwa isina; kigira si ha veye na munyasaye wundi u nyala kuhonnya kuli ndi.

Danyeli 4:17

Likalaga yili li veye lyomunwa gwavalindi, na likuva li veye lyomunwa gwavataka tifu, ava veyemwoyo va duke ku manya uyu U Veye Igulu Ku Vyosi yamehanga mu bwami bwavandu, kandi a hedzanga uyu wa a yanza kandi a vika kubwo uyu u veye mu kekeke ku vosi.

Danyeli 4:25

ive u la kungwa kutwula ku vandu, na limenya lilyo li la va halala ne tsinyama tsyomwigendanyama, na ive u la kolwa kulia bunyasi kuli ing'ombe, na u la nyola amadzi gelime lyomigulu, na tsinyinga tsitano na tsiviri tsi la vita ku ive; u duke kumanya uyu U Veye Igulu Ku Vyosi wamehi mu bwami bwavandu, na a hedzanga ku uyu wa a yanza.

Danyeli 4:32

u la kungwa mu avandu; na limenya lilyo li la va halala netsinyama tsyomwigendanyama; ive u la kolwa kulia bunyasi kuli tsing'ombe; na tsinyinga tsitano na tsiviri tsi la vita ku ive; kuduka ive u la manya U Veye Igulu Ku Vyosi yamehanga mu bwami bwa avandu, na a hedzanga wa yenyanga ku vosi.

Danyeli 5:11

Mundu a veye ho mu bwami bubwo, wa roho gwa va nyasaye vatakatifu gu veye muye; na mu madiku ga dada wowo, ubulavu, nelimanya, nobugeeri, bwa loleka muye, kuli ubugeeri bwa vanya saye; na mwami Nebukadinezaru dada wowo, mwami, mbola, dada wowo, ya mu kola a ve munene wa avakumu, vasegeteri, Avakalidei, na avang'oli;

Amosi 3:7

Ligali Mwami Nyasaye si a la kola kindu, navutswa aga viswa gege a la vuulira avatumwa veve avaprofeti.

1 Vakorintho 14:25

vindu vyomu mwoyo gwigwe vi viseywi vi lang'aminyeywi; ma a la gwa mammama nokusigamira Nyasaye, na hene yaho a la vola Nyasaye a veye hagati henyu ligali.

Kwidzulitsa 10:17

Kigira Yahova Nyasaye wenyu, niye Nyasaye wa avanyasaye, nomwami wavami, Nyasaye munene, wetsingulu, nelitihidza, u vulanga kuhenza liloleka lyavandu, kinga kuvugula vikukula.

1 Timoteo 6:15

mu tsinyinga tsyalyo U Veye Netsingulu Veng'ine, Wa Gasidzwa, Mwami wavami, Munene ku vamehanga kuli vanene, a la lolekidza;

Joshua 22:22

Yahova, Nyasaye, Wanyala Vyosi, Yahova, Nyasaye, Wanyala Vyosi, niye u manya; na Israeli a la manya: ni ga va ni ga veye mu butingu, kinga ni ga va ni ga veye mu lihyolo ku Yahova (u ta ku honnya lero),

Likunula 1:5

kandi gyi twulanga ku Yesu Kristo, u veye muloli musuuvirifu, nowa tanga kwivulwa wavakudzu, nomunene wavami velirova. Kuye u ku yanzanga, kandi ya ku boholola namasahi gege kutwula mu bwoni bwetu,

Likunula 17:14

Yava va la kolera Mwana Weligondi ubulwani, kandi Mwana Weligondi a la va guuta, kigira a veye Munene wavanene kandi Mwami wavami; kandi ava veye halala naye, ava langwa, navatovole, navasuuvirilu.

Likunula 19:16

Kandi a veye nelieta li ng'odeywi ku ingubo yeye nokwitango lilye, MWAMI WAVAMI NOMUNENE WAVANENE.