Danyeli 2:45 - KITABU KITAKATIFU

⁴⁵ Kuli ive wa lola ligina lya twulidzwa ku kigulu bugira makono, na lya donyannya kivya, nomugasa, nobudohi, nefetha, nethahabu; Nyasaye munene u mannyi mwami amakuva gevindu vi li va ho mu madiku gadzanga: na liloto li veye lyeligali, na livuula li veye lyeligali.

Danyeli 2:45 ပူးပေါင်းရင်းမြစ်များ

Litanga 41:26

Tsing'ombe tsindahi tsitano na tsiviri tsi veye mihiga gyitano na gyiviri; kandi vyangala vilahi vitano na viviri vi veye mihiga gyitano na gyiviri: liloto ni lilala.

Litanga 41:28

Yiki ni kindu kya mbolera Farao: Nyasaye a mannyanga Farao aga yenya kukola.

Litanga 41:32

Kandi ku maloto ga Farao ya lotidzwa hali kaviri, ga veye kigira inkuva yiyi Nyasaye u gi singeridzi, na Nyasaye a la gi leta bwangu.

2 Samweli 7:22

Kigira yaga ive u veye munene, O Yahova Nyasaye: kigira si ha li nowundi kuli ive, kandi si ha li na Munyasaye wundi navutswa ive kuli gosi ga ku huliye namatu getu.

1 Kyetsinyinga 16:25

Kigira Yahova a veye munene nowokwidzominywa ligali: A veye wokutibwa kuvita vanya saye vosi.

Nehemia 4:14

Na nda henza, nokusingira, nokuvolera avanene, nava mehi, navandu vandi avatigala, Mwi nye mu ta tia yavo mba: mwidzulitse Yahova, u veye munene noweliti hidza, na mu lwanire avamwavo venyu, navana venyu, avayai na vakana, navakali venyu, netsinyumba tsyenyu.

Nehemia 9:32

Kunangwa kalunu, O Nyasaye wetu, munene, nowetsingulu, Nya saye wokutibidza, u gumiranga lila gana netsimbabasi, kivi kyosi kya gwira kuinye, navami vetu, navanene vetu, navasalisi vetu, navaprofeti vetu, navaguga vetu, navandu vovo vosi, kutwula ku tsinyinga tsyavami va Asuria, kuduka lero, ki ta loleka kuva kikekeke, kivi zana imbiri wowo.

Ayubu 36:26

Henza, Nyasaye a veye munene, si ku mu manya mba Livalidza lyemihiga gyigye si linyoleka mba.

Zaburi 135:5

Kigira mmanya Yahova a veye munene, Kandi Mwami wetu a veye igulu ku vanyasaye vosi.

Zaburi 145:3

Yahova a veye munene, na wokwi dzominywa ligali; Ubunene bu ibwe si bu nyala kwiderwa.

Zaburi 2:9

U la va shonolannya nempimbo yekivya; U la vononnya kuli isiongo yomulongi.

Zaburi 48:1

Yahova a veye munene, nowokwidzominywa ligali Mu lidala lya Nyasaye wetu, mu kigulu kikye kitakatifu.

Zaburi 96:4

Kigira Yahova a veye munene, nokwidzominywa ligali: A veye wokutibwa kuvita avanyasaye vosi.

Isaya 28:16

kunangwa kigira yaga Yahova Nyasaye a vola, Henza, mbikanga ligina mu Zioni li duke kuva muse, li veye ligina lya geridzwa, li ve ligina lyolwiga lwomuse, lyobuguli budinyu: na uyu u suuvira a ta kola bwangu.

Danyeli 2:24

Kunangwa Danyeli ya tsia kwingira wa Arioku, womwami ya vika kudividza avandu avobugeeri va Babuloni; ya tsia na a mu volera ndi: U ta dividza avandu avobugeeri va Babuloni; u ndukidze imbiri womwami, na inze nda vuulira mwami livuula zana.

Danyeli 2:28

navutswa ha veye ho na Nyasaye migulu u vuulanga vi viseywi, uyu u mannyi mwami Nebukadinezaru, makuva aga li va ho mu madiku gekiheri. Liloto lilyo, na malola gomutwe gugwo ku kitali kikyo, ga veye yaga:

Danyeli 2:29

Ku ive, O mwami, tsiganagani tsitsyo tsingira mu mwoyo gugwo ku kitali kikyo, ni ki, ki la duka inyinga yekiheri; na uyu u vuulanga agaviseywi u vuuliye ive aga li kolwa.

Danyeli 2:44

Kandi mu madiku ga avami yavo Nyasaye womigulu a la singeridza ubwami bu li vula kudiva mihiga nemihiga, na ubwami bwabwo si bu li lekwa kuva bwehiri yindi; navutswa bu la donyannya nokuheridza ubwami yibwo bwosi, na bwene bu la singira mihiga nemihiga.

Danyeli 8:25

Na ku miima gyigye a la kola ubugadi bu gase mu mukono gwigwe, na a lenenehidza mwene mu mwoyo gwigwe, na a la dividza avanyingi ava menyanga nelilemerwa: kandi a la singira kuhing'ana na Munene wa vanene; navutswa a la vunanywa bugira mukono.

Haggai 2:22

na nda tung'aminya intebe yobwami, na nda dividza tsingulu tsyobwami bwetsihiri; na nda tung'aminya magari gobulwani, na yava avavikaye mugo; netsiparasi, na yava va ninanga kutsyo va la gwa hasi, sa mulala ku kivavi kyamwavo wewe.

Zekaria 12:3

Na ga la duka ku lidiku yilyo, nda kola Yerusalemi kuva ligina liliduhu ku avandu vosi; vosi ava ginga musigo yigwo va laatwa tsing'oma ligali; netsihiri tsyosi tsyelirova tsi la vungidzwa halala kulyo.

Malaki 1:11

Kigira kutwula ku litonga lyeliuva kuduka ku liyera lyalyo, lieta lyange li veye linene mu tsihiri: kandi hosi kimuli ki la sambangwa ku lieta lyange, na kihaanwa kilahi: kigira lieta lyange li veye linene mu vandu vetsihiri: Yahova wa mahe a vola.

Matayo 21:24

Yesu ya tivula na a va volera, Inze kandi nda mu teva liteva lilala; ni mu volera inze yili, kandi nda mu volera tsingulu tsya nkolera vindu yivi.

Matayo 24:35

Ligulu nelirova li la vita, navutswa amakuva gange si ga li vita mba.

Luka 17:20

Vafarisayo, lwa va mu teva inyinga yobwami bwa Nyasaye bu la duka, ya va tivulira na a vola, Ubwami bwa Nyasaye si budza nobuloleki:

Kwidzulitsa 10:17

Kigira Yahova Nyasaye wenyu, niye Nyasaye wa avanyasaye, nomwami wavami, Nyasaye munene, wetsingulu, nelitihidza, u vulanga kuhenza liloleka lyavandu, kinga kuvugula vikukula.

Likunula 1:19

Kunangwa u ng'oda vindu vya u lola, kandi vindu vi veye ho, kandi vindu vi la va ho inyima;

Likunula 19:17

Kandi nda lola ingelosi mulala a singiye ku liuva; kandi ya hanzuka nomwoyo munene, na a volera manyonyi gosi aga bulukanga hagati hobwerefu, Hambi mu vugane halala ku lilia linene lya Nyasaye;

Likunula 4:1

Inyima wevindu yivi nda lola kandi henza, kiliango kigulika migulu, nomwoyo gwokutanga gwa nda hulira, kuli kisiliva gu volerana na inze, mulala a vola, Yanegira yino, na inze nda ku mannya ivindu vi la duka lwenyima.